Малады чалавек навучаўся на факультэце дашкольнай адукацыі. Пасля завяршэння  вучобы быў размеркаваны ў распараджэнне аднаго з упраўленняў па адукацыі горада Мінска і працаўладкаваны ў дашкольную ўстанову на пасаду выхавацеля. Не прапрацаваўшы і паўгода, малады чалавек быў звольнены «ў сувязі са здзяйсненнем амаральнага ўчынка, несумяшчальнага з працягам дадзенай працы».

Адпаведна, ён не адпрацаваў устаноўлены заканадаўствам Рэспублікі Беларусь тэрмін работы па размеркаванні. Але ў добраахвотным парадку не кампенсаваў сродкі, затрачаныя на яго падрыхтоўку, хаця яму было накіравана апавяшчэнне з просьбай кампенсаваць названыя сродкі.

Пазоўнік - Беларускі дзяржаўны педагагічны  ўніверсітэта імя Максіма Танка -- прасіў суд спагнаць з адказчыка грашовыя сродкі ў памеры 27 985 рублёў у даход рэспубліканскага бюджэту. Пазней, паколькі малады чалавек у добраахвотным парадку ўнёс 1985 рублёў у лік пагашэння доўгу, сума была адкарэктаваная і склала 26 000 рублёў.

Адказчык у судовае паседжаньне не з'явіўся,  змененыя іскавыя патрабаванні прызнаў.
Суд, вывучыўшы матэрыялы справы, вырашыў спагнаць з жыхара Талачынскага раёна  26 000 рублёў, а таксама дзяржаўную пошліну ў суме 1300 рублёў.

Алеся Зайцава