27.04.2024 Тэгі: акцыі, грамадства, рэпартаж, экалагічныя правы У 38-ю гадавіну аварыі на Чарнобыльскай АЭС беларусы Варшавы выйшлі на традыцыйную акцыю “Чарнобыльскі шлях”, каб ушанаваць памяць ахвяраў аварыі і выказаць пратэст супраць ядзернай палітыкі Лукашэнкі.

Леташняя акцыя прайшла пад лозунгам “Не ядзернай зброі ў Беларусі”. Пасля пачатку поўнамаштабнага ўварвання ва Украіну Расія размясціла ядзерную зброю на тэрыторыі Беларусі.

Ад гадзіны смутку і маўчання — да 35 гадоў шэсцяў. Як пачынаўся "Чарнобыльскі шлях"

"Чарнобыльскі шлях" у Беларусі мае 35-гадовую гісторыю. Упершыню шэсце, якое было прымеркаванае да гадавіны катастрофы на Чарнобыльскай АЭС, адбылося 26 красавіка 1989 году. Спачатку ён ладзіўся як апазіцыйны да камуністычнай улады, якая хавала праўду пра падзеі, і быў ушанаваннем памяці пацярпелых. Калі да ўлады прыйшоў Лукашэнка, акцыя набыла характар пратэсту супраць ягонага кіравання. З тых часоў “Чарнобыльскі шлях” бесперапынна становіцца для ўладаў нагодай для рэпрэсій.

Сёлетні “Чарнобыльскі шлях” пачаўся ад помніка Мікалаю Каперніку. Там, на традыцыйным месцы беларускіх акцый, выступілі з прамовамі палітыкі і грамадскія актывісты, праваабаронцы і дзеячы культуры. Пасля беларусы маршам прайшлі праз гістарычны цэнтр, а каля помніка Марыі Складоўскай-Кюры завяршылі шэсце.

Крыніца: Як прайшоў "Чарнобыльскі шлях" у Варшаве. ШМАТ ФОТА Фота