5 лютага Віцебскі абласны суд агучыў вырак у крымінальнай справе колішняга кіраўніка Шумілінскага раёну Аляксандра Снарава. Суд прызнаў выстаўленыя супраць яго абвінавачваньні даказанымі і прысудзіў да чатырох з паловай гадоў пазбаўленьня волі. Снарава абвінавачвалі паводле аж 5-ці артыкулаў Крымінальнага кодэксу (арт.242, ч.3 арт.424, ч.3 арт. 426, ч.2 арт.427, ч.2 арт. 430).

У Віцебскім абласным судзе працягваюцца слуханьні крымінальнай справы ў дачыненьні былога кіраўніка Шумілінскага раёну Аляксандра Снарава. Ён абвінавачваецца ў атрыманьні хабару, службовым падлогу, злоўжываньні службовымі паўнамоцтвамі – агулам па пяці артыкулах Крымінальнага кодэксу (арт.242, ч.3 арт.424, ч.3 арт. 426, ч.2 арт.427, ч.2 арт. 430). Справу разглядае судзьдзя Тацяна Дашкевіч.

У Віцебску і ў Воршы адмовы ў рэгістрацыі атрымалі некалькі патэнцыйных кандыдатаў – прадстаўнікоў дэмакратычных рухаў і апазыцыйных партыяў.

Пікет, арганізаваны 13 ліпеня сябрамі грамадзянскай кампаніі «Гавары праўду» ля Чкалаўскага рынку ў Віцебску, выклікаў вялікую цікавасьць мясцовай грамадзкасьці.

Былая кандыдатка у прэзыдэнты краіны Тацяна Караткевіч 9 ліпеня наведала Віцебск. Мэта яе візыту ў паўночную сталіцу – падтрымка мясцовых удзельнікаў грамадзянскай кампаніі «Гавары праўды» падчас збору подпісаў дзеля вылучэньня іх кандыдатамі ў дэпутаты Палаты прадстаўнікоў Нацыянальнага сходу Рэспублікі Беларусь.