Суддзя суда Бешанковіцкага раёна Кацярына Мацкевіч 15 лютага за захоўванне "экстрэмісцкіх" публікацый у сацыяльнай сетцы аштрафавала на 600 рублёў аператара заправачных станцый Аксану Шаляпаву.

Вынікі падвялі спецыялісты Віцебскага абласнога цэнтра псіхіятрыі і наркалогіі, дзе ёсць звесткі пра тых, хто стаіць на медычным уліку. Колькасць хворых на наркаманію ў Віцебскай вобласці ў 2023 годзе склала 54 выпадкі, гэта амаль 5 чалавек на 100 тысяч насельніцтва. Летась выяўлена 14 чалавек з залежнасцю ад таксічных рэчываў (у 2022 годзе - 8). Колькасць выяўленых спажыўцоў наркатычных і таксічных рэчываў без наступлення залежнасці склала 122 чалавекі і знізілася да ўзроўню 2022 года на 19,2 працэнта. Колькасць непаўналетніх у гэтых групах склала 14 чалавек (у 2022 годзе - 8 чалавек).

Суддзя суда Бешанковіцкага раёна Кацярына Мацкевіч 16 лютага за падпіску на ў сацыяльнай сетцы на два “экстрэмісцкія” інфарэсурсы арыштавала на 15 сутак муляра Аляксея Сытава.

У лютым 2024г. Мірсалімаву двойчы судзілі па адміністрацыйных справах. Першы раз - 15 лютага - суд прызначыў ёй штраф за парушэнне правядзення масавых мерапрыемстваў. Яе прызналі вінаватай за «пікетаванне ў інтэрнэце» за размяшчэнне ў сацсетках фотаздымкаў з расейскай дзяржаўнай і іншай сімволікай. Суд адбыўся праз 8 дзён пасля таго, як яе затрымалі і склалі пратакол паводле арт. 24.23 КаАП. Якраз тады ёй давялося адну ноч правесці ў ІЧУ, прычым у адной камеры з нацыянальна свядомымі актывісткамі. Пасля гэтага яна падзялілася «ВКонтакте» сваімі ўражаннямі. Пасля другога суду, падобна, у ізалятары часовага ўтрымання ёй давядзецца правесці больш працяглы тэрмін.

Як паведамляе ведамства, да адказнасці прыцягнуты 192 службовыя асобы на агульную суму 97,3 тысячы рублёў. Таксама Дзяржкантроль па Віцебскай вобласці ўстанавіў парушэнні выплаты сярэдняга заработку за час працоўнага адпачынку пры наяўнасці сродкаў на выплату.

Бешанковіцкі райвыканкам падвёў вынікі конкурса эскізных праектаў памятнага знака Льву Сапегу, абвешчанага сёлета ў студзені. На конкурс былі прадстаўлены 12 праектаў, якія ацэньвала журы з «экспертаў у галіне мастацтва з Мінска і Віцебска, а таксама прадстаўнікі нашага раёна», як піша мясцовая газета «Зара». Аўтарскія прапановы нідзе не публікаваліся, шэраговых жыхароў рэгіёна з імі не знаёмілі. Паводле рашэння журы, пераможцам абвешчаны праект мінскага скульптара Івана Міско. Пасля ўвасаблення ў бронзе памятны знак усталююць у гарадскім парку.

Маладыя спецыялісты не жадаюць вяртацца на радзіму ў маленькія гарады, нават калі яны вучыліся па мэтавых накіраваннях.

Суддзя суда Наваполацка Зінаіда Балаболава 16 лютага за падпіску ў сацыяльнай сетцы на «экстрэмісцкі» інфармацыйны канал аштрафавала на 800 рублёў Уладзіміра Ракомса.

Сайт Лепельскай раённай газеты lepel-kraj.by нагадвае сваім чытачам, што 28 сакавіка 2024 года ўступіць у сілу падпісаны Лукашэнкам указ "Аб дзяржаўным уліку і эксплуатацыі грамадзянскіх беспілотных лятальных апаратаў". Згодна з ім, працаваць з БЛА змогуць толькі ІП і арганізацыі, якія атрымалі дазволы.

На Мёршчыне апошнім часам пераважае вайсковае выхаванне дзяцей. Днямі ў невялікім горадзе Мёры зладзілі некалькі мерапрыемстваў вайсковай накіраванасці для малодшых і старэйшых школьнікаў. У Мёрскай школе №3 адбылася конкурсная праграма пад назвай “Школа будучага салдата”.