Віцебскія абласныя арганізацыі «Чырвоны Крыж» і «Белая Русь» «хайпанулі» на аказанні дапамогі бежанцам з Украіны
Паводле інфармацыі Упраўлення па грамадзянстве і міграцыі УУС Віцебскага аблвыканкама на працягу месяца, пасля пачатку вайны Расіі супраць Украіны ў вобласць прыбылі 35 жыхароў з тэрыторыі нашай паўднёвай суседкі. Адзначаецца, што асноўная мэта бежанцаў - гэта ўз'яднання сям'ёй або перачакаць, у сваякоў, якія жывуць у Беларусі, заканчэння баявых дзеянняў.
Таццяна Севярынец – да Лунінецкага райвыканкаму: Вы пакрылі наш горад ганьбай акупанта
Віцебская актывістка накіравала зварот на сваю малую радзіму – у горад Лунінец, дзе прайшло яе дзяцінства. Сёння яна абураная тым, што « з вайсковага аэрадрому Лунінца ляцяць расейскія самалёты і ракеты ў бок Украіны, несучы на сваіх крылах смерць жыхарам дзяржавы-суседа, з якім усю гісторыю наша краіна сябравала». Праз гэта жыхары Лунінеччыны сталі закладнікамі ганебных рашэнняў беларускіх уладаў, лічыць Таццяна Севярынец.
У Яўгена Сцяпанава, які пісаў заявы пра спыненне вайна ва Украіне, прайшоў ператрус – забралі аргтэхніку
Жыхар Віцебску Яўген Сцяпанаў звярнуўся са скаргай у абласную пракуратуру, бо лічыць, што супрацоўнікі Першамайскага РАУС парушылі ягоныя правы. У прыватнасці, міліцыянты не назвалі сваіх пасадаў, імёнаў і прозвішчаў, не патлумачылі яму ягоныя правы і не далі азнаёміцца з дазволам на ператрус. У межах якой справы ён праводзіўся – мужчына дагэтуль не ведае.
У Лынтупах затрымалі ксяндза Аляксандра Барана
Праваабаронцам стала вядома, што ксяндза Аляксандра, пробашча касцёла Святога Апостала Андрэя, што ў Лынтупах на Пастаўшчыне, затрымалі яшчэ 24 сакавіка, напярэдадні Дня Волі. Яго ўтрымліваюць у пастаўскім ізалятары часовага ўтрымання.
Палітвязень Андрэй Новікаў мае выйсці з ШІЗА 27 сакавіка
Паводле звестак праваабаронцаў, палітвязень Андрэй Новікаў трапіў у ШІЗА 12 лютага, але з якой прычыны – невядома. 5 жніўня 2021 году ён быў асуджаны да двух з паловай гадоў пазбаўлення волі ў калоніі агульнага рэжыму за ўдзел у групавых дзеяннях, якія груба парушаюць грамадскі парадак, і незаконнае перасячэнне мяжы.
Міліцыянты зноўку «папярэджваюць» Таццяну Севярынец
Візіт участковага міліцыянта актывістка звязвае з тым, што сёння – Дзень Волі, і супрацоўнікі міліцыі імкнуцца перадухіліць масавыя акцыі. Таццяна Севярынец распавяла, што яе папярэдзілі пра адказнасць за ўдзел і арганізацыю несанкцыянаваных масавых выступаў – далі падпісаць афіцыйную паперу, што яна знаёмая са зместам адміністрацыйнага артыкула 24.23 КаАП (Парушэнне парадку арганізацыі масавых мерапрыемстваў).
Полацкі суддзя Баліка напісаў артыкул пра сваіх падсудных, якіх аштрафаваў за «белыя і чырвоныя палосы»
Артыкул з глыбакадумнай назвай «Искусство – не всегда искусство, а в некоторых случаях – это преступление» быў надрукаваны ў газеце «Полацкі веснік». Суддзя суду Полацку і Полацкага раёну вырашыў распавесці, за што ён аштрафаваў дзвюх дзяўчат з г.п. Ветрына. На ягоную думку, Святлана Фірсава і Вольга Трунова «абражалі пачуцці грамадзянаў», дэманструючы «пагарду да маральных каштоўнасцяў».
У Віцебску кіраўнік ЦВК Ігар Карпенка ўручыў падзякі арганізатарам рэферэндуму
У ліку дзясяткаў узнагароджаных былі намеснік кіраўніка адміністрацыі Чыгуначнага раёна Віцебска Алена Шарай і намеснік старшыні Віцебскай абласной камісіі па рэферэндуме Вячаслаў Хрол. Але сярод падзякаваных няма сяброў апазіцыйных партый і назіральнікаў ад недзяржаўных грамадскіх арганізацый.
У віцебскі драмтэатр імя Якуба Коласа прызначылі новага дырэктара
На пасаду дырэктара Нацыянальнага акадэмічнага драматычнага тэатру імя Якуба Коласа прызначылі Юлію Харкевіч, якая больш за дванаццаць гадоў працавала на пасадзе намесніка дырэктара, а з 1 снежня 2021 году была выканаўцам абавязкаў дырэктара. Новага кіраўніка прызначылі амаль праз 4 месяцы пасля звальнення Аляксандра Старых, пішуць «Народныя навіны Віцебску».
Святлану Фірсаву затрымалі за каментар пад відэа з прамовай Лукашэнкі
Жыхарка Полаччыны, паводле праваабаронцаў, якія спасылаюцца на праўладныя Тэлеграм-каналы, была затрыманаz ў Віцебску. Падставай стала тое, што 28-гадовая супрацоўніца полацкай стаматалагічнай клінікі Святлана Фірсава нібыта пакінула абразлівы каментар пад відэа з прамовай Лукашэнкі, і здарылася гэта яшчэ ў 2021 годзе.