Віцебскі аблсуд разгледзеў скаргі актывістаў і выклікаў на іх АМАП
15 чэрвеня ў Віцебскім абласным судзе разглядаліся скаргі адразу на 5 пастаноў райсудоў паводле арт. 23.34 КаАП. Свае штрафы паспрабавалі абскардзіць удзельнікі пікетаў для збору подпісаў. Судзьдзя Ірына Смалякова ўсе рашэньні пакінула бязь зьменаў, а скаргі – без задавальненьня. На слухачоў, якіх судзьдзя выдаліла з залі і якія не падпарадкаваліся яе пакідаць, быў выкліканы нарад АМАПу.
Прэцэдэнт створаны? Справу супраць актывісткі каманды Ціханоўскай – скасавалі
Суд Кастрычніцкага раёну Віцебску 14 ліпеня разгледзеў адміністрацыйную справу паводле ч.3 арт. 23.34 КаАП у дачыненьні да актывісткі «Краіны для жыцьця» Юліі Барсуковай. Яе вінавацілі ва ўдзеле ў несанкцыянаваным пікетаваньні 30 траўня. Судзьдзя Ільля Белавус пастанавіў спыніць справу «з-за недаказанасьці віны».
Дырэктара ліцэю судзяць у Віцебску за прычыненьне пашкоджаньняў вучню
Суд Чыгуначнага раёну Віцебску пачаў разгляд адміністрацыйнай справы ў дачыненьні дырэктара Віцебскага палітэхнічнага ліцэю Руслана Вінакурава, які абвінавачваецца ў правапарушэньні, прадугледжаным ч.1 арт. 9.1 КаАП РБ (Наўмыснае прычыненьне цялесных пашкоджаньняў). Заяву на дырэктара напісаў у траўні 2020 году 17-гадовы вучань ліцэю, які мае статус сіраты і знаходзіцца пад апекай дзяржавы.
Смолікаў: Улада прадчувае, што гэтыя выбары могуць пайсьці ня так, як зазвычай
Старшыня Віцебскай абласной арганізацыі партыі БНФ Канстанцін Смолікаў – адзіны апазыцыйны лідэр, улучаны ў склад Віцебскай абласной камісіі па выбарах прэзыдэнта краіны. Карэспандэнт «Віцебскай Вясны» сустрэўся са спадаром Смолікавым, каб пагаварыць пра асаблівасьці кампаніі і ягоную працу ў выбарным органе.
Полацкі пуцеправод – у чаканьні аўто. Але ці зручна будзе пешаходам?..
У сярэдзіне ліпеня мае аднавіцца рух на Полацкім пуцеправодзе ў Віцебску. Калі яго адкрыюць, аўтамабілістам ня трэба будзе кружляць аб’язнымі шляхамі і марнаваць час у корках. А вось пешаходам пашанцавала менш: шлях ад Полацкага рынку да аўтавакзалу падоўжыўся ў некалі разоў і стаў больш пакручастым.
«Цяпер я бомж!» Віцябляніна, хворага на COVID-19, прымусова выселілі з інтэрнату
36 гадовы жыхар Віцебску Рафаэль Кірылаў-Шмільхольдхард некалькі гадоў у судовым парадку адстойваў сваё права на жытло. Аднак 1 ліпеня асабістыя рэчы мужчыны безь ягонай згоды адвезьлі зь ягонага пакоя ў інтэрнаце ў невядомым кірунку, а праз тыдзень – наагул выпісалі з інтэрнату. Сам мужчына ў гэты час знаходзіўся ў лякарні…
У чатырох карыстальнікаў чату «Браслав для жизни» адабралі тэлефоны і кампутары
8 чэрвеня ў карыстальнікаў Тэлеграм-чату «Браслаў для жыцьця» прайшлі вобшукі. Увечары стала вядома, што ў выніку ператрусаў былі канфіскаваныя мабільныя тэлефоны і кампутары ў чатырох удзельнікаў чату. Паводле былога адміністратара рэсурсу Канстанціна Далецкага, канфіскацыі адбываліся ў межах адміністрацыйнай справы аб паклёпе на ўчастковага міліцыянта (арт. 9.2 КаАП).
«Пасадзім цябе потым». Актывіста Ўладзімера Кійко нечакана вызвалілі зь ІЧУ
Каардынатар ініцыятыўнай групы Сьвятланы Ціханоўскай у Віцебску Ўладзімер Кійко 7 чэрвеня быў пакараны за ўдзел у «ланцугу салідарнасьці» на 10 сутак адміністрацыйнага арышту. Але за кратамі ў ізалятары часовага ўтрыманьня (ІЧУ) правёў толькі суткі і быў вызвалены без тлумачэньняў прычын.
Назіральнік: Месцаў для агітацыі ў Віцебску замала, і яны – непрыдатныя
Віцебскі гарвыканкам 30 чэрвеня прыняў рашэньне №730, у якім пералічыў месцы для правядзеньня кандыдатамі на прэзыдэнцтва і іх даверанымі асобамі масавых мерапрыемстваў для перадвыбарчай агітацыі. Такіх месцаў у Віцебску ўсяго тры. Ці прыдатныя і ці зручныя яны для правядзеньня агітацыйных сходаў, мітынгаў ды пікетаваньняў?..
Уладзімера Кійко пасадзілі на 10 сутак за ўдзел у «ланцугу салідарнасьці»
Каардынатара ініцыятыўнай групы Сьвятланы Ціханоўскай у Віцебскай вобласьці Уладзімера Кійко затрымалі 6 ліпеня, калі ён явіўся па позьве ў Кастрычніцкі РАУС Віцебску. Пасьля складаньня пратаколу актывіста кінулі ў ізалятар часовага ўтрыманьня. 7 ліпеня суд Кастрычніцкага раёну Віцебску прызнаў яго вінаватым у парушэньні заканадаўства аб масавых мерапрыемствах (ч.3 арт. 23.34 КаАП) і пакараў 10 суткамі арышту.