Другі штраф прысудзілі віцяблянцы Дар’і Юрчанка. Цяпер – за інтэрвію Ціханоўскаму
25 траўня ў судзе Чыгуначнага раёну Віцебску судзьдзя Юры Урбан разгледзеў адміністрацыйную справу ў дачыненьні да віцяблянкі Дар'і Юрчанка. Дзяўчыну прызналі вінаватай ва ўдзеле ў несанкцыянаваным масавым мерапрыемстве (ч.1 арт. 23.34 КаАП) і аштрафавалі на 25 базавых велічыняў.
Падпалкоўнік паліцыі РФ у адстаўцы – пра беларускую міліцыю: Ня маюць гонару, каб устаць і сысьці (відэа)
Падпалкоўнік паліцыі РФ у адстаўцы Андрэй Новікаў, які жыве зь сям’ёй у Пастаўскім раёне, накіраваў 22 траўня ў Віцебскі абласны суд скаргу на рашэньне Пастаўскага райсуду, што аштрафаваў яго на 810 рублёў за інтэрвію блогеру Ціханоўскаму. Суд палічыў гэта ўдзелам у несанкцыянаваным пікетаваньні (арт. 23.34 КаАП).
Віцебскі абласны суд не задаволіў скаргу журналіста Зьмітра Лупача
22 траўня ў Віцебскі абласны суд разгледзеў касацыйную скаргу глыбоцкага журналіста-фрылянсэра Зьмітра Лупача на пастанову суду ніжэйшай інстанцыі. Скаргу разглядала судзьдзя Сьвятлана Іванова. У выніку яна пакінула пастанову Глыбоцкага суду бязь зьменаў, а скаргу без задавальненьня.
У Віцебску затрымалі актывіста Аляксея Прохарава – ён у ізалятары часовага ўтрыманьня
Аляксея Прохарава запрасілі ў аддзел аховы правапарадку Чыгуначнага раёну Віцебску для дачы тлумачэньняў пра ягоны ўдзел у кармленьні галубоў 3 траўня. Але зь міліцыі яго не выпусьцілі – затрымалі і адразу адвезьлі ў ізалятар часовага ўтрыманьня (ІЧУ). Актывіст пасьпеў паведаміць праваабаронцу, што суд над ім адбудзецца ў панядзелак.
Судзьдзя Цыганкова не змагла выдаліць з залі 15 чалавек на працэсе Аляксея Саламаненкі – судзіла за закрытымі дзьвярыма
Суд Чыгуначнага раёну Віцебску 22 траўня разглядаў справу актывіста «Краіны для жыцьця» Аляксея Саламаненкі, якога вінавацілі ва ўдзеле ў несанкцыянаваным масавым мерапрыемстве – «кармленьні галубоў». Судзьдзя Алена Цыганкова аштрафавала яго на 540 рублёў, але рашэньне прымала за закрытымі дзьвярыма і без удзелу самога абвінавачанага.
«Кандыдаты пратэсту» зь Віцебшчыны абскардзілі рашэньне ЦВК у Вярхоўным судзе
19 траўня Цэнтральная камісія па выбарах і правядзеньні рэспубліканскіх рэфэрэндумаў прыняла пастанову аб адмове ў рэгістрацыі ініцыятыўных груп пяці «кандыдатаў пратэсту» зь Віцебскай вобласьці. Трое зь іх – Натальля Стрэльчанка, Аляксандар Якушкоў і Уладзімер Кійко – падалі на гэтае рашэньне скаргі ў Вярхоўны суд.
На адміністратарку каналу «Страна для жизни» завялі адміністрацыйную справу
Супрацоўнікі міліцыі Кастрычніцкага раёну Віцебску прыехалі дахаты да адміністратаркі тэлеграм-чату «Краіна для жыцьця» Юліі Барсуковай і аддалі ёй пратакол пра адміністрацыйнае правапарушэньне, паведамляе Беларускае Радыё Рацыя. Жанчыну вінавацяць у закліках на несанкцыянаваную акцыю ў Воршы.
Удзельніка стрыму Ціханоўскага ў Віцебску прысудзілі да 4-х сутак арышту
Суд Чыгуначнага раёну Віцебску пакараў 21 траўня віцябляніна Аляксандра Мацеюка 4-ма суткамі адміністрацыйнага арышту за ўдзел у сустрэчы з блогерам Сяргеем Ціханоўскім. Мужчыну прызналі вінаватым у парушэньні заканадаўства аб масавых мерапрыемствах (арт. 23.34 КаАП). Справу разглядала судзьдзя Алена Грабянчук.
Пракуратура папярэдзіла яшчэ аднаго віцябляніна за ўдзел у стрыме Ціханоўскага
Афіцыйнае папярэджаньне наконт недапушчальнасьці ўдзелу ў несанкцыянаваных мерапрыемствах далі жыхару Віцебску Аляксею Саламаненку. Несанкцыянаваным пікетам пракуроры палічылі стрым блогера Сяргея Ціханоўскага, які прыяжджаў у Віцебск 30-га красавіка, перадае Беларускае Радыё Рацыя.
Былога кіраўніка Браслаўскага раёну асудзілі на 10 гадоў, ягоную жонку – на 4 гады
У Віцебску вынесьлі прысуд экс-старшыні Браслаўскага райвыканкаму Уладзімеру Дранеўскаму і ягонай жонцы Алене Дранеўскай. Іх асудзілі, адпаведна, да 10 і 4 гадоў зьняволеньня. Таксама сужэнцы мусяць сплаціць 120 тыс. рублёў, кватэра ў Менску канфіскаваная, пішуць Народныя навіны Віцебска.