LT News - шаблон joomla Оригами
  • Кіраўнік руху «За свабоду» Юрась Губарэвіч сустрэўся з актывістамі Віцебшчыны

    Кіраўнік руху «За свабоду» Юрась Губарэвіч сустрэўся з актывістамі Віцебшчыны

  • Віцебскую гарадзкую арганізацыю АГП узначаліла вядомая ў горадзе актывістка

    Віцебскую гарадзкую арганізацыю АГП узначаліла вядомая ў горадзе актывістка

  • Журналіста Сяргея Русецкага аштрафавалі за выкананьне прафэсійных абавязкаў

    Журналіста Сяргея Русецкага аштрафавалі за выкананьне прафэсійных абавязкаў

  • У Віцебску прайшоў форум, які палепшыць жыцьцё людзей з інваліднасьцю

    У Віцебску прайшоў форум, які палепшыць жыцьцё людзей з інваліднасьцю

З 2014 году ў Віцебску дзейнічае т.зв. Генэральны савет па стварэньні міжнароднага грамадзкага аб'яднаньня «За сумленную ўладу». Сваёй мэтай ствараная арганізацыя абвясьціла барацьбу за ўсталяваньне сумленнай улады, прычым ня толькі ў Беларусі.

Праверку дзейнасьці т.зв. Генэральнага савету па стварэньні грамадзкага аб'яднаньня «За сумленную ўладу» на прадмет парушэньня яго лідэрамі артыкулу 193-1 Крымінальнага кодэксу ладзіць Кастрычніцкі РАУС Віцебску. Калі ў выніку будзе выяўлена, што прыхільнікі «Сумленнай улады» зьдзейсьнілі злачынства, прадугледжанае згаданым артыкулам КК, ім пагражае пакараньне штрафам, арыштам ці пазбаўленьнем волі на тэрмін да 2-х гадоў.

Апублікавана ў Дзяржава

У склад Генэральнай рады па стварэньні міжнароднага грамадзкага аб’яднаньня «За Сумленную ўладу» ўвайшлі 12 чалавек. «Як 12 апосталаў», – пажартаваў на ўстаноўчым сходзе ініцыятар стварэньня арганізацыі Пётар Іваноў. Сярод тых, хто увайшоў у раду, апроч Пятра Іванова, ёсьць і іншыя вядомыя ў Віцебску актывісты – такія як, напрыклад, доктар Ігар Пастноў.

На пачатку студзеня праваабаронца Пётар Іваноў зьвярнуўся да кіраўніка краіны з просьбай дапамагчы дворніку зь вёскі Буяны Віцебскага раёну Леаніду Здрэставу, які літаральна замярзаў у сваім доме.

Апублікавана ў Праваабаронцы

Пётар Іваноў – вайсковы пэнсіянэр. Мае расейскае грамадзянства і пасьведчаньне на жыхарства ў Рэспубліцы Беларусь. Надоечы ён атрымаў ліст з аддзяленьня па грамадзянству і міграцыі Кастрычніцкага РАУС Віцебску, у якім паведамляецца, што дазвол на яго сталае пражываньне ў Беларусі можа быць ануляваны.

Апублікавана ў Праваабаронцы

Пётар Іваноў зладзіў акцыю, прымеркаваную да Дня правоў чалавека, які адзначаецца 10 сьнежня. Ён выйшаў у цэнтар Віцебску, дзе раздаў мінакам з паўсотні асобнікаў Усеагульнай Дэклярацыі правоў чалавека, прынятай 65 гадоў таму генасамблеяй ААН. Не забыў падарыць асобнікі дэклярацыі і супрацоўнікам суду, куды быў выкліканы ў гэты дзень. Судзьдзя Натальля Карабліна не засталася ў даўгу: яна парупілася, каб праваабаронца таксама не застаўся без «падарунку», абдарыўшы яго штрафам.

Апублікавана ў Акцыі

Увечары 1 лістапада машына Пятра Іванова была спыненая супрацоўнікамі ДАІ. Спачатку яму заявілі, што ён парушыў правілы дарожнага руху, праехаўшы на чырвонае сьвятло, і мусіць заплаціць штраф у памеры 1 базавай велічыні («Або можам праехаць у абласное ДАІ, але тады штраф будзе 5 базавых», – паведамілі затрыманаму). Пасьля «прабіцьця па базе» тлумачэньне прычыны затрыманьня з боку даішнікаў зьмянілася: Пятру Іванову сказалі, што ён нібыта знаходзіцца ў вышуку і таму мусіць праехаць у міліцэйскі пастарунак.

Апублікавана ў Затрыманьні

Віцебскі праваабаронца Пётар Іваноў атрымаў са Сьледчага камітэту чарговае паведамленьне пра адмову ва ўзбуджэньні ў дачыненьні да яго крымінальнай справы. Раней сьледчыя органы ўжо двойчы выносілі пастановы аб адмове ва ўзбуджэньні крымінальнай справы супраць яго, але потым тыя пастановы былі адмененыя. Ня выключана, што і чарговая пастанова будзе адмененая, і справа ўсё-такі будзе ўзбуджаная. Пятру Іванову па-ранейшаму пагражае зьняволеньне на тэрмін да 3-х гадоў.

Апублікавана ў Праваабаронцы

17 верасьня праваабаронца Пётар Іваноў наведаў доктара Ігара Пастнова у Віцебскім абласным клінічным цэнтры псыхіятрыі і наркалёгіі, дзе той знаходзіцца на прымусовым лячэньні. Спадар Іваноў паведаміў, што напярэдадні яго візыту ў шпіталь адбылося паседжаньне ўрачэбна-кансультацыйнай камісіі, якая зьменшыла апальнаму доктару дозу нэўралептыкаў. Згодна з заключэньнем камісіі, неўзабаве Ігар Пастноў можа быць пераведзены на дзённы стацыянар.

Апублікавана ў Карная псыхіятрыя

Віцебскі лекар Ігар Пастноў, які знаходзіцца на прымусовым лячэньні ў абласным цэнтры псыхіятрыі і наркалёгіі, просіць перавесьці яго ў Рэспубліканскі навукова-практычны цэнтар псыхічнага здароўя ў Навінках. Пра гэта паведамілі віцебскія праваабаронцы Пётар Іваноў і Леанід Сьвецік, якія сустрэліся з Постновым 5 верасьня.

Апублікавана ў Карная псыхіятрыя
Старонка 1 з 3