Катэгорыя: Вясна

Аляксандр Кабанаў. Фота: baj.by Да 26 чэрвеня не было вядома дакладнае месцазнаходжанне Аляксандра Кабанава, прэс-сакратара ініцыятыўнай групы Святланы Ціханоўскай. З 17 чэрвеня ён адбываў 15-сутачны арышт па ч. 3 артыкула 23.34 КаАП (заклік да ўдзелу ў несанкцыянаваным масавым мерапрыемстве) ў брэсцкім ізалятары часовага ўтрымання. Потым стала вядома, што яго перавялі ў Драгічын, а 25 чэрвеня ў доме яго бацькоў пад Бярозай прайшоў вобшук. Супрацоўнікі міліцыі паведамілі бацькам Аляксандра Кабанава, што іх сына перавозяць у Мінск. Пры гэтым супрацоўнікі ІЧУ і СІЗА-1 адмаўлялі яго прысутнасць там.

Катэгорыя: Вясна

Назіранне за выбарамі Прэзідэнта Рэспублікі Беларусь ажыццяўляецца РПГА “Беларускі Хельсінкскі камітэт” і ПЦ “Вясна” ў рамках кампаніі “Праваабаронцы за свабодныя выбары”. 24 чэрвеня 2020 г. скончылася фарміраванне участковых выбарчых камісій (УВК), якія з'яўляюцца важным элементам выбарчага працэсу і непасрэдна ажыццяўляюць арганізацыю галасавання і падлік галасоў. Усяго было створана 5 723 УВК, у іх склад увайшло 63 347 чалавек;

Катэгорыя: Вясна

Адна з паштовак, дасланых на конкурс. Ілюстратарка Маргарыта ЦІхановіч Беларуская праваабарончая школа і Задзіночаннем Беларускіх Студэнтаў ў межах ініцыятывы “Майстэрня паштовак салідарнасці” абвесціла конкурс дызайнаў друкаванай прадукцыі (паштоўкі, канверты) для далейшага друку і выкарыстання ў акцыях падтрымкі і салідарнасці з усімі затрыманымі ў час выбарчай кампаніі.

Катэгорыя: Вясна

Затрыманне ўдзельніка "Ланцугу салідарнасці" ў Мінску 19 чэрвеня 2020 года. Фота " Радыё Свабода" Ініцыятыва па зборы сродкаў BY_Help запусціла Краўдфандынг у падтрымку тых, хто быў затрыманы і прыцягнуты да крымінальнай ці адміністрацыйнай адказнасці ў перыяд выбарчай кампаніі 2020 года. 

Катэгорыя: Вясна

Праваабаронца Валянцін Стэфановіч. У чацвер, 25 чэрвеня, стала вядома пра ўзбуджэнне чатырох новых крымінальных справаў у дачыненні да блогераў. Так, крымінальныя справы былі заведзеныя на адміністратара тэлеграм-канала “Беларусь головного мозга” Ігара Лосіка, слуцкага блогера Уладзіміра Няронскага, блогера ютуб-канал MozgON Уладзіміра Цыгановіча і брэсцкага блогера Сяргея Пятрухіна. Пры гэтым вядома, што Уладзімір Няронскі і Сяргей Пятрухін праходзяць па крымінальнай справе “Ціханоўскага”, у адносінах да іх узбуджаныя справы па артыкуле 342 Крымінальнага кодэкса Беларусі. Іх падазраюць у тым, што яны арганізавалі групавыя дзеянні, якія груба парушаюць грамадскі парадак падчас правядзення выбарчага пікета па збору подпісаў за Святлану Ціханоўскую 29 траўня ў Гродне. Акрамя гэтага, у дачыненні да блогера Уладзіміра Няронскага ўзбудзілі крымінальную справу за абразу ў ягоным роліку на ютуб-канале прадстаўніка ўлады (арт. 369 КК) – старшыні Слуцкага райвыканкаму. Што тычыцца Ігара Лосіка, то вядома толькі, што на яго таксама заведзеная крымінальная справа па артыкуле 342, але пакуль невядома, у межах канкрэтна якой справы ён праходзіць і ў чым падазраецца. Тое ж тычыцца і блогера Уладзіміра Цыгановіча.

Катэгорыя: Вясна

Сяргей Пятрухін перад судом. Фота: ПЦ "ВЯсна". Па інфармацыі, якую праваабаронцу "Вясны" Уладзіміру Вялічкіну паведаміў следчы, 25 чэрвеня брэсцкі блогер Сяргей Пятрухін дастаўлены ў ізалятар часовага ўтрымання Мінска. Ён, як і Сяргей Ціханоўскі і яшчэ як мінімум 10 чалавек, затрыманы ў межах крымінальнай справы па арт. 342 КК РБ, звязанай з падзеямі ў Гродна 29 траўня.

Катэгорыя: Вясна

Мікіта Емяльянаў. Фота: svaboda.org Як паведаміла ПЦ "Вясна" Марына Касінерава, нядаўна палітвязня Мікіту Емяльянава наведаў адвакат.

Катэгорыя: Вясна

На блогера са Слуцка Уладзіміра Няронскага заведзеная крымінальная справа па двух артыкулах: ч. 1 арт. 342 і арт. 369 КК Беларусі. Як паведамляе TUT.BY, пра гэта сказана ў пастанове аб прыцягненні яго ў якасці абвінавачанага. Уладзімір Няронскі, скрыншот з каналу

Катэгорыя: Вясна

Фрунзенскі выбаркам у Мінску 25 чэрвеня зацвердзіў месцы, дзе можна будзе праводзіць перадвыбарчую агітацыю пры правядзенні выбараў прэзідэнта. Назіральнік кампаніі "Праваабаронцы за свабодныя выбары" Аляксей Лойка адзначае істотнае пагаршэнне ўмоваў для правядзення кандыдатамі агітацыі ў самым густанаселеным раёне Мінска. Згодна з артыкулам 45 Выбарчага кодэкса мясцовыя выканаўчыя і распарадчыя органы па ўзгадненні з адпаведнымі выбарчымі камісіямі вызначаюць месцы, у якіх кандыдаты ў Прэзідэнты Рэспублікі Беларусь, іх давераныя асобы ў мэтах ажыццяўлення перадвыбарнай агітацыі могуць праводзіць масавыя мерапрыемствы (сходы па-за памяшканнямі, мітынгі, пікетаванне).

Катэгорыя: Вясна

Доўгатэрміновы назіральнік кампаніі "Праваабронцы за свабодныя выбары" Леанід Свецік на падставе дзейнасці Кастрычніцкай раённай выбарчай камісіі Віцебска прааналізаваў некалькі важных этапаў бягучай выбарчай кампаніі: збор подпісаў, іх праверку і фармаванне ўчастковых выбарчых камісій.