Жыхары Тарнага просяць захаваць дрэвы ад вырубкі. Ім адказваць, што яны спазніліся на тры гады
Жыхароў дома № 8 па вуліцы 2-й Зарэчнай у Віцебску хвалюе вырубка дрэваў, што вядзецца на месцы будучага будаўніцтва. «Пад сякеру» ідуць ужо дарослыя дрэвы, якія высякаюцца і на будаўнічай пляцоўцы, і там, дзе будуць пракладаць камунікацыі. «Мы абураныя, хіба можна знішчаць прыроду? Вакол шмат свабодных тэрыторый, дык чаму ж трэба будаваць менавіта там і так, каб нішчыць дрэвы?» - скардзяцца людзі.
Рамонт дарог як сродак маніпулявання свядомасцю чытачоў. Звяртайце ўвагу на лічбы!
«Сёлета ў Віцебскім раёне заасфальтавана рэкордная колькасць дарог», - такую пафасную назву мае артыкул у газеце «Віцьбічы». У гэтым тэксце вы не знойдзеце лічбаў для параўнання сёлетняга «рэкорда», да прыкладу, з мінулагоднімі паказнікамі. І ўвогуле: у артыкуле вядзецца нават не пра сотні кіламетраў абноўленага дарожнага пакрыцця, а пра некалькі дзесяткаў кіламетраў. У чым тады «рэкорд»? Проста чытачоў спрабуюць пераканаць, як дбайна пра іх клапоціцца кіраўніцтва рэгіёна.
Вольгу Брыцікаву асудзілі да 6 гадоў зняволення па сукупнасці прысудаў
Віцебскі абласны суд вынес ужо другі вырак палітзняволенай Вользе Брыцікавай, экс-лідарцы незалежнага прафсаюза "Нафтана". Раней гэтым жа судом яна была асуджаная да трох гадоў пазбаўлення волі паводле артыкула аб «распальванні варожасці». Цяпер яе прызналі вінаватай паводле яшчэ двух крымінальных артыкулаў – за "заклікі да санкцый" і "садзейнічанне экстрэмісцкай дзейнасці".
Суды па палітычных «адміністратыўках» не спыняюцца
На гэтым тыдні жыхароў Віцебшчыны зноў судзілі за «пікетаванне» і «распаўсюд экстрэмізму» у інтэрнэце». Падсумуем, што пра гэта вядома з адкрытых крыніц. Падобных судовых працэсаў, найверагодней, было больш. Але рэгіянальныя суды не пазначаюць у свае раскладах тыя разборы справаў, што адбываюцца ў ІЧУ з дапамогай інтэрнэт-сувязі.
Віцебскага актывіста Яўгена Сцяпанава ўключылі ў «экстрэмісцкі спіс» МУС
Віцяблянін быў асуджаны паводле ч.3 арт. 361-1 Крымінальнага Кодэкса (удзел у экстрэмісцкім фармаванні). Яго судзілі ў Віцебскім абласным судзе, вырак не вядомы. У «экстрэмісцкім» спісе на сайце МУС пазначана, што Яўген Сцяпанаў ужо «адбывае пакаранне». Мужчына мае вялікія праблемы са здароўем: ён перанес два інсульты, апошні з іх, як сведчаць абазнаныя крыніцы, здарыўся ўжо за кратамі.
Віцебскую моладзь адгаворвалі ехаць за мяжу і палохалі знешнімі пагрозамі
30 маладых спецыялістаў, якія прыцуюць у Чыгуначным раене, сабралі на сустрэчу са старшынём райваканкама Аляксандрам Сысоевым, дэпутатам Палаты прадстаўнікоў Русланам Шкодзіным і чыноўнікамі раённага ўзроўню. Яны расказвалі пра "шырокія перспектывы, якія адкрываюцца перад моладдзю ў Беларусі" і тлумачылі, чаму не варта «гнацца за лёгкімі грашыма».
Полацкіх кадэтаў будуць выхоўваць у традыцыях праваслаўнай веры
У навучальнай установе для падлеткаў ужо стварылі кабінет духоўна-маральнага выхавання з праваслаўнымі абразамі. А ў будучыні, паводле дырэктара кадэцкай вучэльні Станіслава Красоўскага, гэты кабінет стане часткай адмысловага духоўна-асветніцкага цэнтра.
Імпрэза для абраных: з нагоды Дня маці на Віцебскай бройлернай птушкафабрыцы арганізавалі свята для 65 работніц
У лік запрошаных трапілі шматдзетныя маці і «жанчыны з актыўнай грамадскай пазіцыяй». Мерапрыемства арганізавалі пярвічная арганізацыя ГА «Белорусский союз женщин» і прафсаюз прадпрыемства. Трое жанчын, якія выхоўваюць па шэсць і болей дзетак, атрымалі да свята падарункі – коўдры.
Лёзненскія камунальнікі ўсталявалі відэаназіранне, каб змагацца з «несанкцыянаваным смеццем»
За смецце, якое людзі «не даносяць» да вызначанага месца, або пакідаюць не там, дзе трэба, прадугледжаны адміністрацыйны штраф памерам да 1200 рублёў. Але камунальныя службы шкадуюць парушальнікаў, разумеючы, што ў райцэнтры невялікія заробокі. Нават калі відэакамеры зафіксавалі супрацьзаконныя дзеянні, спярша праводзяць «прафілактычную гутарку». Наколькі гэта эфектыўна?
Можна замяраць узровень патрыятызму: у Віцебску прадалі памятную стэлу з імёнамі загінулых у мінулай вайне
Стэла ў памяць пра 93 работнікаў фабрыкі, якія загінулі ў гады Вялікай Айчыннай вайны, знаходзіцца на тэрыторыі ліквідаванага ААТ "КІМ". На электронных таргах, арганізаваных камітэтам "Віцебскаблмаёмасць", прададзена трансфарматарная падстанцыя, якая належала прадпрыемству. Разам з падстанцыяй прададзена доля ў добраўпарадкаванні тэрыторыі, дзе і ўнаходзіцца стэла.