Перад футбольным матчам 1-й лігі «Ворша» – «Рэчыца-2014», які адбыўся 10 траўня, як актыўныя фанаты, так і звычайныя заўзятары на ўваходзе падвяргаліся асабістаму і дэталёваму дагляду з боку супрацоўнікаў АМАПу. Чым былі выкліканыя такія меры – сказаць складана: за апошнія гады на гарадзкім стадыёне Воршы не фіксавалася ніякіх сур'ёзных парушэньняў.
Безумоўна, гэта выклікала пэўную хвалю абурэньня ў людзей, якія ў свой выходны прыйшлі падтрымаць улюбёную каманду.
Гэта ўжо ня першы падобны выпадак у горадзе. За два тыдні да таго на стадыён у Воршы не змаглі трапіць ня толькі частка фанатаў «Воршы» і сяброўскіх да іх «Горак», але і прыхільнікі сьветлагорскага «Хіміка».
Паводле orsha.eu
