У гэты аўторак у судзе горада Наваполацка разбіралі ажно 5 "экстрэмісцкіх" справаў па ч.2 арт. 19.11 КаАП. Судзіць «распаўсюднікаў экстрэмісцкай інфармацыйнай прадукцыі» па даўняй завядзёнцы прызначылі Зінаіду Балаболаву. Гэтая суддзя ўжо не першы год разбірае «палітычныя» адміністрацыйныя справы, і хіба толькі вялікім досведам можна патлумачыць тое, што на судовы разбор кожнай з пяці справаў Балаболава патраціла ўсяго ад 15 да 30 хвілін.