На сустрэчы ў Віцебску прадстаўнікі апазыцыі абмеркавалі кааліцыйны плян дзеяньняў
Віцебскія сябры дэмакратычных партыяў акрэсьлілі супольны плян дзеяньняў. Праведзеная 18 ліпеня сустрэча папярэднічала заплянаванаму на жнівень кругламу сталу, тэмай якога стане ўзгадненьне дакумэнту па ўнясеньні зьменаў і дапаўненьняў у Выбарчы кодэкс.
Кіраўнік БНФ Віцебшчыны піша звароты ў КДБ і СІЗА
Копіі сваіх лістоў, дасланых начальнікам КДБ па Віцебскай вобласьці і СІЗА №2 Віцебску, старшыня абласной рады партыі БНФ Кастусь Смолікаў разьмясьціў у Фэйсбуку. Як патлумачыў актывіст карэспандэнту ВВ, зьвярнуцца ў гэтыя ўстановы вырашыла грамадзкая ініцыятыва «Хайсы» (сябрам якой ён таксама зьяўляецца), але было прызнана, што лепш, калі калі ліст будзе ад імя лідэра БНФ, зарэгістраванай арганізацыі.
“Сыходзім у інтэрнэт”. Беларуская крама “Князь Вітаўт” у Віцебску зачынілася
Крама “Князь Вітаўт” не пратрымалася ў Віцебску і аднаго году. Яна адчынілася ў жніўні 2017-га на праспэкце Фрунзэ, у лютым 2018-га пераехала ў піраміду “Марка-Сіці” і зачынілася амаль адразу пасьля сёлетняга “Славянскага Базару”. Мяркуем, гэта страта для Віцебску…
На Віцебшчыне за месяц звальняюць больш за 8 тысяч працаўнікоў – статыстыка
Паводле дакладу “Сацыяльна-эканамічнае становішча Віцебскай вобласьці ў студзені-траўні 2018 году”, толькі ў красавіку гэтага году колькасьць звольненых працаўнікоў дасягнула 8 тыс. 390 чалавек. Гэта на дзьве тысячы чалавек больш, чым уладкаваных на працу.
Дыплямат зь Нідэрляндаў наведаў Полацак. Сустракаўся з актывістамі прафсаюзу
Часовы павераны ў справах Каралеўства Нідэрляндаў у Рэспубліцы Беларусь спадар Паўл ван Oоствэйн працягвае падарожнічаць па Віцебшчыне. 18 ліпеня дыплямат сустрэўся з полацкімі прафсаюзнымі актывістамі Віктарам Стукавым і Міколам Шарахам.
У апошні дзень “Славянскага базару” ў Віцебску заснавалі “Саюз”
У дзень закрыцьця “Славянскага базару” 17 ліпеня ў Віцебску прайшоў устаноўчы зьезд грамадзянскай ініцыятывы “Саюз”. Заснавальнікі “Саюзу” спадзяюцца, што іхная дзейнасьць “дапаможа процістаяць засільлю празаходняй прапаганды ў інфармацыйнай прасторы Беларусі і Расеі”.
Жыхарка Гарадоччыны: Прыродныя дары нішчацца ў раёне ў грандыёзным маштабе!
У рэдакцыю ВВ зьвярнулася наведвальніца сайту з паведамленьнем пра зьнішчэньне лясных абшараў ў Гарадоцкім раёне. Паводле Ірыны Афанасьевай, маштабная высечка лесу цягнецца ўжо гадоў пяць. Лесавозы руйнуюць мясцовыя дарогі, а пра тое, каб пасьля выкананых работ засадзіць лес новымі дрэвамі, ніхто ня дбае – тэрыторыя зарастае самаадвольна, як давядзецца.
Часовы павераны ў справах Нідэрляндаў у Беларусі сустрэўся з актывістамі Віцебшчыны
Сустрэча прайшла ў канфэрэнц-залі віцебскага гатэлю «Эрыдан». Кіраўнік аддзяленьня амбасады Каралеўства Нідэрлянды, часовы павераны ў справах спадар Паўл ван Oўствэйн прыехаў у горад над Дзьвіной, каб распавесьці пра дзейнасьць амбасады, бліжэй пазнаёміцца зь мясцовай грамадзянскай супольнасьцю і праінфармаваць усіх зацікаўленых у супрацы пра тыя магчымасьці, якія даюць галяндзкія фундацыі беларускім няўрадавым арганізацыям.
Паўла Левінава адмовіліся ўключыць у склад раённай камісіі “па дармаедах”
Віцебскі праваабаронца Павал Левінаў зьвярнуўся ў адміністрацыю Першамайскага раёну Віцебску с просьбай уключыць яго ў склад камісіі па спрыяньні занятасьці насельніцтва. На днях атрымаў афіцыйную адмову: “Задаволіць просьбу аб уступленьні ў камісію не ўяўляецца магчымым…”. Бо камісія ўжо створаная, склад зацьверджаны.
Кіраўнік ініцыятывы “Хайсы” зьвярнуўся ў Вярхоўны суд
Кіраўнік грамадзянскай ініцыятывы “Хайсы” Ян Дзяржаўцаў зьвярнуўся са скаргай ў Вярхоўны суд на рашэньне Віцебскага раённага суду, які абвінаваціў яго ў самавольным пахаваньні чалавечых парэшткаў у месцы, не прадугледжаным для такіх мэтаў заканадаўствам (арт. 23.43 КаАП). Гэта апошняя судовая інстанцыя, якая можа вызначыць невінаватасьць актывіста ў зьдзяйсьненьні правапарушэньня.