На Дзяды віцебскія актывісты ўшанавалі памяць паплечнікаў, што сышлі з жыцьця
2 лістапада грамадзкія актывісты наведалі могілкі і месцы пахаваньняў у Віцебскім раёне, дзе знайшлі вечны спачын іхныя аднадумцы і грамадзяне, што сталі ахвярамі сталінскага рэжыму. Традыцыю запачаткаваў дзесяць гадоў таму Барыс Хамайда, калі ў першую гадавіну сьмерці свайго сябра, вядомага апазыцыянэра Ўладзімера Плешчанкі наведаў у гэты дзень ягоную магілу.
Абласны суд пастанавіў накіраваць справу Вольгі Сьцяпанавай на новы разбор
3 лістапада судовая калегія абласнога суду адмяніла вырак Чыгуначнага райсуду гораду Віцебску ад 7 верасьня ў дачыненьні да жыхаркі Санкт-Пецярбургу Вольгі Сьцяпанавай, якая страціла дзіця падчас родаў у хатніх умовах.
Вы прачнуліся, а Леніна няма… Апытаньне
У Польшчы, ва Ўкраіне, Летуве шматлікія помнікі Леніну ўжо скінутыя з пастамэнтаў. Зрынутыя і забытыя. У Беларусі ж правадыр пралетарыяту працягвае весьці рэй у гарадзкой архітэктуры і тапаніміцы, пацьвярджаючы камуністычны лёзунг “жывейшы за ўсіх жывых”. Але ўявіце сабе, што заўтра вы прачняцеся, а пастамэнт на плошчы Леніна ў Віцебску пусты. Што адчуеце?..
Ідэоляг абразіўся на прафсаюз
У кастрычніку полацкую міліцыю зноў зацікавілі асобы мясцовых лідэраў Свабоднага прафсаюзу Беларускага Віктара Стукава і Мікалая Шараха. Іх па чарзе настойліва пачалі запрашаць на гутарку ў РАУС. Праз хваробу Стукаў не пайшоў, а Шарах схадзіў, каб даведацца прычыну. Высьветлілася, што на іх паскардзіўся намесьнік дырэктара па ідэалёгіі Полацкага аб'яднаньня «Шкловалакно» Андрэй Кузьмін.
Актывіст Аляксандар Ткачоў: Чыноўнікі хітруюць
Грамадзкаму актывісту пакуль не ўдалося дамагчыся таго, каб у гістарычнай частцы Віцебску не ўсталёўвалі агляднае кола. Ён атрымаў паведамленьне з аддзелу архітэктуры і горадабудаўніцтва гарвыканкаму, што праект у свой час прайшоў усе стадыі ўзгадненьня, прадугледжаныя законам, і цяпер мусіць быць завершаны.
Напярэдадні Дзядоў у Полацку затрымалі ўдзельнікаў малітвы за рэпрэсаваных
Для ўніятаў Полацку і звычайных месьцічаў стала ўжо завядзёнкай адзначаць Восеньскія Дзяды малітвай ля крыжа, пастаўленага ва ўшанаваньне ахвяраў сталінізму. Але сёлета людзей, што прыйшлі з кветкамі і зьнічкамі на могілкі ў Бельчыцах, на ўскрайку якіх усталяваны памятны крыж, ужо чакалі: побач стаяў цывільны аўтамабіль зь невядомымі ўнутры.
Асуджаныя паводле артыкулу 328. Шэсьць гісторый, расказаных маці
Гэтыя гісторыі распавялі нам віцебскія маці, чые дзеці і мужы былі цягам некалькіх апошніх гадоў асуджаныя паводле артыкулу 328 КК РБ (незаконны абарот наркатычных рэчываў). Усе яны атрымалі па 10 і болей гадоў узмоцненага рэжыму, хоць ніякімі наркабаронамі не былі. Некаторыя зь іх былі затрыманыя і асуджаныя толькі таму, што апынуліся ня ў тым месцы ня ў той час…
Жыхары Віцебскага раёну скардзяцца ў Генэральную пракуратуру
Неэфэктыўнае выкарыстаньне грашовых сродкаў, выдзеленых дзяржавай на рэстаўрацыю помнікаў савецкім воінам і ахвярам вайны на тэрыторыі Вымнянскага сельскага савету, вымусіла мясцовых жыхароў зьвярнуцца да Генэральнага пракурора Аляксандра Канюка. Ліст ад імя жыхароў вёсак Астрэйкава, Вымна, Котава, Прывольнае падпісалі 27 грамадзянаў.
Удзельнікі Беларускага праваабарончага форуму зь Віцебшчыны: Імпрэза цалкам апраўдала нашы чаканьні
IV Беларускі праваабарончы форум, што праходзіў у Вільні з 19 па 21 кастрычніка, адзначыўся ня толькі вялікім прадстаўніцтвам – на мерапрыемства зьехаліся сябры 29-ці праваабарончых арганізацыяў краіны, але і шырокім удзелам у ім прадстаўнікоў рэгіёнаў. Мы папрасілі ўдзельнікаў форуму зь Віцебскай вобласьці падзяляцца сваімі ўражаньнямі ад імпрэзы і распавесьці, чаго яны чакалі ад форуму і ці спраўдзіліся іх спадзяваньні.
У Віцебску расьсьледуецца крымінальная справа супраць актывіста Пятра Іванова
Віцебскі гарадзкі аддзел Сьледчага камітэту цягам ужо больш двух месяцаў расьсьледуе крымінальную справу, распачатую ў дачыненьні да грамадзянскага актывіста Пятра Іванова паводле арт. 366 КК РБ (гвалт альбо пагроза ў дачыненьні да службовай асобы, якая выконвае службовыя абавязкі). У выпадку ўстанаўленьня віны актывісту пагражае да 5 гадоў пазбаўленьня волі.