«Віцебскаблмаёмасць» рапартуе аб высокіх тэмпах продажу дзяржаўных аб'ектаў нерухомасці
Усяго за студзень 2022 году прададзена 11 аб'ектаў на суму больш за 500 тысяч рублёў, з іх на аўкцыёнах з пачатковай цаной у памеры 1 базавай велічыні – 9 абʼектаў. Усяго ж сёлета да продажу на аўкцыёне, арганізаваным камітэтам, запланавана больш за 340 абʼектаў рэспубліканскай і камунальнай уласнасці, якія не выкарыстоўваюцца. З іх больш за 150 будуць выстаўлены ўпершыню.
Улады Віцебскай вобласці вызначылі колькасць і межы ўчасткаў для галасавання на «рэферэндуме»
Раённыя выканаўчыя камітэты Віцебскай вобласці завяршылі вызначэнне межаў выбарчых участкаў. Згодна з дадзенымі, галасаванне будуць весціся на больш за 700 участкаў для галасавання, у тым ліку на двух дзясятках участках, размешчаных у санаторыях, прафілакторыях, дамах адпачынку, арганізацыях аховы здароўя і вайсковых частках. Правам прагаласаваць могуць скарыстацца 840 тыс. грамадзян вобласці.
Практычныя парады для тых, хто жадае пабрацца шлюбам з палітвязнем
Жыццё працягваецца і ў месцах адбывання пакарання. ПЦ “Вясна”, публікуе матэрыял, у якім падае алгарытм дзеянняў для тых, хто хоча пабрацца шлюбам са зняволенымі, якія знаходзяцца ў СІЗА ці адбываюць пакаранне ў калоніі. Разбярэмся, як гэта можна зрабіць у практычным плане і без парушэння дзейнага беларускага заканадаўства.
Улады Віцебскай вобласці праінфармавалі аб тым, хто будзе працаваць у камісіях на «рэферэндуме»
На большасці сайтах райвыканкамаў Віцебскай вобласці ўжо можна знайсці поўную інфармацыю аб складах камісіяў для правядзення так званага рэферэндуму па прыняцці дапаўненняў і зменаў дзейнай Канстытуцыі краіны, а таксама аб тым, хто ўваходзіць у іх кіраўніцтва і на якіх адрасах размешчаныя камісіі, па якіх графіках працуюць.
«Маўчаць мы больш не можам». Віцябляне Кузнечыкі, якія жывуць у амбасадзе Швецыі, далі відэаінтэрв'ю
Увосень 2020 года бацька і сын Віталь і Уладзіслаў Кузнечыкі з Віцебску, ратуючыся ад міліцыі, пераскочылі праз агароджу пасольства Швецыі ў Менску і папрасілі прытулку. На гэты крок іх штурхнула тое, што абодва сталі фігурантамі крымінальнай справы: яна была заведзеная пасля таго, як яны ўдзельнічалі ў шэсці за сумленныя выбары і супраць Лукашэнкі ў сваім родным горадзе.
Гомельскага праваабаронцу Леаніда Судаленку этапавалі ў віцебскую калонію
Палітзняволены праваабаронца Леанід Судаленка 26 студзеня 2022 году быў пераведзены ў папраўчую калонію №3 «Віцьба». 14 студзеня Гомельскі абласны суд адхіліў апеляцыйную скаргу праваабаронцы і пакінуў прысуд у сіле. Судаленку пакаралі трыма гадамі пазбаўлення волі ва ўмовах агульнага рэжыму.
Праваабаронцы прызналі палітвязнем жыхара Віцебску Мікіту Палеонка
16 студзеня 2022 году ў Віцебску быў затрыманы 28-гадовы Мікіта Палеонак. Яго затрымалі ў межах крымінальнай справы аб абразе прэзідэнта (арт. 368 КК) і прадстаўніка улады (арт.369 КК). На час правядзення следчых дзеянняў Паленак узяты пад варту як мінімум на два месяцы і змешчаны ў Віцебскі следчы ізалятар №2.
Затрымалі віцебскага актывіста Міколу Качурца
26 студзеня супрацоўнікі МУС правялі ператрус і затрымалі 62-гадовага віцебскага актывіста Міколу Качурца. Пра гэта паведаміла жонка Міколы. Папярэдне, мужчыну затрымлівалі супрацоўнікі Першамайскага РАУС Віцебску. У выніку ператрусу канфіскавалі ноўтбук. Ранкам 27 студзеня стала вядома, што Качурэц змешчаны ў ізалятар часовага ўтрымання (ІЧУ) на 72 гадзіны.
На Віцебшчыне арганізоўваць «рэферэндум» будзе камісія з тым жа складам, што і на прэзідэнцкіх выбарах
26 студзеня 2022 году адбылося першае паседжанне Віцебскай абласной камісіі па правядзенні «рэферэндуму». Склад абласной камісіі мала чым адрозніваецца ад складу, які арганізоўваў і праводзіў жахлівую па палітычных наступствах для грамадства і дзяржавы выбарную кампанію 2020 году. Вынікі волевыяўлення грамадзян у гэтай кампаніі, на думку многіх экспертаў і палітолагаў, былі сфальсіфікаваныя.
«На пенсіі атрымала правы і села за руль». Гісторыя жыцця палітзняволенай Эмы Сцепулёнак
68-гадовая былая настаўніца беларускай мовы і літаратуры з Мёраў Эма Сцепулёнак, затрыманая за каментар у сатсетках па "справе Зельцэра", утрымліваецца пад вартай ужо чатыры месяцы. Адразу — у жодзінскай турме, а цяпер — у следчым ізалятары №2 у Віцебску. Палітзняволеная мяркуе, што ў лютым над ёй пачнецца суд. Жанчына не мае ў Беларусі ані сваякоў, ані сяброў, але неабыякавыя людзі не пакінулі яе сам-насам з рэпрэсіямі.