Хуліган – прыхільнік «Рускага міру» правакаваў Барыса Хамайду на бойку
Як заўжды, Барыс Хамайда стаяў пад сваім бел-чырвона-белым парасонам каля так званага «сіняга дому» – дому № 28 па вуліцы Леніна ў Віцебску. Але ўвагу невядомага хулігана прыцягнуў не парасон і нават ня бел-чырвона-белая стужка, прышпіленая побач з газэтамі і часопісамі. Паводле спадара Хамайды, хлопец гадоў пад 25 дужа агрэсіўна паставіўся да вышыванкі, якая аздабляе «працоўнае месца» распаўсюдніка.
Леаніда Аўтухова асудзілі без адваката, не задаволіўшы ніводнага хадайніцтва
Падставай для адміністрацыйнай справы, якую разглядаў Гарадоцкі райсуд, стаў запіс у кнізе скаргаў, зроблены сябрам партыі БНФ Леанідам Аўтуховым. Ён параўнаў начальніка раённай управы па працы, занятасьці і сацыяльным забесьпячэньні Пятра Прасолава з «тэрарыстам у Луганску і Данецку». Суд прызначыў пакараньне – 30 базавых штрафу.
Сьледчы камітэт цікавіцца інтымным ліставаньнем доктара Пастнова
8 красавіка доктар Ігар Пастноў быў выкліканы для гутаркі ў Віцебскі гарадзкі аддзел Сьледчага камітэту. Позву сьледчая ўручыла асабіста, прыйшоўшы проста на працу.
Кніга Анатоля Трахімчыка «1939 год і Беларусь…» была прэзэнтаваная аўтарам у Віцебску
4 красавіка ў памяшканьні арт-базы “Vitebsk4Me” адбылася сустрэча з кандыдатам гістарычных навук Анатолем Трахімчыкам, аўтарам кнігі «1939 год і Беларусь: забытая вайна», якая выйшла з друку летась, якраз у сумны 75-гадовы юбілей пачатку Другой сусьветнай вайны.
Праваабаронцы занепакоеныя суворым прысудам Сяргею Рыжову
Маніторынг судовага працэсу паводле абвінавачаньня Сяргея Рыжова ў зьдзяйсьненьні злачынства, адказнасьць за якое вызначаная часткай першай артыкулу 167 i часткай першай артыкулу 339 Крымінальнага Кодэксу Рэспублікі Беларусь (25 сакавіка – 3 красавіка 2015 году, г. Віцебск)
У Верхнядзьвінску прайшла сустрэча, прысьвечаная абароне працоўных правоў
Сустрэча грамадзян, што адбылася 4 красавіка, на якой абмяркоўваліся апошнія зьмены ў працоўным заканадаўстве, была арганізаваная Беларускай сацыял-дэмакратычнай партыяй (Грамада) – БСДП(Г). Экспэрты ў галіне працоўнага права, прафсаюзнага руху і псыхалёгіі азнаёмілі прысутных са спэцыфікай сёньняшніх працоўных адносін у Беларусі.
Віцебскі праваабаронца дамогся выпраўленьня парушэньняў заканадаўства з боку супрацоўнікаў судоў
Пасьля зваротаў у Вярхоўны Суд праваабаронцу Паўлу Левінаву ўдалося дамагчыся выпраўленьня хібаў у працы судоў Чыгуначнага раёну Віцебску і Лепельскага раёну Віцебскай вобласці, якія ўзьніклі празь недастатковы кантроль з боку кіраўніцтва судоў за дзейнасьцю сваіх падначаленых і неналежнае захоўваньне маёмасьці.
Жыхары Наваполацку прывялі дзяцей у неіснуючы садок
У Наваполацку «адкрылі» дзіцячы сад, які ў рэальнасьці не функцыянуе. На думку карыстальнікаў сацыяльных сетак, бацькоў маленькіх дзетак, якія літаральна засыпалі сваімі паведамленьнямі журналістаў, дзіцячы сад адкрыты не для наваполацкіх дзяцей, а асабіста для Натальлі Іванаўны Качанавай.
Віцебскі домабудаўнічы камбінат звальняе 200 чалавек?
Чытач charter97.org паведамляе пра будучыя праблемах на прадпрыемстве: «Падпісаны загад аб пераводзе работнікаў на чатырохдзёнку. Гэтаксама плянуецца скараціць усіх пэнсіянэраў і блізу двухсот чалавек дзейнага зьвяна, як мяркуецца, з заводу буйнапанэльнага домабудаваньня, які зусім нядаўна быў “мадэрнізаваны”», – піша ён.
На сходзе ў Воршы дзясяткі жыхароў патрабавалі рамонту двара
Жыхары дому № 7 па вуліцы Міру ў Воршы масава прыйшлі на сход, каб вырашыць праблему добраўпарадкаваньня двара.