Невядомыя агітуюць жыхароў Віцебску за «Русский мир»
Невядомыя агітатары наведваюць бюджэтныя арганізацыі Віцебску і агітуюць за далучэньне да Расеі. Пра гэта сайту charter97.org распавёў адзін з чытачоў: «Надоечы, да нас на працу ў бюджэтную арганізацыю прыйшоў незвычайны наведвальнік, жанчына гадоў сарака, прыстойна апранутая. Яна пачала весьці агітацыю за Расею, распавядаць, што за ёй будучыня, аб далучэньні да арганізацыі, якую яна прадстаўляе».
Актывіст дамогся закрыцьця сьметніку пад Бешанковічамі
Роўна празь месяц пасьля звароту на наўпроставую лінію актывісту Георгію Станкевічу прыйшоў адказ зь Бешанковіцкага райвыканкаму, паведамляе сайт beshankovichy.by. У лісьце паведамляецца, што Ранчыцкі мініпалігон зачынены, а вываз сьмецьця забаронены.
Актывісты Віцебску распачалі кампанію “Павышэньне якасьці мэдычнага абслугоўваньня”
10 лістапада 2014 году быў дадзены старт кампаніі “Павышэньне якасьці мэдычнага абслугоўваньня ў Віцебску”. Пра гэта ўдзельнікі кампаніі абвесьцілі на прэсавай канфэрэнцыі, якая адбылася ў Віцебску.
На месцы меркаваных масавых расстрэлаў НКУС пад Віцебскам усталяваныя крыжы і праведзеная паніхіда (відэа, фота)
12 лістапада зь ініцыятывы сябра віцебскай гарадзкой арганізацыі КХП-БНФ Яна Дзяржаўцава ў лесе за вёскай Хайсы Віцебскага раёну на месцы меркаваных масавых расстрэлаў грамадзян органамі НКУС у другой палове 30-х гадоў былі ўсталяваныя памятныя крыжы, ускладзеныя кветкі і вянок, а таксама адпраўленая памінальная паніхіда ля парэшткаў бязьвінна забітых людзей.
Віцебскія Курапаты? (фота)
За часамі Лукашэнкі тэма сталінскіх рэпрэсіяў супраць беларускага народу амаль згубілася на тле падзеяў Другой сусьветнай вайны, пра якую шмат напісана, зьнята фільмаў, а ў памяць ейных ахвяраў і герояў узьведзена безьліч помнікаў і мэмарыялаў. Але ж калі параўноўваць паміж сабой гэтыя дзьве рэальнасьці, параўноўваць без ідэалягічных догмаў і гістэрыкі, становіцца відавочным – гісторыя палітычнага сталінскага тэрору насамрэч куды больш трагічная за гісторыю вайны, а ейныя наступствы аж дагэтуль уплываюць на цяпершчыну і будучыню нацыі.
Дзяржава забірае ў «Віцебскдрэву» лясгасы
Савет Міністраў Беларусі прыняў рашэньне да 31 сьнежня 2014 году бязвыплатна набыць у дзяржаўную ўласнасьць Бешанковіцкі і Гарадоцкі лясгасы, якія зьяўляюцца цяпер філіяламі ААТ «Віцебскдрэў». Лясгасы будуць перададзеныя дзяржаве як маёмасныя комплексы, балянсавы кошт на 1 траўня 2014 году Бешанковіцкага і Гарадоцкага лясгасаў складаў 19,144 і 19,19 мільярдаў рублёў адпаведна.
У Полацку няма каму абараняць спажыўцоў
Полацкі райвыканкам зь лютага 2014 году не рэгіструе грамадзкую арганізацыю «Таварыства абароны спажыўцоў». Апошні раз адмова ў рэгістрацыі грунтавалася дрэнным санітарным станам арандаванага памяшканьня. Ранейшае памяшканьне грамадзтва было адабранае КУП ЖКГ Полацкау з-за штучна створанай запазычанасьці платы за арэнду.
Праваабаронца — Лукашэнку: На Віцебск насоўваецца расейская экспансія
Віцебскі праваабаронца Павал Левінаў даслаў электронны зварот на сайт Аляксандра Лукашэнкі. Ён патлумачыў Радыё Свабода, што нагодай для гэтага сталася сувэнірная прадукцыя, якая прадаецца ў Віцебску. Фотаздымак магніта на лядоўню праваабаронца даслаў разам са сваім зваротам.
Віцебскім актывістам КХП-БНФ ізноў забаранілі пікетаваць
Чарговую забарону ладзіць пікет атрымалі ад мясцовых уладаў сябры Кансэрватыўна-хрысьціянскай партыі БНФ Ян Дзяржаўцаў і Пётра Сарапеня. Прычына забароны – традыцыйная для Віцебску: адсутнасьць у заяўнікаў акцыі дамоваў зь лекарамі, дворнікамі і міліцыянтамі. Пікет мусіў адбыцца 7 лістапада.
Віцебскія журналісты далучыліся да сусьветнай кампаніі «Станем за журналістыку!»
5 лістапада па ўсім сьвеце праходзілі акцыі салідарнасьці “Станем за журналістыку”. Яны ладзяцца з ініцыятывы Міжнароднай Фэдэрацыі Журналістаў (МФЖ) і прысьвечаныя барацьбе журналістаў за іхныя правы, супраць палітычнага і эканамічнага ціску на СМІ, фізычнага гвалту супраць журналістаў і складаных умоваў працы. Незалежныя журналісты зь Віцебску далучыліся да сусьветнай кампанію ў падтрымку свабоднай журналістыкі.