Заяўку на акцыю ў Наваполацку падаў актывіст аргкамітэту па стварэньні грамадзкага аб’яднаньня «Свабодны регіён» Яўген Парчынскі. Пікет заплянаваны на 26 красавіка, гэтая акцыя «будзе мець і экалягічны, і палітычны характар. Бо аварыя на чарнобыльскай АЭС была ня толькі тэхнагеннай катастрофай, але і палітычнай праблемай, створанай савецкім рэжымым, які доўгі час хаваў наступствы Чарнобыля». Акцыю наваполацкія дэмакраты хочуць правесьці пад лёзунгамі «Свабода. Праўда. Справядлівасьць».

Актывіст Партыі БНФ Кастусь Смолікаў напісаў у аблвыканкам электронны зварот: прапанаваў, каб на інтэрнэт-сайце аблвыканкаму была беларускамоўная вэрсія. Адказ ад ідэалягічнага аддзелу быў кароткі: сайт быў і будзе толькі на расейскай мове. Бо гэта не супярэчыць заканадаўству. А інтарэсы грамадзян ніхто ўлічваць не зьбіраецца.

Пра гэта Алена Сьцяпанава даведалася 17 красавіка, наведаўшы Кастрычніцкі РАУС Віцебску. Старшы інспэктар аддзелу аховы правапарадку і прафіляктыкі Сяргей Вяракса хацеў атрымаць ад журналісткі тлумачэньні адносна матэрыялу “Віцебскія школьнікі адмаўляюцца вучыць гімн”, разьмешчаны ў студзені бягучага году на сайце “Радыё Свабода”. Матэрыял нікім не падпісаны.

15 красавіка Сьвятлана Сьцяпанава наведала Віцебскую абласную пракуратуру ў суправаджэньні віцебскага праваабаронцы Паўла Левінава. У пракуратуры палічылі, што незалежная журналістка зь Віцебску без акрэдытацыі супрацоўнічае з замежным СМІ – беларускай службай “Польскага радыё для замежжа”.

Вярхоўны суд лічыць скаргу родных Уладзіслава Кавалёва адносна месца пахаваньня расстралянага непадведамаснай агульным судам. Такое рашэньне ўтрымліваецца ў адказе на скаргу Любові Кавалёвай і Тацьцяны Казяр за подпісам намесьніка старшыні Вярхоўнага суду Андрэя Забары. У рашэньні паведамляецца пра тое, што рашэньні суду Кастрычніцкага раёну Менску і Калегіі па грамадзянскіх справах Менскага гарадзкога суду аб непадведамаснасьці разгляду скаргі агульным судам застаюцца ў моцы.

У сувязі з будаўніцтвам моста праз Заходнюю Дзьвіну былі зруйнаваныя гаражы па вуліцы Ясеніна. Яшчэ раней іх уладальнікі былі папярэджаныя пра тое, што гаражы будуць перашкаджаць будаўніцтву моста, якое мусіць распачацца праз год-два. Нязгодныя спрабавалі шукаць праўды і пісаць вышэйшым чыноўнікам аж да Лукашэнкі. Але безпасьпяхова.

«Імавернасьць выхаду на адзінага кандыдата ёсьць, яна досыць высокая. Падзеі ва Ўкраіне, агрэсія з боку Расеі паказалі, наколькі ўсё сур’ёзна, што мы можам страціць краіну, калі ня будзем рэалізоўваць моцныя сцэнары», - заявіў сустаршыня аргкамітэту па стварэньні партыі «Беларуская хрысьціянская дэмакратыя», былы палітвязень Павал Севярынец.

Днямі кіраўнікі прыватных прадпрыемстваў Глыбокага атрымалі лісты з райвыканкаму, у якіх прадпрымальнікаў ад імя аргкамітэту па сьвяткаваньні 600-годзьдзя Глыбокага просяць пералічваць сродкі на добраўпарадкаваньне берагу возера Вялікага, або Беразьвецкага. Гэта самае вялікае зь пяці азёр, што знаходзяцца ў гарадзкой рысе Глыбокага.

Віцебскі лекар Ігар Пастноў паехаў у Маскву да незалежных экспэртаў расейскай псыхіятрыі. У інтэрвію сайту freeregion.info Пастноў заявіў, што едзе ў Расею “для ўдакладненьня дыягназу, пастаўленага віцебскімі псыхіятрамі”. “Але самае галоўнае, там будзе вырашацца абгрунтаванасьць (і мэтадаў лячэньня) пры маёй гвалтоўнай шпіталізацыі”, — сказаў ён.

Штраф памерам 25 базавых велічынь прысудзіў судзьдзя Глыбоцкага суду Андрэй Тарасевіч. Падставай для спагнаньня стаў пратакол, складзены супрацоўніцай упраўленьня гандлю і паслуг Віцебскага аблвыканкаму Жаннай Лістападавай. У пратаколе пазначана, што ў адным з нумароў газэты за кастрычнік мінулага году былі дапушчаныя некалькі парушэньняў Закону аб рэкляме.