Спадар Пугачоў заявіў, што маладым людзям гэты дзень мусіць запоўніцца надоўга. А першы сакратар віцебскай структуры БРСМ Вольга Шыёнак дадала, што з уступленнем у арганізацыю хлопцы і дзяўчаты набылі магчымасці «праявіць сябе, свае лепшыя якасці, на карысць Віцебскага раёну і роднай краіны». Нібыта без значка і білета з чатырма літарамі на вокладцы рабіць добрыя справы і садзейнічаць росквіту Беларусі немагчыма…

Падлеткам, якім было загадана «для прыгажосці» апрануцца па схеме «белы верх, чорны ніз», дазволілі сфатаграфавацца з музейнымі экспанатамі і галоўным міліцэйскім «ідэолагам». Візіт школьнікаў у абласную ўправу МУС праходзіў у межах «Тыдня патрыятызму», і папярэдняй імпрэзай гэтага тыдня было наведанне вайсковай часткі 5524, дзе дзецям паказвалі зброю і баявую амуніцыю.

Лявон Каляда