Адвакат Міхаіла Жамчужнага прыехаў 13 ліпеня да свайго падабароннага на плянаванае спатканьне ў папраўчую калёнію №11 у Ваўкавыску, дзе палітвязень утрымліваўся з красавіка бягучага году пасьля пераводу з калёніі ў Навасадах. Нечакана высьветлілася, што Жамчужнага ў калёніі няма. Прадстаўнік адміністрацыі паведаміў абаронцу, што з 10 ліпеня палітвязень пераведзены ў калёнію №9, якая знаходзіцца ў Горках.

11 ліпеня ў судзе Глыбокага завяршыўся разбор крымінальнай справы пра незаконную міграцыю, у арганізацыі якой абвінавачваліся грамадзянін Вялікай Брытаніі Алан Сьміт і двое грамадзян Беларусі. Судзьдзя перакваліфікаваў абвінавачаньне ў дачыненьні да англічаніна з часткі 2 артыкулу 371¹ КК на больш мяккую частку 1 і прысудзіў яго да двух гадоў зьняволеньня ва ўмовах агульнага рэжыму.

Цягам тыдня сябры грамадзкай ініцыятывы «Хайсы» ўсталявалі ў лясным масіве побач з аднайменнай вёскай 16 крыжоў у памяць ахвяраў сталінскага рэжыму. Ініцыятыву актывістаў падтрымалі і неабыякавыя мясцовыя жыхары, якія даўно ведалі пра расстрэлы людзей у другой палове 30-х гадоў мінулага стагодзьдзя ля вёсак Хайсы і Дрыкольле.

З пачатку году ў Віцебскай вобласьці ад вонкавых прычын загінулі 15 дзяцей, паведаміў старшы памочнік па справах непаўналетніх і моладзі пракуратуры Віцебскай вобласьці Антон Волкаў.

У траўні завадчане чакалі зарплату толькі за сакавік. Такое становішча рэчаў іх мала задавальняе, і на «гарачую лінію» ў рэдакцыю газэты «Беларускi час» паступіў чарговы зварот.

У старым квартале Віцебску на Пакроўскай вуліцы прайшлі ўрачыстасьці, прысьвечаныя 130-годзьдзю Марка Шагала, мастака, які ўславіў горад над Дзьвіной на ўвесь сьвет.

Эканамічны суд Віцебскай вобласьці вынес рашэньне пра прызнаньне банкрутам КУВП «Полацкі вінаробны завод» і яго ліквідацыю, паведаміла судзьдзя эканамічнага суду Вольга Тур.

3 ліпеня каля 17:00 у Лепелі недалёка ад пляжу на Лепельскім возеры пяском засыпала 11-гадовага хлопчыка. Школьнік прыехаў на вакацыі да бабулі і разам з двума аднагодкамі пайшоў гуляцца на гарадзкі пляж. Дзеці выкапалі ў пяшчаным абрыве нару і залазілі туды. Раптам грунт абваліўся і цалкам засыпаў аднаго з хлопчыкаў.

У судзе другой інстанцыі сябра АГП Сяргей Васільеў хацеў давесьці памылковасьць высновы Мёрскага райсуду, які прызнаў яго вінаватым у знаходжаньні на працы ў нецьвярозым стане. Гэтае правапарушэньне стала падставай для звальненьня апазыцыянэра. Калі б абласны суд стаў на яго бок, ён змог бы аднавіцца на працы.

У працяг тэмы пра ізалятары часовага ўтрыманьня Віцебскай вобласьці падаём расповед сустаршыні стваранай партыі БХД Паўла Севярынца. Павал, як былы палітвязень, добра знаёмы з пэнітэнцыярнай сыстэмай Беларусі. Сёлета ён быў пакараны 15-цю суткамі арышту пасьля «Маршу недармаедаў» у Воршы, што адбыўся 12 сакавіка.