Праваабаронца і журналіст з Оршы Ігар Казмярчак даведаўся, што на яго завялі крымінальную справу па ч.1 артыкула 368 Крымінальнага кодэкса за абразу Лукашэнкі. Вытворчасцю па справе займаецца Аршанскі міжраённы аддзел Следчага камітэта Рэспублікі Беларусь. Калі справа дойдзе да суда, то Ігару паграджае пакаранне ў выглядзе пазбаўлення волі на тэрмін да чатырох гадоў. Цяпер сп. Казмярчак знаходзіцца за межамі краіны і яму нічога не пагражае.

27 красавіка ў судзе Наваполацка пяты раз запар асудзілі старшыню незалежнага прафсаюза «Нафтан» Вольгу Брыцікаву, якую затрымалі яшчэ 27 лютага. Справу разглядала сумнавядомая мясцовая суддзя Зінаіда Балаболава, піша «Вясна».