Першы перадвыбарчы пікет правялі ў Віцебску сябры “Справядлівага сьвету”
26 верасьня ў цэнтры Віцебску пачалі збор подпісаў сябры левай партыі “Справядлівы сьвет” Вадзім Кузьмін і Яўген Інц. Партыйцы ўжо ня ў першы раз спрабуюць прабіцца ў Палату прадстаўнікоў. Раней ім гэта не ўдавалася.
Фотафакт: пікетоўцы ў Віцебску патрабавалі свабоду Зьмітру Паліенку
“Свабоду палітзьняволеным!”, “Свабоду Зьмітру Паліенку!”, “Патрабуем правасудзьдзя!” – з такімі лёзунгамі 26 верасьня віцябляне пікетавалі ў цэнтры гораду. Перадвыбарчы пікет ладзіла ініцыятыўная група старшыні гарадзкой арганізацыі АГП Ірыны Яскевіч.
У Полацку пікетоўцаў праганяюць з цэнтру гораду пры дапамозе пад’ёмнага крану
У Полацку на месца, дзе ладзіўся перадвыбарчы пікет, мясцовыя ўлады прыгналі пад’ёмны кран і пачалі раптам ламаць амаль новыя мачты вулічнага асьвятленьня. Зборшчыкі подпісаў мяркуюць, што ўсё рабілася знарок – каб сарваць пікет апазыцыйнага прэтэндэнта ў кандыдаты.
“Лукашэнка павінен сысьці!” У Віцебску прайшоў першы перадвыбарчы пікет пад нацыянальным сьцягам
У цэнтры гораду, каля гандлёвага цэнтру “Кантынэнт”, 10 верасьня адбыўся першы перадвыбарчы пікет пад бел-чырвона-белым сьцягам. Подпісы зьбіралі за вылучэньне ў якасьці кандыдатаў у дэпутаты адразу чатырох віцяблян. За дзьве гадзіны падпісаліся некалькі дзясяткаў чалавек.
Віцяблян Яраслава і Ўладзімера Кійко будуць судзіць за сьвяткаваньне Дня Волі
Праз тыдзень пасьля сьвяткаваньня Дня Волі ў Віцебску на братоў Уладзімера і Яраслава Кійко міліцыянты склалі пратаколы аб адміністрацыйным правапарушэньні паводле ч.1 арт. 23.34 КаАП – “за пікет з выкарыстаньнем палотнішча бел-чырвона-белага колеру”.
Дзень правоў чалавека па-віцебску: Улады забаранілі праваабаронцам ладзіць пікет
10 сьнежня ў сьвеце адзначаецца Міжнародны дзень правоў чалавека. Такая дата выбраная невыпадкова: у гэты дзень у 1948 годзе Генэральная асамблея ААН прыняла першы ўнівэрсальны міжнародны акт па правох чалавека – Усеагульную дэклярацыю правоў чалавека. Каб публічна адзначыць 70-гадовы юбілей дэклярацыі, праваабаронцы Віцебску хацелі зладзіць пікет. Аднак мясцовыя ўлады на іх заяўку далі адмоўны адказ.
70 гадоў Усеагульнай дэклярацыі правоў чалавека. Праваабаронцы рыхтуюць пікет
Заяўку на правядзеньне пікету падаў у адміністрацыю Чыгуначнага раёну Віцебску праваабаронца Леанід Сьвецік. Імпрэза, у якой паводле заяўкі возьмуць удзел дзесяць чалавек, мусіць адбыцца 10 сьнежня – менавіта ў гэты дзень 70 гадоў таму Генэральная Асамблея ААН зацьвердзіла Ўсеагульную дэклярацыю правоў чалавека.
#БезПраваНаРасправу: Скавалі кайданкамі ў ланцуг і павялі ў суд – як сэрыйных маньякаў
Ноў-хаў менскай міліцыі: пры канваяваньні затрыманых актывістаў кайданкамі змацавалі паміж сабой у ланцужок і ў такім выглядзе выводзілі з машыны ў будынак суду. Яшчэ адна жахлівая гісторыя, якая распавядаецца ў межах праекту Праваабарончага цэнтру “Вясна” #БезПраваНаРасправу.
Абласны суд не пачуў аргумэнтацыю актывісткі БХД
10 кастрычніка ў Віцебскім абласным судзе разглядалася касацыйная скарга сяброўкі аргкамітэту «Беларускай хрысьціянскай дэмакратыі» Алены Янушкоўскай. Актывістка аспрэчвала рашэньне суду Віцебскага раёну, які 5 верасьня аштрафаваў яе на 12 базавых велічыняў (294 рублі) за ўдзел у недазволеным уладамі пікеце.
Праваабаронцам Віцебску забаранілі публічна выказацца супраць сьмяротнага пакараньня
У межах Тыдня супраць сьмяротнага пакараньня, мерапрыемствы якога праходзяць ва ўсёй краіне, віцебскія актывісты праваабарончай супольнасьці меркавалі зладзіць імпрэзу. Аднак пікет, падчас якога праваабаронцы хацелі распавесьці месьцічам, чаму яны выступаюць за скасаваньне практыкі забойства грамадзян дзяржавай на падставе выракаў судоў, мясцовыя ўлады забаранілі.