У Віцебску прайшоў сход наконт будаўніцтва Палацу шлюбаў: людзі – супраць
У Віцебску 5 сьнежня прайшоў сход па абмеркаваньні справаздачы аб ацэнцы ўзьдзеяньня на навакольнае асяродзьдзе (АЎНА) меркаванага будаўніцтва Палацу ўрачыстых абрадаў. На сходзе прысутнічала больш за 100 віцяблян. Але сярод іх не было ні аўтара справаздачы, ні навуковага кіраўніка праекту.
У Віцебску прайшоў абласны сход руху «За свабоду»
На сустрэчу, што адбылася 2 сьнежня ў «Эўрапейскім клюбе» на Сеньненскай, прыехалі дэлегаты з розных куткоў Віцебскай вобласьці – з Шуміліна, Воршы, Езярышча і іншых населеных пунктаў. Усяго сабралася каля 30-ці удзельнікаў. Зь Менску прыехалі вядомыя на ўсю краіну рухаўцы – Юрась Губарэвіч, Алесь Міхалевіч і Віктар Янчурэвіч.
#БезПраваНаРасправу: «Калі ты, с...а, не падпішаш прызнаньне – твая дачка памрэ…”
Непаразуменьне падчас прымеркі сукенкі, абвінавачваньне ў крадзяжы, сумнеўныя доказы – апэратыўнік усё зваліў у кучу, а пасьля вырашыў зацэмэнтаваць усё гэта “уласнаручным прызнаньнем” затрыманай. ПЦ "Вясна" распавядае яшчэ адну жахлівую гісторыю мультымэдыйнага праекту пра катаваньні ў Беларусі #БезПраваНаРасправу.
70 гадоў Усеагульнай дэклярацыі правоў чалавека. Праваабаронцы рыхтуюць пікет
Заяўку на правядзеньне пікету падаў у адміністрацыю Чыгуначнага раёну Віцебску праваабаронца Леанід Сьвецік. Імпрэза, у якой паводле заяўкі возьмуць удзел дзесяць чалавек, мусіць адбыцца 10 сьнежня – менавіта ў гэты дзень 70 гадоў таму Генэральная Асамблея ААН зацьвердзіла Ўсеагульную дэклярацыю правоў чалавека.
На 5 сьнежня прызначаны сход аб будаўніцтве Палацу шлюбаў: 5 пытаньняў да аўтараў праекту
У сераду 5 жніўня ў Віцебску адбудзецца сход па абмеркаваньні справаздачы аб ацэнцы ўзьдзеяньня на навакольнае асяродзьдзе меркаванага будаўніцтва Палацу ўрачыстых абрадаў. Сход праводзіцца па заяўцы гараджан у межах грамадзкага абмеркаваньня справаздачы. Што ня так з плянаваным аб’ектам і чаму варта ўзяць удзел у сходзе?..
Пракуратура: павялічылася колькасьць злачынстваў на глебе сямейных канфліктаў
За 10 месяцаў 2018 году колькасьць злачынстваў у сфэры сямейна-бытавых стасункаў павялічылася ў Віцебскай вобласьці з 239 (за той жа пэрыяд у 2017 годзе) да 297-мі. Зафіксаваныя ў тым ліку 6 забойстваў і 21 наўмыснае прычыненьне цяжкіх цялесных пашкоджаньняў.
Вярхоўны суд прызнаў незаконнай канфіскацыю нацыянальнага сьцяга
Зьвярнуўшыся ў Вярхоўны суд, віцябчук Андрусь Кешанюк дамогся вяртаньня яму бел-чырвона-белага сьцяга, канфіскаванага згодна з пастановай па распачатай супраць яго адміністрацыйнай справе. Астатняя частка пастановы старшынём Вярхоўнага суду пакінутая бязь зьменаў.
Белыя і чырвоныя кветкі да помніка Ўладзімеру Караткевічу
26 лістапада Ўладзімеру Караткевічу споўнілася б восемдзесят восем. Напярэдадні, у нядзелю, да помніка клясыку ў Віцебску месьцічы прынесьлі белыя і чырвоныя кветкі. Прадстаўнікі грамадзянскай супольнасьці гораду аддалі даніну павагі пісьменьніку, які апладніў сваімі геніяльнымі творамі амаль зьнішчаны імпэрскімі імбэцыламі беларускі нацыянальны ляндшафт.
Аддзелы адукацыі Віцебску кінуліся закупляць лыжы ды канькі – пасьля праверкі пракуратуры
Пракуратура гораду Віцебску правяла ў верасьні праверку і прыйшла да высновы, што большасьць гарадзкіх школ не забясьпечаныя лыжамі і адпаведнай экіпіроўкай. Аддзелы адукацыі кінуліся выпраўляць недахопы. У школы Першамайскага раёну Віцебску набываюць лыжаў ды канькоў на 270 тыс. рублёў.
“Ды ня здохнеш ты!..” У пастарунку яго падвесілі на крук і білі нагамі па твары – відэа
Вечар у кампаніі сяброў скончыўся для жыхара Менску Зьмітра Качановіча зьбіцьцём у аддзеле міліцыі. Яшчэ адна жахлівая гісторыя, якая распавядаецца ў межах праекту Праваабарончага цэнтру “Вясна” #БезПраваНаРасправу.