Актывісты Свабоднага прафсаюзу зладзілі пікет ля прахадной «Шкловалакна»
Свабодны прафсаюз 16 красавіка правёў пікет на прахадной полацкага заводу «Шкловалакно» на знак пратэсту на непрацягненьне кантракту з актывістам прафсаюзу Міколам Шарахам.
Наваполацкі інвалід-вазочнік штодня рызыкуе жыцьцём
Алег Маліноўскі разам з жонкай і сынам туліцца ў адным пакоі цешчынай кватэры. Кватэра знаходзіцца на чацьвёртым паверсе. Ліфта ў доме няма. Таму каб спусьціцца па лесьвіцы і выбрацца на двор, інвалід-вазочнік павінен рызыкаваць жыцьцём.
«Залаты» рамонт, або Чаму жыхары аднаго з дамоў у Віцебску ня згодныя з прад’яўленым коштам
Вось ужо які месяц жыхары дому 58, пад’езду №2, па вуліцы Праўды ня могуць дамагчыся справядлівасьці.
Для падлеткаў, якія стаяць на ўліку ў ІСН, арганізавалі экскурсію ў калёнію
Ініцыятарамі экскурсіі ў папраўчую ўстанову Дэпартамэнту адбываньня пакараньняў Рэспублікі Беларусь, разьмешчаную ў пасёлку Віцьба, выступілі пракуратура Віцебскага раёну і інспэкцыя па справах непаўналетніх Віцебскага РАУС.
Віцебскія праваабаронцы рыхтуюцца да пікету
Заяўку на правядзеньне 30 красавіка пікету падаў актывіст праваабарончага руху Віцебску Леанід Сьвецік. Мэта мерапрыемства: інфармаваньне грамадзян пра спосабы абароны сацыяльных правоў – права на працу, права на пэнсійнае забесьпячэньне і права на бясплатнае мэдычнае абслугоўваньне і адукацыю.
За ўхіленьне ад прызыву жыхар Докшыцкага раёну павінен заплаціць больш за 12 мільёнаў рублёў у даход дзяржаве
Выпадкі, калі прызыўнікі ўхіляюцца ад службы ў войску, сёньня нярэдкія. Адзін з такіх выпадкаў адбыўся з нашым земляком, жыхаром вёскі Беразіно, што ў Докшыцкім раёне, які ўхіліўся ад мерапрыемстваў прызыву на вайсковую службу. Справа ў дачыненьні да яго ў другой дэкадзе сакавіка разгледзеў раённы суд.
Аршанцы выступаюць супраць будаўніцтва гандлёвага цэнтру ў двары жылога дому
Жыхары дому № 10 па вуліцы Сямёнава ў Воршы зьвярнуліся ў мясцовыя і рэспубліканскія органы ўлады з калектыўным лістом. Людзей абурыла, што пад вокнамі жылога дому зьбіраюцца пабудаваць двухпавярховы гандлёвы цэнтар, папярэдне зьнішчыўшы зялёную зону.
У Віцебску шыюць кеды з двухгаловым арлом
Прадукцыя зь відавочным прарасейскім падтэкстам зьявілася ў беларускага вытворцы абутку «Белвест».
У пасёлку Вымна Віцебскага раёну разбураецца будынак сельскага Дому культуры
Яшчэ ў 2009 годзе Дом культуры зьбіраліся капітальна адрамантаваць – тады пасёлак быў ператвораны ў аграгарадок. Але выявілася, што закрыць установу культуры нашмат прасьцей, чымся прывесьці ў парадак. Вяскоўцы хадзілі на прыёмы да начальства, пісалі скаргі – безвынікова.
Абвастрэньне антыпрафсаюзнага псыхозу
Генэральны дырэктар полацкага «Шкловалакна» Андрэй Бунакоў пацьвердзіў свой намер не працягваць працоўныя адносіны з намесьнікам старшыні Свабоднага прафсаюзу Беларускага Міколам Шарахам, памочнікам майстра цэху № 7. Пра гэта ён паведаміў апошняму падчас асабістай сустрэчы.