Праваабаронца: Перапіска з палітвязьнем Жамчужным перарвалася
Віцебскія праваабаронцы перасталі атрымліваць лісты ад палітвязьня Міхаіла Жамчужнага. Магчымыя прычыны: поўная ізаляцыя палітвязьня ў сувязі з пандэміяй COVID-19 альбо этапаваньне ў Горацкую калёнію, мяркуе праваабаронца Леанід Сьвецік.
Сьледзтва адмовіла палітвязьню Жамчужнаму ў атрыманьні пасылак і спатканьнях
Віцебскі гарадзкі аддзел Сьледчага камітэту РБ адмовіў праваабаронцу Леаніду Сьвеціку ў кароткатэрміновай сустрэчы з палітвязьнем Міхаілам Жамчужным, а таксама – у перадачы палітвязьню харчова-рэчавай пасылкі. Сьвецік лічыць, што сьледчы фармальна паставіўся да ягонай просьбы, праігнараваўшы прынцып гуманізму.
Палітвязень Жамчужны: Неўзабаве вярнуся ў горацкую калёнію…
Да 20-га сакавіка палітвязень Міхаіл Жамчужны будзе знаходзіцца ў Віцебскім абласным сьледчым ізалятары. Пра гэта ён паведаміў праваабаронцам у чарговым лісьце зь СІЗА-2. Як мяркуе палітвязень, пасьля Віцебску яго зноў этапуюць у ПК №9 г. Горкі Магілёўскай вобласьці.
У Віцебскім СІЗА-2 не дазволілі зрабіць перадачу для Жамчужнага і адмовілі ў спатканьні
Віцебскія праваабаронцы Павал Левінаў і Леанід Сьвецік зьвярнуліся з просьбай да адміністрацыі СІЗА №2 даць ім кароткатэрміновае спатканьне з палітвязьнем Міхаілам Жамчужным, а таксама дазволіць зрабіць для яго перадачу і пералічыць на ягоны асабісты рахунак сродкі. Праваабаронцам далі дазвол толькі на пералік грошай.
Палітвязьня Міхаіла Жамчужнага этапавалі ў віцебскі СІЗА №2
Палітвязьня Міхаіла Жамчужнага этапавалі ў сьледчы ізалятар №2 (СІЗА-2) у Віцебску. Пра гэта палітвязень паведаміў у лісьце праваабаронцу Леаніду Сьвеціку. Прычынай такога нечаканага перамяшчэньня Жамчужнага стала аднаўленьне папярэдняга расьсьледаваньня Упраўленнем сьледчага камітэту па Віцебскай вобласьці.
Галоўны турэмны сьвятар Віцебскай эпархіі наведаў СІЗА-2 – фотафакт
Старшы турэмны сьвятар Віцебскай эпархіі БПЦ Сергій Захараў павіншаваў са сьвятам Нараджэньня Хрыстова людзей, якія прыбываюць у СІЗА №2 Віцебску. Усе падсьледныя, якія знаходзяцца пад вартай у ізалятары, атрымалі ад сьвятара Эвангельлі і каляндарыкі на 2020 год, паведамляе сайт Віцебскай эпархіі.
“Жывем як у турме…” Пэнсіянэр зладзіў пікет пад сьценамі віцебскага СІЗА - відэа
Віцебскі пэнсіянэр і патэнцыйны кандыдат у дэпутаты Уладзімер Мацкевіч зладзіў перадвыбарчы пікет пад сьценамі віцебскага сьледчага ізалятару. На думку Мацкевіча, уся нашая краіна ператварылася ў адну вялікую турму, а ўсе грамадзяне – у яе вязьняў. “Дык дзе ж яшчэ зьбіраць подпісы, калі не пад сьценамі вязьніцы?” – кажа пікетоўца.
Раптоўна: віцяблянка абскарджвае ўжытую да яе амністыю. У чым справа?..
У дачыненьні віцяблянкі Надзеі Куканос 9 жніўня ўжылі амністыю. Пасьля 4-х месяцаў знаходжаньня ў СІЗА яна была вызваленая з-пад варты ў залі суду. Але раптам жанчына абскардзіла судовую пастанову, папрасіла адмяніць ужытую да яе амністыю ды накіраваць справу на новы разгляд…
“Бо краіна гіне ў наркаце…” Маці-328 маліліся каля муроў віцебскага СІЗА
Маці асуджаных паводле артыкулу 328 КК (Незаконны абарот наркотыкаў) маліліся сёньня каля муроў СІЗА №2 у Віцебску. Малебен ля турэмных муроў ладзіўся ў межах паломніцкага туру па гарадах Беларусі, у якіх разьмяшчаюцца калёніі і сьледчыя ізалятары.
Віцяблянку Куканос канваявалі зь СІЗА-2 ў Навінкі – на псыхіятрычную экспэртызу
Як стала вядома, затрыманая 11 красавіка актывістка Надзея Куканос да 29 красавіка ўтрымлівалася ў віцебскім СІЗА №2. У панядзелак яе пад канвоем адвезьлі ў рэспубліканскі цэнтар псыхічнага здароўя ў Навінках для правядзеньня судова-псыхіятрычнай экспэртызы. Пра гэта паведамілі яе паплечнікі па незарэгістраваным аб’яднаньні “За сумленную ўладу”.