Распачаўся працэс над віцяблянінам, які ўжыў супраць міліцыянтаў газавы балон – 9 пацярпелых
11 студзеня суд Кастрычніцкага раёну Віцебску пачаў разглядаць крымінальную справу 25-гадовага віцябляніна Арцёма Ісакава, абвінавачанага паводле арт. 364 КК («Гвалт або пагроза ўжывання гвалту ў дачыненні супрацоўніка ўнутраных спраў»). Раней да адміністрацыйнай ці крымінальнай адказнасці Ісакаў не прыцягваўся. Цяпер яму пагражае да 6 гадоў пазбаўлення волі.
На сустрэчы з праваабаронцамі старшыня гарсавету выказаўся пра фінансаванне мясцовых ініцыятыў
Напярэдадні праваслаўнага Раства 6 снежня праваабаронцы Павел Левінаў і Леанід Свецік сустрэліся са старшынём Віцебскага гарадскога Савету дэпутатаў Уладзімірам Бялевічам. На сустрэчы абмяркоўвалася ўзаемадзеянне праваабарончых арганізацыяў і ініцыятыў у новым 2021 годзе.
Мастак-вязень Уладзіслаў Макавецкі: Я вытрымаю, я пераадолею, усё будзе добра!
9 студзеня маці віцебскага мастака Уладзіслава Макавецкага, асуджанага на два гады зняволення за замахванне дручком на міліцыянта, пабывала на кароткатэрміновым спатканні з сынам у СІЗА №2 Віцебску. Наталля Макавецкая расказала, што яе сын не падае духам і перадае вялікія падзякі тым, хто яго падтрымлівае.
Праваабаронцы сустрэліся з дэпутатам – дамовіліся аб правядзенні «круглага стала»
На днях, 5 студзеня, віцебскія праваабаронцы Павел Левінаў і Леанід Свецік сустрэліся з намеснікам старшыні пастаяннай камісіі па заканадаўстве Палаты прадстаўнікоў НС доктарам юрыдычных навук дэпутатам Аляксеем Ягоравым. Удзельнікі сустрэчы дасягнулі дамоўленасці аб правядзенні ў лютым «круглага стала» для абмеркавання прынцыпаў і нормаў закону аб мясцовым кіраванні і самакіраванні.
«Разбяры «Торвальд» на сувенірны!» У Віцебску зачыняецца легендарны арт-паб
У Віцебску 11 студзеня зачыніцца ўпадабаны многімі гараджанамі і турыстамі арт-паб «Торвальд» на вуліцы Талстога,1. Пасля правядзення санітарных дзён увосень (тады такім чынам многія далучыліся да нацыянальнага страйку ў сувязі з інаўгурацыяй Лукашэнкі) установа перастала адпавядаць патрабаванням бяспекі. Такое тлумачэнне з'явілася на старонках «Торвальду» ў сацсетках, піша TUT.BY.
Пенсіянера Чэслава Салодкага аштрафавалі за ўдзел у шэсці і сцяг на мядзведзі
5 студзеня суд Кастрычніцкага раёну пакараў 66-гадовага віцябляніна Чэслава Салодкага штрафам у памеры 12 базавых велічынь за ўдзел у вулічным шэсці і ў несанкцыянаваным пікетаванні (ч.1 арт. 23.34 КаАП). Удзельнікам пікетавання мужчыну прызналі толькі праз тое, што ўвечары ён прагульваўся міма дэкаратыўнай скульптуры мядзведзя, на якім быў нібыта накінуты бел-чырвона-белы сцяг…
19-гадовую Ангеліну Туравец аштрафавалі на 1160 рублёў за ўдзел у маршы памяці Бандарэнкі
Суд Віцебскага раёну 4 студзеня паўторна разгледзеў адміністрацыйную справу ў дачыненні 19-гадовай Ангеліны Туравец, абвінавачанай ва ўдзеле ў маршы памяці Рамана Бандарэнкі (ч.3 арт. 23.34 КаАП) 15 лістапада. Суддзя Наталля Траццякова прызнала дзяўчыну вінаватай і пакарала штрафам у памеры 40 базавых велічынь.
У вазочніцы Валянціны Крыштопенка прайшоў ператрус. Забралі два тэлефоны
У нядзелю 3 студзеня міліцыянты прыйшлі з ператрусам да Валянціны Крыштопенка – жанчыны з інваліднасцю 1-й групы, якая жыве ў пасёлку Кастрычніцкая Віцебскага раёну. Супрацоўнікі Віцебскага РАУС зрабілі агляд памяшкання, у якім Валянціна жыве разам з дачкой і ўнучкай. Канфіскаваныя два мабільныя тэлефоны.
Справу Ірыны Траццяковай за ўдзел у «ланцугу салідарнасці» спынілі – праз паўгода пасля затрымання
У апошні дзень 2020 году суд Чыгуначнага раёну Віцебску паўторна разгледзеў справу праваабаронцы Ірыны Траццяковай, якую міліцыянты абвінавацілі ва ўдзеле ў «ланцугу салідарнасці» 19 чэрвеня (ч.1 арт. 23.34 КаАП) – у апошні дзень электаральнай кампаніі для збору подпісаў патэнцыйных кандыдатаў на прэзідэнцтва. Суддзя Вольга Шапавал пастанавіла спыніць справу праз сканчэнне тэрміну вынясення адміністрацыйнага спагнання. Праваабаронцу такое рашэнне не задаволіла.
Мікола Качурэц пасля 15 сутак арышту выйшаў на волю з віцебскага СІЗА
Увечары 30 снежня на волю з віцебскага СІЗА выйшаў актывіст Мікола Качурэц, які быў пакараны арыштам на 15 сутак судом Першамайскага раёну за ўдзел у вулічным шэсці. Па вызваленні Качурэц прызнаўся, што «ўзяў гэтыя 15 сутак лёгка», бо «адчуваў падтрымку з волі».