Канец студзеня – пачатак лютага 2018 году адзначыўся масавымі выклікамі ў сьледчыя органы грамадзянскіх актывістаў і сябраў прафсаюзу РЭП з усіх рэгіёнаў краіны. Ня стала выключэньнем і Віцебшчына. Сярод тых, хто быў апытаны ў якасьці сьведкі па крымінальнай справе, распачатай супраць кіраўніцтва прафсаюзу, апынуўся віцебскі юрыст і праваабаронца Валер Місьнікаў, які пасьля наведваньня габінэту сьледчага вымушаны быў зьвярнуцца ў пракуратуру.

Прадстаўнікі Беларускага кангрэсу дэмакратычных прафсаюзаў (БКДП) на знак пратэсту пакінулі паседжаньне Савету пры Міністэрстве працы. Пра падзею распавёў намесьнік старшыні Свабоднага прафсаюзу Беларускага па Віцебскай вобласьці Мікола Шарах.

Сытуацыя на рынку працы ў Воршы з часу вясновых пратэстаў пагоршылася. У горадзе стала больш беспрацоўных, чымся было на пачатку 2017 году. Пра гэта заявіў старшыня аршанскай арганізацыі прафсаюзу РЭП Аляксандар Булаўка.

Трое жыхароў Шаркоўшчыны пазбавіліся працы за паленьне – не падчас працы і не на працоўным месцы. Мужчынаў фактычна вымусілі падпісаць заявы на звальненьне паводле ўласнага жаданьня.

Полацкі раённы выканаўчы камітэт адмовіў прадстаўнікам Свабоднага прафсаюзу Беларускага (СПБ) ў правядзеньні пікету 16 верасьня. Прадстаўнікі прафсаюзу заявілі, што такое рашэньне выканкаму парушае правы грамадзян, і што яны зьбіраюцца абскарджваць забарону на пікет у судзе.

Вяртаньне часткі прэміяў, кампэнсацыя адной зарплаты і зьмена фармулёўкі прычыны звальненьня ў працоўнай – вынік міравога пагадненьня паміж работнікам і наймальнікам – культурна-гістарычным комплексам «Залатое кальцо гораду Віцебску "Дзьвіна"».

12-цю суткамі адміністрацыйнага арышту пакараны Аляксандар Булаўка. 12 сакавіка, падчас мітынгу на цэнтральнай плошчы Воршы, ён падняў сьцяг прафсаюзу РЭП, а потым на чале калёны прайшоў з гэтым сьцягам да райвыканкаму.

Прадстаўнікі шэрагу апазыцыйных сілаў Віцебску выказаліся за адкрыцьцё грамадзкай прыёмнай для грамадзян, якія трапілі пад дзеяньне дэкрэту №3.

Пасьля інвэнтарызацыі з працаўніц буфэту віцебскага ТАА «Марко» запатрабавалі выплаціць нястачу ў памеры 12 000 рублёў. У выніку справа дайшла да суду, які вынес сваё рашэньне 6 лютага.

За пару дзён актывісты сабралі некалькі сотняў подпісаў. Акцыя, якая зьяўляецца агульнарэспубліканскай, працягнецца да 17 лютага, а пасьля сабраныя подпісы будуць перададзеныя ў адміністрацыю прэзыдэнта, Палату прадстаўнікоў Нацыянальнага сходу і Савет Міністраў.