Выставілі патрабаваньне: спыніць будаўніцтва кадэцкай вучэльні каля полацкай Сафіі
На інтэрнэт-пляцоўцы «Зручны горад» зьявілася пэтыцыя з патрабаваньнем спыніць усе будаўнічыя працы на полацкім Верхнім замку, дзе ў сьнежні 2019 году пачалі руйнаваць былы шпітальны гарадок, каб на ягоным месцы узьвесьці карпусы кадэцкай вучэльні. Аўтары пэтыцыі лічаць, што гэтыя працы зьнішчаюць культурныя напластаваньні і нясуць пагрозу самому Сафійскаму сабору.
Ігар Барысаў заклікаў у Віцебску браць удзел у праймэрыз для выбараў «адзінага»
У суботу 8 лютага ў Віцебску адбылася прэзэнтацыя другога нумару часопіса «Пазыцыя», які выдае Беларуская сацыял-дэмакратычная партыя «Грамада». Часопіс прэзэнтаваў ягоны рэдактар і кіраўнік партыі Ігар Барысаў. Падчас сустрэчы ён заклікаў прысутных браць актыўны ўдзел у праймэрыз для выбараў адзінага кандыдата ад апазыцыі на прэзыдэнцкіх выбарах.
Прызначаны новы старшыня Віцебскага абласнога суду. Хамічонак сышоў у адстаўку
Лукашэнка 6 лютага падпісаў Указ №41 «Аб прызначэньні і звальненьні судзьдзяў». Згодна з указам, старшынём Віцебскага абласнога суду прызначаны Аляксандр Федзюкевіч, які да гэтага займаў пасаду намесьніка старшыні аблсуду і старшыняваў у судовай калегіі па грамадзянскіх справах.
У інтэрнэце зьбіраюць подпісы за адмену канцэрту Віктара Каліны ў Докшыцах
Пэтыцыя з патрабаваньнем адмяніць канцэрт расейскага сьпевака Віктара Каліны ў Докшыцах, заплянаваны на 16 лютага, апублікаваная на сайце «Зручны горад». За некалькі дзён пад зваротам падпісаліся больш за паўтысячы грамадзян. Пэтыцыя будзе накіраваная ў Докшыцкі райвыканкам.
Былога кіраўніка Шуміліншчыны Снарава прысудзілі да 4-х з паловай гадоў калёніі
5 лютага Віцебскі абласны суд агучыў вырак у крымінальнай справе колішняга кіраўніка Шумілінскага раёну Аляксандра Снарава. Суд прызнаў выстаўленыя супраць яго абвінавачваньні даказанымі і прысудзіў да чатырох з паловай гадоў пазбаўленьня волі. Снарава абвінавачвалі паводле аж 5-ці артыкулаў Крымінальнага кодэксу (арт.242, ч.3 арт.424, ч.3 арт. 426, ч.2 арт.427, ч.2 арт. 430).
Абласны суд не задаволіў скаргі актывістак, якія выступілі за незалежнасьць краіны
У Віцебскім абласным судзе 5 студзеня разгледзелі скаргі на рашэньні судоў першай інстанцыі адразу трох актывістак – Тацяны Севярынец, Натальлі Трошчанка і Натальлі Стрэльчанка. Усе яны былі аштрафаваныя за ўдзел у мірных акцыях у падтрымку незалежнасьці Беларусі. Ніводная скарга не была задаволеная.
«За косьці для судзьдзі». Блогер Дуброўскіх расказаў, за што адседзеў 15 сутак
У суботу 1 лютага віцебскі блогер Аляксандар Дуброўскіх быў вызвалены зь ізалятару часовага ўтрыманьня (ІЧУ), дзе адбываў 15 сутак. Ужо на волі, ён расказаў, што «суткамі» яго пакаралі за вядро з касьцямі, якое ён кінуў пад ногі судзьдзі Белавуса ў ягоным жа кабінэце. За некалькі дзён да гэтага менавіта Белавус аштрафаваў блогера на 30 б.в. за ўдзел у менскіх акцыях супраць інтэграцыі.
Больш за 5000 зваротаў у пракуратуру за год, зь іх 27% – задаволеныя
У 2019 годзе ў органах пракуратуры Віцебскай вобласьці было разьвязана больш за 5000 зваротаў грамадзян. З гэтай колькасьці цалкам ці часткова было задаволена 27% зваротаў, паведамляе арганізацыйна-кантрольны аддзел пракуратуры Віцебскай вобласьці.
Лятчанскі сельсавет адмовіўся перайменаваць «вуліцу Савецкую» на «вуліцу Адамава»
Прадпрымальнік і ўласьнік былой сядзібы батаніка Адамава Максім Жукаў прасіў надаць імя славутага навукоўцы адзінай у Вялікіх Лётцах вуліцы, якая зараз завецца Савецкай. Мясцовыя ўлады адказалі адмовай: маўляў, і жыхары, і дэпутаты супраць перайменаваньня, прычым – «адзінагалосна»…
Апошнія суды за пікет у Віцебску: Прохараў – 1350 рублёў штрафу, Севярынец – 540 рублёў
У Віцебску 30 студзеня прайшлі апошнія суды над удзельнікамі пікету на плошчы Перамогі 29 сьнежня. Суд Чыгуначнага раёну Віцебску пакараў Аляксея Прохарава штрафам у памеры 50 базавых велічынь, Тацяну Севярынец аштрафавалі на 20 базавых. Абодва прызнаныя парушальнікамі заканадаўства аб масавых мерапрыемствах.