У кастрычніку суды Віцебскай вобласці асудзілі як мінімум 6 маладых мужчын да розных крымінальных пакаранняў па ч.1 арт. 435 (Ухіленне ад мерапрыемстваў па прызыве на вайсковую службу) КК РБ. Усе асуджаныя прызналі сваю віну ў поўным аб'ёме і раскаяліся ў зробленым.

У рэгіёне адбылася першая адпраўка ваеннаабавязаных да месцаў праходжання тэрміновай ваеннай службы. Згодна з разнарадкай Міністэрства абароны, гэтай восенню больш за 1000 прызыўнікоў Віцебшчыны павінны з'ехаць у войскі. На пытанні бацькоў будучых салдат, ці давядзецца іх дзецям удзельнічаць у вайне ва Украіне, работнікі камісарыята адказвалі ўнікліва і вельмі няпэўна.