Паводле афіцыйнай статыстыкі, у Беларусі таксама чацвёртая частка ад колькасці пенсіянераў вымушана працуе. І ні для каго не сакрэт, што часта пажылыя людзі вымушаны на гэта пайсці, каб падтрымаць сваіх дзяцей з нізкімі заробкамі.

А вось што да сацыяльнай падтрымкі, то дастаткова прааналізаваць наступныя лічбы: мінімальная пенсія складае
у Беларусі – каля €165
у Літве – каля € 575–600
у Латвіі- каля € 256
у Эстоніі -   каля € 414.

Усе гэтыя звесткі лёгка знайсці ў інтэрнэце. Аднак Любоў Шляйко лічыць сваіх чытачоў абсалютна недалёкімі людзьмі, якія проста на слова павераць прапагандзе з “раёнкі”.  
Да гэтага метаду прапагандыстка звртаецца ўжо не першы раз. Прыкладам, нядаўна яна спрабавала ўразіць землякоў тым, што жыхароў Еўразвязу нібыта  чакаюць заўсёдная смага і антысанітарыя, бо там бракуе вады. Яшчэ раней - шкадавала жыхароў Літвы, якія жывуць у нішчымніцы. Толькі “забыла” прыгадаць, што ўзровень  “абсалютнай беднасці” у Літве – гэта прыбытак, меншы за 446 €/месяц, тым часам як заробкі ў яе родным раёне да гэтай лічбы, бывае, і блізка не дацягваюць.

Валянціна Рог