Віцебскі абласны суд разгледзіць прыватныя скаргі праваабаронцы Паўла Левінава на вызначэнне суддзі суду Чыгуначнага раёну Віцебску Святланы Варатынскай. Яна адмовілася адправіць у аблсуд апеляцыйныя скаргі праваабаронцы, у якіх ён патрабуе адмены забароны працы Тэлеграм-каналаў «Віцебск 97%» і «Чат неверагоднага Віцебска». Пасяджэнне судовай калегіі па грамадзянскіх справах адбудзецца 24 траўня 2021 года ў будынку аблсуду ў 14-30 і 15-00 адпаведна па кожным канале.