Гуманітарную дапамогу з Беларусі адвезлі ў непрызнаную «ДНР». Пад савецкім сцягам
Цягам красавіка па ўсёй Віцебшчыне быў афіцыйна абвешчаны збор гуманітарнай дапамогі. У дзяржаўных СМІ пра гэта пісалі вельмі расплывіста: «гуманітарны груз будзе дастаўлены ўкраінскім уцекачам і ў рэгіёны Украіны, якія пацярпелі ад вайсковых дзеянняў». Дапамога збіралася пад эгідай ГА «Белая Русь» і дабрачыннага фонду Аляксея Талая – вядомага паралімпійца і матывацыйнага трэнера, ураджэнца Воршы.
Экс-банкір і палітвязень Бабарыка правядзе 20 сутак у штрафным ізалятары
Па рашэнні адміністрацыя Наваполацкай калоніі №1, дзе адбывае пакаранне палітвязень, змясціла яго ў штрафны ізалятар на 20 сутак. Не выключана, што знаходжанне ў ізалятары асуджанага кандыдата на пасаду кіраўніка дзяржавы будзе працягнута, калі кіраўніцтва калоніі палічыць неабходным у выхаваўчых мэтах.
Ёсць ідэя, як падтрымаць палітвязняў у калоніі «Віцьба»
Жыхары Віцебску прапануюць арыгінальны спосаб падтрымкі палітзняволеных, якіх утрымліваюць у папраўчай калоніі №3. У гэтай калоніі транслююць праграмы «Радыё Віцебск», а значыцца, у кожнага ахвотнага ёсць магчымасць перадаць прывітанне або павіншаваць палітвязняў такім незвычайным чынам.
#FreeViasna: што трэба рабіць, каб падтрымаць праваабаронцаў “Вясны”
Пакуль прааабаронцы на волі, яны разыкуючы свабодай, здароўем і дабрабытам, дапамагаюць людзям бараніць правы і адстойваць законныя інтарэсы. Але, калі актывісты самі падпадаюць пад крымінальны пераслед, ім таксама патрэбна любая дапамога з боку грамадзян. У падобнай сітуацыі апынулісь сябры і валанцёры Праваабарончага цэнтра “Вясна”: Алесь Беляцкі, Валянцін Стэфановіч, Уладзімір Лабковіч, Марыя Рабкова, Андрэй Чапюк, Леанід Судаленка і Таццяна Ласіца. Больш навінаў пра вясноўцаў – на сайце freeviasna.org
Барыс Хамайда падаў скаргу ў міліцыю. Упершыню з 1997 году
Найстарэйшы віцебскі апазіцыянер Барыс Хамайда лічыць, што супрацоўнікі аддзелу міліцыі Чыгуначнага раёну парушылі ягоныя правы, калі 26-га красавіка забралі ў пастарунак і ўтрымлівалі там 4 гадзіны. Прычым увесь гэты час старшы лейтэнант Шушкевіч даводзіў Хамайду, што той ладзіў несанкцыянаванае пікетаванне, калі распаўсюджваў беларускую літаратуру.
У Віцебску пройдзе патаемны суд над палітвязнем Паўлам Сакаловым
Разбор крымінальнай справы ў Віцебскім абласным судзе запланаваны на 4 траўня. Ужо абвешчана, што суд пройдзе ў закрытым рэжыме. Маладога чалавека затрымалі 7 месяцаў таму разам з групай хлапцоў і дзяўчат, якія правялі шэраг палітычных перформансаў, знялі гэта на відэа і выклалі відэаролікі ў шэраг Тэлеграм-каналаў. На момант затрымання было вядома, што Паўла Сакалова абвінавачваюць у стварэнні экстрэмісцкага фармавання паводле арт. 361-1 Крымінальнага кодэксу Беларусі.
Суд падоўжыў на тры месяцы ўтрыманне пад вартай палітвязні Яне Пінчук
29 красавіка Васілевостраўскі раённы суд Санкт-Пецярбурга пакінуў Яну Пінчук у СІЗА да 30 ліпеня. На паседжанне не пусцілі журналістаў і слухачоў. На працягу трохмесячнага знаходжання пад вартай падазроная жыхарка Віцебска можа быць экстрадаваная расейскімі ўладамі ў Беларусь. 22 снежня 2021 года ПЦ «Мемарыял» прызнаў Пінчук палітвязнем. Яе у Беларусі абвінавачваюць па пяці артыкулах Крымінальнага кодэкса за адміністраванне тэлеграм-чата "Віцебск 97%", прызнанага ўладамі экстрэмісцкім.
У Оршы за пікетаванне асуджаны на 10 сутак ўладальнік мясцовага копі-цэнтра
У мінулым месяцы да жыхара Оршы фотамастака Дзяніса Сімановіча ў копі-цэнтр Ozen.by завіталі супрацоўнікі ГУБАЗіка. Іх увагу прыцягнулі некалькі значкоў з выяваю жоўтага поля з блактітным небам. Такія сувеніры Дзяніс паспеў таксама падарыць некалькім сваім знаёмым. Сімановіча дапыталі і адпусцілі дадому.
Эльвіра Мірсалімава запрашае віцяблян на несанкцыянаванае шэсце
Вядомая прыхільніца «русского мира» Эльвіра Мірсалімова паведаміла, што акцыя «Бессмертный полк» пройдзе ў Віцебску 9 траўня без дазволу выканкаму. Паводле ейных словаў, дазволу ад гарадскіх або раённых уладаў у арганізатараў шэсця на 9-га траўня няма, аднак ім нібыта паведамілі, што «ніхто не будзе перашкаджаць». Мірсалімава перакананая, што ва ўладных колах ёсць людзі, якія «тайна сімпатызуюць нашаму руху». І таму яны гатовыя ісці на парушэнне заканадаўства – не замінаць тым, хто ігнаруе заканадаўства пра масавыя мерапрыемствы, дзе прапісаны алгарытм падачы заявак на шэсці і мітынгі.
Віцебская вобласць – трэцяя ў краіне па колькасці выпадкаў пераследу за нацыянальную сімволіку
Бела-чырвона-белы сцяг зрабіўся галоўным сімвалам акцый пратэсту супраць вынікаў прэзідэнцкіх выбараў у жніўні 2020 году, сілавы гвалт за выкарыстанне нацыянальнай сімволікі працягваецца і зараз. Па выніках 2021 году, у Менску за выкарыстанне сімволікі ў нацыянальных колерах былі асуджаны 139 чалавек, У Менскай вобласці – 51, у Віцебскай – 39, у Гомельскай -30, у Берасцейскай – 28, у Магілеўскай -11. Вынікі і асаблівасці судовых справаў прааналізаваў Беларускі ПЭН.