Напярэдадні сьвяткаваньня 100-годзьдзя абвяшчэньня незалежнасьці БНР праваабаронцы Віцебску даслалі віншавальныя паштоўкі палітвязьням Зьмітру Паліенку (папраўчая калёнія № 2, г. Бабруйск) і Міхаілу Жамчужнаму (папраўчая калёнія № 9, г. Горкі). Апроч таго, яны павіншавалі са сьвятам беларускага краязнаўцу Алеся Юркойця (папраўчая калёнія № 3, пас. Віцьба).

Аб’ектам «творчасьці» невядомых асобаў стаўся аршанскі сябра БХК Васіль Берасьнеў. У сеціве зьявіўся відэаролік зь нібыта «кампраматам» на актывіста, які распаўсюджваюць з фэйкавых акаўнтаў.

Згодна з заяўкай, пададзенай праваабаронцам Леанідам Сьвецікам у адміністрацыю Чыгуначнага раёну Віцебску, мітынг мусіць адбыцца 15 сакавіка ў Парку культуры і адпачынку чыгуначнікаў. Заяўленая мэта імпрэзы – публічна адсьвяткаваць Дзень Канстытуцыі Рэспублікі Беларусь, які вызначаны ўказам прэзыдэнта як сьвяточны дзень.

Канец студзеня – пачатак лютага 2018 году адзначыўся масавымі выклікамі ў сьледчыя органы грамадзянскіх актывістаў і сябраў прафсаюзу РЭП з усіх рэгіёнаў краіны. Ня стала выключэньнем і Віцебшчына. Сярод тых, хто быў апытаны ў якасьці сьведкі па крымінальнай справе, распачатай супраць кіраўніцтва прафсаюзу, апынуўся віцебскі юрыст і праваабаронца Валер Місьнікаў, які пасьля наведваньня габінэту сьледчага вымушаны быў зьвярнуцца ў пракуратуру.

У інтэрнэце зьявілася публікацыя «Шэрая кніга. Віцебская вясна – 2017. Вулічныя акцыі». На 78-мі старонках кнігі праваабаронцы рэгіёну нагадваюць чытачам пра тое, як праходзілі акцыі пратэсту ўвесну 2017 году, дзякуючы якім фактычна быў скасаваны «дармаедзкі» дэкрэт № 3, як улады спрабавалі перашкодзіць грамадзянам рэалізоўваць іх права на мірныя сходы, як яны чынілі рэпрэсіі супраць удзельнікаў гэтых сходаў і назіральнікаў за імі.