Улады Віцебшчыны пацвердзілі, што адбыўся спад эканамічнага развіцця рэгіёна з-за санкцый
Інвестыцыйную дзейнасць рэгіёнаў прааналізавалі на пасяджэнні Віцебскага аблвыканкама. Сёлета ў Віцебскай вобласці рэалізуюць толькі сем інвестыцыйных праектаў па праграме "Адзін раён - адзін праект", то-бок толькі ў 7 абласных раёнах з 21.
Праўладныя грамадскія структуры Віцебшчыны прызналі, што іх метады маральна састарэлі
Толькі такім чынам можна зразумець высновы, зробленыя падчас апошняга пасяджэння так званай Каардынацыйнай рады грамадскіх аб’яднанняў і палітычных партый Віцебскай вобласці. У раду ўваходзяць выключна прадстаўнікі праўладных грамадскіх аб’яднанняў, накшталт «Белай Русі», і трох партый – ЛДП, Камуністычнай партыі і Рэспубліканскай партыі працы і справядлівасці. Паводле справаздачы ў абласной газеце «Витебские вести», удзельнікі рады добра валодаюць мастацтвам доўга і шмат гаварыць пра свае здзяйсненні, не прыводзячы канкрэтных прыкладаў. Аднак выкладанне планаў на будучыню выразна сведчыць пра тое, што цяперашняя праца рады малаэфектыўная.
У Шуміліне знайшліся “алкаголікі-экстрэмісты”
Групу ў «ВКонтакте» з назвай «Алкоголики Шумилино» дадалі ў спіс экстрэмісцкіх матэрыялаў. Дарма шукаць падтэксту ў назве групы, апелюючы да вядомага выказвання пра “наркаманаў і прастытутак” - удзельнікаў пратэстаў 2020г. У групе, зарэгістраванай у 2014 года, усяго 88 чальцоў, а певедамленні й насамрэч у сваёй большыні прысвечаны “алкагольнай тэме. Таксама тут сустракаюцца абвесткі пра згубленыя ці знойдзеныя рэчы, анонсы канцэртаў, запрашэнні наведаць новую цырульню і гд. Што ж “экстрэмісцкага” было заўважана ў шумілінскай групе, раз МУС вырашыла дадаць яе ў сумнавядомы спіс?
Перакадзіроўка па-віцебску : дзяцей пераконваюць, што «абаронцы Айчыны» – гэта міліцыя
Напрыканцы гэтага тыдня ў віцебскім дзіцячым садку №105 правялі імпрэзу да 23-га лютага. Можна спрачацца пра гістарычны сэнс свята, якое ўкаранілі ў Беларусі як спадчыну савецкіх часоў, але дагэтуль трывала прасочвалася сувязь панятку «абаронцы Айчыны» з прадстаўнікамі вайсковых структур. З гэтым святам звычайна віншавалі і кадравых вайскоўцаў, і салдат тэрміновай службы, і ўрэшце ўсіх прадстаўнікоў «моцнай паловы» насельніцтва – хай сабе нават яны ніколі не праходзілі нават тэрміновай службы. Аднак у дзіцячы садок у якасці жывога ўвасаблення «абаронцаў Айчыны» сёлета запрасілі не вайскоўцаў, а супрацоўнікаў МУС.
Як пісаць пра «правы інвалідаў», каб не напісаць анічога? Ведае сенненская «раёнка»
Як паведамляе газета «Голас Сенненшчыны», у райвыканкаме правялі пасяджэнне «міжведамаснай рады» па правах людзей з абмежаванымі магчымасцямі. Хто ўваходзіць у гэтую структуру са складаным назовам, для чытача застаецца невядомым. Зрэшты, гэта не так і важна, бо ў артыкуле орган, які апякуецца асобамі з інваліднасці, называецца то «радай», то «камісіяй». Можа, і гэта не істотна, калі праца ідзе на карысць людзям? А вось тут пачынаецца самае дзіўнае: у артыкуле няма ніводнай лічбы і ніводнага факта, што ж зроблена на Сенненшчыне для тых, каму патрэбная дапамога і спагада.
Жыхар Воршы Андрэй Рускіх прызнаны палітвязнем
Мужчына чакае суда за каментары ў сеціве Інтэрнэт паводле абвінавачвання ў распальванні сацыяльнай варожасці і абразе А. Лукашэнкі па арт. 130 і 368 КК узяты пад варту і ўтрымоўваецца на працягу доўгага тэрміна ў Віцебскім абласным СІЗА №2. Заява праваабарончых арганізацый змешчына тут.
За год, давер насельніцтва да віцебскіх уладаў, зменьшыўся на 8 %
У мінулым годзе зафіксавана 39,3 тысячы зваротаў у выканкамы, што на 8% менш папярэдняга перыяду 2021 года. Такую выснову можна зрабіць, калі прааналізаваць статыстыку і структуру зваротаў грамадзян у ворганы кіравання і самакіравання Віцебскай вобласці.
У калонію «Віцьба-3» трапіў яшчэ адзін палітвязень – Алесь Папковіч
Па інфармацыі праваабаронцаў, у віцебскую калонію №3 Алеся Папковіча перавялі яшчэ да разгляду апеляцыйнай скаргі, і на той момант яго прысуд яшчэ не ўступіў у законную сілу. Палітвязня асудзілі 5 снежня 2022 г. у судзе Заводскага раёну Менску. Суддзя Дзмітрый Астапенка прызначыў хлопцу два гады зняволення ў калоніі ва ўмовах агульнага рэжыму. І ўжо ў студзені Алесь Папковіч апынуўся ў «Віцьбе-3», прычым адразу ў памяшканне камернага тыпу. Па выніку разгляду апеляцыі, хлопца перавялі на каранцін у той самай калоніі, бо прысуд пакінуты без зменаў. Агулам у віцебскай ПК №3 ўтрымліваюцца 90 палітзняволеных.
Навацыя ад БРСМ – прымаць у свае шэрагі новых чальцоў у міліцэйскай управе
Старэйшае пакаленне віцяблян памятае, як за савецкім часе ў піянеры ці ў камсамол прымалі каля помніка Леніну. Старая камуністычная завядзёнка ладзіць казённыя ўрачыстасці расквітнела ў Віцебску новымі фарбамі: цяпер у БРСМ прымаюць у абласной управе міліцыі. І не проста ў афіцыйным будынку, а ў «сэрцы сэрцаў» міліцэйскай управы, як выказаўся начальнік аддзела ідэалогіі МУС аблвыканкаму Дзмітрый Пугачоў, – у профільным міліцэйскім музеі. Сюды прывезлі старшакласнікаў з пасёлка Должа, і сямёра з іх атрымалі білеты чальцоў праўладнай моладзевай структуры.
Падтрымайце праваабаронцаў "Вясны" ў дзень абвяшчэння прысуду
3 сакавіка ў 12.00 у судзе Ленінскага раёна г. Мінска будзе агучаны прысуд праваабаронцам “Вясны”: лаўрэату Нобелеўскай прэміі міру і кіраўніку арганізацыі Алесю Бяляцкаму, яго намесніку і віцэ-прэзідэнту Міжнароднай федэрацыі за правы чалавека Валянціну Стэфановічу, каардынатару кампаніі “Праваабаронцы за свабодныя выбары” Уладзіміру Лабковічу, а таксама Дзмітрыю Салаўёву, якога судзяць завочна. Пракурор запрасіў ім ад 9 да 12 гадоў пазбаўлення волі нібыта за фінансаванне пратэстаў пасля выбараў прэзідэнта ў 2020 годзе і кантрабанду арганізаванай групай у перыяд 2016-2021 гадоў.