21 траўня ў Беларусі адзначаецца Дзень салідарнасці з палітзняволенымі. СТАТЫСТЫКА
Гэтую дату выначыў Праваабарончы цэнтр "Вясна" ў памяць пра палітвязня Вітольда Ашурка, які загінуў у шклоўскай калоніі ў 2021 годзе. Сёння ў Беларусі як мінімум 841 чалавек застаецца за кратамі па палітычных матывах. За апошнія 5 гадоў мінімум 9 палітвязняў памерлі ў зняволенні.
Прапагандысты СТВ прыязджалі да віцебскіх студэнтаў
Сустрэча з Грыгорыем Азаронкам і Андрэем Лазуткіным адбылася ў Віцебскім філіяле “МИТСО” у межах інфармацыйна-асветніцкага праекта «Обсудим». Але запрошаныя выступоўцы звялі яе да свайго звыклага занятку – прапаганды.
Моладзь ідзе ў БРСМ “для галачкі”, прадзяржаўныя партыйцы не ўмеюць карыстацца сацсеткамі, прафсаюзы канстатуюць кадравыя праблемы
Такія высновы мусіў зрабіць намеснік старшыні Віцебскага аблвыанкама Аляксей Гуйда, выступаючы на выяздным пасяджэнні абласнога Каардынацыйнага савета палітычных партый і грамадскіх арганізацый, які прайшоў у Лёзна.
20 год таму пайшоў з жыцця Уладзімір Плешчанка – адзін з першых у Беларусі зняволеных па палітычных матывах
Спадар Уладзімір памёр 20 траўня 2026г. на 57-м годзе жыцця ў вёсцы Вароны Віцебскага раёна – у апошнія гады ён быў вымушаны трымаць невялікую гаспадарку, якая стала галоўным сродкам ягонага існавання. Бо з невялікае пэнсіі па інваліднасці вылічвалі грошы на шматмільённыя штрафы. Плешчанка меў хворае сэрца, але па некалькі разоў на тыдзень прыяжджаў у Віцебск і разам з Барысам Хамайдам ладзіў пікеты ля так званага “сіняга дому” – раздаваў улёткі ці проста стаяў пад бел-чырвон-белым сьцягам.
Непадалёк ад вёскі Прыпернае ў Глыбоцкім раёне быў заўважаны баявы дрон
На Віцебшчыне, у Глыбоцкім раёне, непадалёк ад вёскі Прыпернае мясцовыя жыхары, якія пажадалі застацца ананімнымі, пачулі гук, які нагадваў ім гук мапеда, а пасля пачулі выбух. Як стала вядома, там упаў баявы дрон, які спачатку не выбухнуў, а яго падарвалі сілавікі. Чый гэта быў дрон, залётны ці такім чынам навучаліся самі беларускія вайскоўцы, людзям невядома.
Паўла Севярынца ўзнагародзілі Ордэнам Пагоні
Палітыка і былога палітвязня Паўла Севярынца, які родам з Віцебшчыны, Рада БНР 17 траўня ў Вільні ўзнагародзіла тытулам кавалера Ордэна Пагоні з наданнем адзнакі Крыжу Ордэну Пагоні. Урачыстая цырымонія прайшла ў віленскім Беларускім музеі імя Луцкевіча.
Суды Віцебшчыны зноў паспрыялі папаўненню Рэспубліканскага спіса экстрэмісцкіх матэрыялаў
Адпаведныя рашэнні прынялі суды Чашніцкага і Расонскага раёнаў.
Галоўнай журналісцкай прэміяй уганаравалі асобу, якой не існуе
Журы сёлетняга конкурсу “Золотая литера» ў адкрытую пацвердзіла: дзяржпрапаганда не бянтэжыцца любой хлусні, калі гэта супадае з ідэалагічным вектарам. На гэтым здымку вы бачыце 5 чалавек – прадстаўнікоў розных рэдакцый віцебскіх дзяржвыданняў. Але ўзнагарод атрымана 6, і гэтым шостым стаў нехта «палітолаг Вадзім Крылоў», чыім прозвішчам падпісаны матэрыялы праекта «Выводы делайте сами» у газеце «Витьбичи».
Ганна Федаронак цвёрда вырашыла знайсці зламыснікаў, якія яе "пахавалі"
Гісторыя з пахаваннем Ганны Федаронак, вымушанай палітэмігранткі з Пастаўшчыны і адміністратарка варшаўскага шэлтара для палітуцекачоў з Беларусі, пачалася ў мінулы аўторак. Жанчыне пераслалі фотаздымкі ўлётак, дзе гаварылася, што “Ганна Федаронак памерла” і што адкрыты збор сродкаў, каб яе пахаваць. Прычым указваліся рэквізіты рахункаў, звязаныя з грамадскай дзейнасцю актывісткі - з фондам "Прытуляй мяне".
У пералік асобаў, “датычных да экстрэмісцкай дзейнасці”, унеслі палачанку Ціну Палынскую і яе дачку
Паводле гэтага спіса на сайце МУС, Ціна Палынская і Маргарыта Рабіновіч прызнаныя вінаватымі паводле частак 1, 2 арт. 361-4 КК РБ (садзейнічанне экстрэмісцкай дзейнасці) і зараз «адбываюць пакаранне». Меркавана, іх справа можа быць звязана з прызнаннем «Беларускай аналітычнай майстэрні» прафесара Андрэя Вардамацкага «экстрэмісцкім фармаваннем». Гэтая арганізацыя праводзіла сацыялагічныя апытанні сярод беларускіх грамадзян.