За наркотыкі ў 2019 годзе былі асуджаныя 52 падлеткі, не пакаралі толькі аднаго
За незаконнае абарачэньне наркотыкаў (арт. 328 КК) у 2019 годзе ў Беларусі асудзілі 52-х непаўнагадовых асобаў. Паводле выраку судоў 31 падлетак трапіў у месцы пазбаўленьня волі, паведамляе прэс-служба Вярхоўнага суду Рэспублікі Беларусь.
На журналіста Зьмітра Лупача склалі яшчэ адзін пратакол за парушэньне заканадаўства аб СМІ
На журналіста-фрылянсэра з Глыбокага Зьмітра Лупача міліцыянты склалі чарговы пратакол. Гэтым разам адміністрацыйны перасьлед распачаў Шаркоўшчынскі РАУС, паведамляе служба маніторынгу «Беларускай асацыяцыі журналістаў».
Палітвязень Жамчужны: Я ў поўнай ізаляцыі. Са мной і павітацца ніхто ня можа...
Пасьля чарговага пакараньня штрафным ізалятарам (ШІЗА) палітвязень Міхаіл Жамчужны выйшаў на сувязь з віцебскімі праваабаронцамі. У кароткім лісьце да калегаў ён паведаміў, што праблемы зь ліставаньнем працягваюцца. Пра гэта «Віцебскай Вясьне» расказаў праваабаронца Леанід Сьвецік.
Скончыўся другі працэс па «Калгаснай дыктатуры баста!»: Круткіну і Сьпірыдонавай – штрафы
Раніцай 13 лютага ў судзе Першамайскага раёну Віцебску працягнуўся разгляд справы, распачатай у дачыненьні да полацкага блогера Алеся Круткіна і віцебскай актывісткі Натальлі Спірыдонава за разьмяшчэньне ўлёткі «Калгаснай дыктатуры Баста!» на будынку віцебскага ДБК. Судзьдзя Алена Протас аштрафавала кожнага з актывістаў на 50 базавых велічынь.
Блогер Алесь Круткін асуджаны на чарговыя 15 сутак – ён абвясьціў галадоўку
У судзе Кастрычніцкага раёну Віцебску 12 лютага разгледзелі справу полацкага блогера Алеся Круткіна і віцебскай актывісткі Натальлі Сьпірыдонавай. Іх судзілі за расклейку ўлётак «Калгаснай дыктатуры баста!», але іхныя дзеяньні кваліфікавалі як несанкцыянаванае пікетаваньне (арт. 23.34 КаАП). Круткін асуджаны на 15 сутак, Сьпірыдонава – аштрафаваная на 30 базавых велічынь.
Віцебскі аблсавет паабяцаў падтрымаць праваабарончае таварыства, але – не грашыма
Праваабаронца і сябра простага таварыства «Правы для ўсіх» Павал Левінаў зьвярнуўся ў Віцебскі абласны Савет дэпутатаў па фінансавую дапамогу і падтрымку ў справе абароны правоў чалавека ў рэгіёне. Старшыня аблсавету Уладзімер Цярэнцьеў у грашовай дапамозе адмовіў, але паабяцаў «разглядаць канструктыўныя прапановы».
Пракуратура прыраўняла расклейку ўлётак да масавых мерапрыемстваў
У судзе Першамайскага раёну Віцебску 11 лютага быў разгледжаны пратэст пракурора на пастанову начальніка РАУС, які аштрафаваў актывістку Натальлю Сьпірыдонаву на 10 базавых велічынь за расклейку ўлётак «Калгаснай дыктатуры Баста!» паводле ч.2 арт. 21.14 КаАП (Парушэньне правілаў добраўпарадкаваньня і ўтрыманьня населеных пунктаў).
Выставілі патрабаваньне: спыніць будаўніцтва кадэцкай вучэльні каля полацкай Сафіі
На інтэрнэт-пляцоўцы «Зручны горад» зьявілася пэтыцыя з патрабаваньнем спыніць усе будаўнічыя працы на полацкім Верхнім замку, дзе ў сьнежні 2019 году пачалі руйнаваць былы шпітальны гарадок, каб на ягоным месцы узьвесьці карпусы кадэцкай вучэльні. Аўтары пэтыцыі лічаць, што гэтыя працы зьнішчаюць культурныя напластаваньні і нясуць пагрозу самому Сафійскаму сабору.
Ігар Барысаў заклікаў у Віцебску браць удзел у праймэрыз для выбараў «адзінага»
У суботу 8 лютага ў Віцебску адбылася прэзэнтацыя другога нумару часопіса «Пазыцыя», які выдае Беларуская сацыял-дэмакратычная партыя «Грамада». Часопіс прэзэнтаваў ягоны рэдактар і кіраўнік партыі Ігар Барысаў. Падчас сустрэчы ён заклікаў прысутных браць актыўны ўдзел у праймэрыз для выбараў адзінага кандыдата ад апазыцыі на прэзыдэнцкіх выбарах.
Прызначаны новы старшыня Віцебскага абласнога суду. Хамічонак сышоў у адстаўку
Лукашэнка 6 лютага падпісаў Указ №41 «Аб прызначэньні і звальненьні судзьдзяў». Згодна з указам, старшынём Віцебскага абласнога суду прызначаны Аляксандр Федзюкевіч, які да гэтага займаў пасаду намесьніка старшыні аблсуду і старшыняваў у судовай калегіі па грамадзянскіх справах.