Жыхара Браслава аштрафавалі на 270 рублёў за паклёп на міліцыянта
Суд Браслаўскага раёна аштрафаваў жыхара Браслава на 270 рублёў, прызнаўшы яго вінаватым у паклёпе на супрацоўніка РАУС. Справу на браслаўчаніна завялі пасьля таго, як ён паскардзіўся на супрацоўніка міліцыі ў тэрытарыяльнае ўпраўленьне ўласнай бясьпекі МУС, паведамляе афіцыйны сайт УУС Віцебскага аблвыканкаму.
Справай таксісткі зь Віцебску займаецца СК. Дзяўчына – у псыхіятрычнай лякарні
«Мэдыкі падрабязнасьцяў не паведамляюць, міліцыя маўчыць, ня ведаю, ці будзе разьбірацца пракуратура», – кажа маці таксісткі зь Віцебску, якую пасьля непадпарадкаваньня ДАІ зьмясьцілі ў псыхлякарню. AUTO.TUT.BY даведаўся, што праверкай справы з затрыманьнем дзяўчыны і нанясеньнем траўмаў інспэктару ДАІ займаецца зараз Сьледчы камітэт.
Віцебскі суд прызнаў экстрэмісцкімі 10 паблікаў «ВКонтакте»
Міністэрства інфармацыі Рэспублікі Беларусь аднавіла сьпіс экстрэмісцкіх матэрыялаў, дадаўшы туды 10 інтэрнэт-супольнасьцяў расейскай сацыяльнай сеткі «ВКонтакте», 12 фотаздымкаў, 3 відэароліка, 1 аўдыё і 1 верш. Экстрэмісцкімі гэтую інфармацыю прызнаў суд Кастрычніцкага раёну Віцебску.
Смолікаў патрабуе ад Інстытуту гісторыі НАН ініцыяваць прызнаньне народных мэмарыялаў
Сябры грамадзянскай ініцыятывы «Хайсы – віцебскія Курапаты» працягваюць змагацца за стварэньне і прызнаньне ўжо існых мэмарыялаў на месцах пахаваньняў ахвяраў палітычных рэпрэсій. Гэтак, 20 красавіка сябра ініцыятывы Канстанцін Смолікаў даслаў скаргу на імя дырэктара Інстытуту гісторыі НАН Вячаслава Даніловіча і загадчыка аддзелу найноўшай гісторыі Беларусі Сяргея Трацяка. Нядаўна атрымаў адказ.
«Каб аб’яднацца». У Віцебску пачалі масава «карміць галубоў»
У нядзелю 3 траўня на плошчы Перамогі сабралася каля 50 чалавек, каб узяць удзел у «кармленьні галубоў». Асноўная ідэя – выйсьці разам у цэнтар гораду і фармальна не патрапіць пад Закон аб масавых мерапрыемствах. Падобныя акцыі ўжо ня першы год ладзяць у Берасьці. Падчас пандэміі гэткую форму сходаў пачалі выкарыстоўваць і ў іншых гарадах Беларусі.
Беларусы патрабуюць аднавіць на працы галоўнага ўрача БХМД Віцебску Сяргея Лазара
Беларусы зьбіраюць подпісы пад пэтыцыяй з патрабаваньнем аднавіць на працоўным месцы звольненага 30 красавіка галоўнага ўрача Віцебскай больніцы хуткай мэдычнай дапамогі (БХМД) Сяргея Лазара, а таксама – спыніць уціск і запалохваньне мэдыкаў, якія расказваюць журналістам пра сваю працу падчас пандэміі каронавірусу.
«Паклонімся лекарам!» Праваабаронца просіць улады распаўсюдзіць ролік падзякі
Віцебскі праваабаронца Павал Левінаў зьвярнуўся да кіраўніка Віцебскага гарвыканкаму Вадзіма Заранкіна і старшыні гарсавету Уладзімера Бялевіча аб шырокім распаўсюдзе ў мясцовых СМІ відэароліка падзякі «Паклонімся лекарам», створанага валянтэрамі руху «ByCovid19-Витебск».
Актывісты ўшанавалі памяць аб ахвярах сталінізму, расстраляных у лесе пад Хайсамі
30 красавіка сябры грамадзянскай ініцыятывы «Хайсы – віцебскія Курапаты» наведалі народны мэмарыял, каб памянуць расстраляных там у 30-я гады беларускіх грамадзянаў. Праз эпідэмію каронавірусу візыт быў не шматлюдным.
На ліцэіста зь Віцебску завялі крымінальную справу – езьдзіў «зайцам» па фальшывай даведцы
Навучэнец аднаго зь ліцэяў Віцебску езьдзіў на грамадзкім транспарце бясплатна па фальшывай даведцы са школы. У лютым 2020 году хлопец трапіў на пільную кандуктарку, якая заўважыла, што адрас школы на паперцы не супадаў з рэальным. У дачыненьні ліцэіста распачатая крымінальная справа паводле ч.1 арт. 380 КК РБ, паведамілі ў Сьледчым камітэце.
Праваабаронца запытаўся ў дэпутатаў пра захады супраць COVID-19 – яму адказаў выканкам
Прадстаўнік Беларускага Хэльсынскага камітэту ў Віцебску і Віцебскай вобласьці праваабаронца Павал Левінаў папрасіў абласны Савет дэпутатаў паінфармаваць яго, якія захады робіць гэты прадстаўнічы орган, каб захаваць жыцьці і здароўе мэдыкаў і простых грамадзян падчас пандэміі COVID-19. Ліст у адказ даслала выканаўчая ўлада.