Віцебская пракуратура і ДВП адмовіліся бараніць правы палітвязня Валадара Цурпанава
У лістападзе 2021 году праваабаронца Наталля Міхалькова накіравала зварот у пракуратуру Віцебскай вобласці з патрабаваннем правесці праверку па факце парушэння кіраўніцтвам і супрацоўнікамі папраўчай калоніі №3 (пас. Віцьба, Віцебская вобласць) правоў Валадара Цурпанава. Аднак пракуратура і ўпраўленне дэпартаменту выканання пакаранняў МУС адмовілася рабіць захады для абароны правоў палітвязня.
Анатоль Каханчык: Я ў шпіталі, адміністрацыя ІЧУ афіцыйна зняла з мяне арышт
Жыхар Полацку Анатоль Каханчык, якога 21 снежня асудзілі на 25 сутак адміністрацыйнага арышту, трымаў у віцебскім ІЧУ сухую галадоўку. На 5 дзень, калі стан ягонага здароўя моцна пагоршыўся, адміністрацыя ізалятару вымушаная была выклікаць хуткую і адправіць Каханчыка ў шпіталь. Як паведаміў на сваёй старонцы ў Фэйсбуку Анатоль Каханчык, з яго нібыта «афіцыйна знялі арышт». Піша, што «зараз свабодны» і паціху аднаўляе здароўе.
Расейскія праваабаронцы прызналі Яну Пінчук палітзняволенай
22 снежня расейскі праваабарончы цэнтр «Мемарыял» уключыў у спіс палітвязняў віцяблянку Яну Пінчук. На думку праваабаронцаў, крымінальны пераслед у дачыненні яе звязаны выключна з яе палітычнымі перакананнямі і рэалізацыяй права на свабоду выказвання меркавання, а крымінальная справа супраць яе – палітычна матываваная. Нягледзячы на гэта, расейскія ўлады збіраюцца экстрадаваць дзяўчыну ў Беларусь.
За тыдзень суды Віцебскай вобласці прызналі «экстрэмісцкімі» 7 медыярэсурсаў
З 8 па 15 снежня рашэннямі судоў Віцебску і Віцебскай вобласці былі залічаныя ў рэспубліканскі спіс экстрэмісцкіх 4 тэлеграм-рэсурсы, 2 каналы відэахостынгу «Youtube» і адна старонка ў сацсетцы «ВКонтатце» . Пры гэтым суды скарысталіся правам неадкладнага выканання сваіх рашэнняў, паколькі, на думку суддзяў, прамаруджванне ў выкананні рашэнняў можа нанесці значную шкоду дзяржаве або зрабіць немагчымым самое іх выкананне.
Гаспадар БЧБ-хаты Анатоль Каханчык трапіў у шпіталь – ён трымаў галадоўку
Жыхар Полацку Анатоль Каханчык, асуджаны 21 снежня на 25 сутак арышту за расфарбоўку сваёй хаты ў бел-чырвона-белыя колеры (арт. 24.23 КаАП), трапіў у шпіталь. Пра гэта паведамілі праваабаронцы «Вясны». Паводле іх звестак, Каханчык пасля абвяшчэння прысуду абвясціў сухую галадоўку. Праз некалькі дзён галадоўкі яму стала кепска, ён трапіў у лякарню.
Актывісты Аляксандр Мацяюк і Алег Баразна прызнаныя палітвязнямі. Іх судзілі па «наркатычным» артыкуле 328
5 кастрычніка 2021 году суд Чыгуначнага раёну Віцебску асудзіў Аляксандра Мацеюка да 9 гадоў пазбаўлення волі ў папраўчай калоніі па ч. 3 арт. 328 і арт. 332 КК са штрафам – за незаконныя з мэтай збыту набыццё, захоўванне і перавозку марыхуаны ў буйным памеры і ўтрыманні прытона, для ўжывання наркатычных сродкаў. Гэтым жа прыгаворам асудзілі і Алега Баразну – да 2 гадоў і 3 месяцаў пазбаўлення волі ў папраўчай калоніі за незаконныя дзеянні ў адносінах да наркатычных сродкаў без мэты збыту.
На фоне ганенняў на незалежныя СМІ ў Віцебску праходзіць медыяфорум Беларусі і Расеі
22 снежня ў Віцебску праходзіць беларуска-расейскі форум «Новыя медыя ў эпоху лічбавізацыі». Імпрэзу ладзяць Віцебскі абласны выканаўчы камітэт сумесна са Смаленскай абласной арганізацыяй «Расейскі саюз моладзі». Стала вядома, што форум часткова фінансуецца з гранту прэзідэнта Расейскай Федэрацыі Уладзіміра Пуціна.
Камітэт супраць катаванняў: бацька і сын Кузнечыкі павінны заставацца пад абаронай урада Швецыі
Жыхары Віцебску Віталь і Уладзіслаў Кузнечыкі, якія ўжо больш за год жывуць у пасольстве Швецыі ў Менску, падалі скаргу ў Камітэт супраць катаванняў. Пра гэта распавёў абаронца Кузнечыкаў юрыст Вадзім Драздоў. Камітэт супраць катаванняў абавязаў амбасаду Швецыі зрабіць неабходныя захады для забеспячэння асабістай недатыкальнасці заяўнікаў, пакуль іх скарга не будзе разгледжаная камітэтам.
Анатоля Каханчыка кінулі за краты на 25 сутак. Ён адмовіўся перафарбоўваць БЧБ-хату
21 снежня гаспадара БЧБ-хаты ў вёсцы Алёшча Полацкага раёну Анатоля Каханчыка прызналі вінаватым у парушэнні заканадаўства аб масавых мерапрыемствах (арт. 24.23 КаАП) і асудзілі на 25 сутак адміністрацыйнага арышту. Суд Полацку і Полацкага раёну вырашыў, што Каханчык зладзіў «несанкцыянаванае пікетаванне», пафарбаваўшы свой дом у Алёшчы ў бел-чырвона-белыя колеры. Перафарбоўваць яго мужчына катэгарычна адмовіўся.
Па рашэнні пракурора Віцебскай вобласці заблакаваны сайт «Віцебскі Кур'ер news»
20 снежня 2021 году пракурор Віцебскай вобласці Ігар Украінец вынес пастанову аб абмежаванні доступу да інтэрнэт-сайту «Віцебскі Кур'ер news». На думку пракурора, у шэрагу матэрыялаў, размешчаных на сайце, меліся прамыя парушэнні законаў Рэспублікі Беларусь «Аб сродках масавай інфармацыі» і «Аб супрацьдзеянні экстрэмізму». Гэта апошні недзяржаўны электронны рэсурс у Віцебскім рэгіёне, які быў бесперашкодна даступны беларускім чытачам.