У Віцебску, як і ў іншых буйных гарадох краіны, 19 лютага адбыўся стыхійны сход месьцічаў, ня згодных з патрабаваньнямі т.зв. «Дэкрэту аб дармаедах». У горадзе на Дзьвіне не было тысячаў удзельнікаў, як, прыкладам, у гэты дзень у Гомелі ці раней у сталіцы. Але больш як 200 чалавек, не задаволеных сытуацыяй у краіне, што сабраліся разам на плошчы Перамогі, – такога тут не бывала ад часоў «маўклівых акцыяў» 2011 году.

Жаночая суполка Беларускай сацыял-дэмакратычнай партыі - Грамада (БСДП) абмеркавала, якія захады яны могуць рабіць супольна дзеля вырашэньня агульных праблем жанчын: беспрацоўе, нізкія заробкі і г.д. У сустрэчы ў Наваполацку ўдзельнічалі сябры партыі зь Віцебскай вобласьці і запрошаныя прадстаўнікі грамадзкіх арганізацыяў Полацкага рэгіёну.

У студзені некаторыя карыстальнікі сацыяльных сетак сталі зьвяртаць увагу на вельмі рэзкія выказваньні дацэнта Полацкага дзяржаўнага ўнівэрсытэту Алега Дадонава. Не выбіраючы выразаў, Даданоў кляйміў украінскіх «бандэраўцаў і нацыстаў».

Цяпер ён разьмяшчаецца ў абласным цэнтры па адрасе вул. Кірава, д. 7/13. Цяперашнія камфортныя габінэты з сучаснай аргтэхнікай і новай мэбляй не параўнаць з ранейшымі зацеснымі ўмовамі ў былым памяшканьні раённага суду. Улазіны сабралі шмат гасьцей: прадстаўнікоў органаў улады, вышэйстаячых арганізацыяў, праваахоўнага ведамства, калегаў.