“Прапаную спыніць плёткі!” Дырэктар “Эвікому” адказаў прадпрымальнікам
Віцебскія прадпрымальнікі, якія працуюць у гандлёвым цэнтры “Эвіком”, атрымалі сёньня пісьмовы адказ на свой зварот да кіраўніцтва цэнтру, у якім прасілі не пазбаўляць іх працоўных месцаў. Зварот яны напісалі пасьля таго, як даведаліся, што ім давядзецца саступіць свае месцы крамам расейскай сеткі “Плянэта Адзеньне Абутак”, якая мелася прыйсьці на “Эвіком”.
Актывісты грамадзкасьці – за чыстае паветра ў Наваполацку
У Наваполацку 30 студзеня адбылася экалягічная канфэрэнцыя на тэму «Забруджваньне паветра ў горадзе Наваполацку». Ініцыятарам канфэрэнцыі выступілі беларускія праваабаронцы. Імпрэза праходзіла ў канфэрэнц-залі гатэлю «Дружба» на беразе Дзьвіны. Канфэрэнцыя сабрала мясцовых актывістаў розных грамадзкіх і палітычных арганізацыяў, каля 20 чалавек.
Віцебскі аблсавет разгледзіць пытаньне аб стварэньні камісіі па правах чалавека
Праваабаронца Павал Левінаў атрымаў адказ на свой зварот, у якім прапаноўваў заснаваць у Віцебскім абласным Савеце дэпутатаў пастаянную камісію па пытаньнях абароны правоў, свабод і законных інтарэсаў грамадзян. Старшыня аблсавету Ўладзімер Цярэнцьеў паабяцаў, што пытаньне стварэньня такой камісіі будзе разгледжанае ўжо на чарговай сэсіі.
Сталічныя эканамісты сустрэліся з прадстаўнікамі бізнэс-супольнасьці Віцебшчыны
У першы дзень лютага у Віцебску кіраўнік аналітычнага цэнтру «Стратэгія» эканаміст Леанід Заіка і кіраўнік цэнтру Мізэса эканаміст Яраслаў Раманчук сустрэліся з прадстаўнікамі грамадзкага аб'яднаньня «Асацыяцыя наймальнікаў і прадпрымальнікаў», якое і арганізавала сустрэчу пад назвай «Экономіка Віцебшчыны: 2019, пэрспэктывы разьвіцьця?»
Рашэньнем суду пяршоўку СПБ высяляюць з арэндаванага памяшканьня
29 студзеня Эканамічны суд Віцебскай вобласьці скончыў разгляд пазову ААТ «Полацак-Шкловалакно» да Свабоднага прафсаюзу Беларускага і прыняў прадказальнае рашэньне. У сувязі са сканчэньнем тэрміну арэнды суд абавязаў адказчыка (СПБ) вярнуць уласьніку арэндаванае ў яго памяшканьне (г. Полацак, вуліца Ўсьпенская, 3).
Віцебскія каталікі атрымалі адказ на зварот аб вяртаньні пробашча катэдральнага касьцёлу
Вернікі парафіі Езуса Міласэрнага ў Віцебску 6 лютага атрымалі адказ на калектыўны зварот да Ўпаўнаважанага па справах рэлігій і нацыянальнасьцяў Леаніда Гулякі, у якім прасілі перагледзець рашэньне аб забароне служэньня ў Беларусі пробашча Паўла Кнурэка. Адказ адмоўны.
Споведзь віцебскага “дармаеда”-будаўніка: Гэта яны мне павінны плаціць, а ня я ім!..
Віцяблянін Сяргей больш за 15 гадоў працуе ў Маскве аддзелачнікам. Вярнуўшыся па асабістых справах у Віцебск, знайшоў у паштовай скрыні “ліст шчасьця” з так званай камісіі па спрыяньні занятасьці насельніцтва Кастрычніцкага раёну. Гэтая папера справакавала 48-гадовага мужчыну на доўгі і часам нецэнзурны маналёг. Падаем вытрымкі (адцэнзуравана).
Прадпрымальнікі – кіраўніцтву ГЦ «Эвіком»: Просім не зьнішчаць малы бізнэс
У Віцебску прадпрымальнікі зьвярнуліся да кіраўніцтва гандлёвага цэнтру «Эвіком» зь лістом, пад якім падпісалася 190 чалавек. Малы бізнэс просіць сустрэчы і разабрацца ў сытуацыі, каб не дапусьціць зьнішчэньня іх працоўных месцаў.
У Віцебску прайшла творчая вечарына з паэткай Людмілай Сіманёнак
Сустрэча з загадчыцай літаратурнай часткі Беларускага тэатру «Лялька» і сябрам Саюзу беларускіх пісьменьнікаў адбылася ў абласной бібліятэцы ў межах праекту «Чалавек Слова», які рэалізуе бібліятэка на сталай аснове, запрашаючы да сябе ў госьці розных творчых асобаў.
Дубровенская актывістка падала ў суд на сьледчых
Сябра АГП Натальля Стрэльчанка з Дуброўна паведамляла ў структуры Сьледчага камітэту пра тое, што яна была неабгрунтавана затрыманая, абшуканая і арыштаваная. Утрыманьне пад вартай бязь ежы цягам звыш трох гадзін Натальля расцаніла як абыходжаньне, якое зьневажае людзкую годнасьць. Паколькі СК не адрэагаваў належным чынам на яе зварот, грамадзянская актывістка зьвярнулася ў суд са скаргай на сьледчых.