Лекарку Марыну Бурбліс аштрафавалі ў Віцебску за герб Літвы на машыне
12 лістапада суд Кастрычніцкага раёну Віцебску разгледзеў адміністрацыйную справу паводле арт. 24.23 КаАП, заведзеную на лекарку-пульманолага Марыну Бурбліс. Яе прызналі вінаватай у парушэнні заканадаўства аб масавых мерапрыемствах і аштрафавалі на 1450 рублёў за налепку герба Літвы на багажніку аўто. На судзе стала вядома, што крышка багажніку была «няродная», яе мянялі ў Літоўскай Рэспубліцы. На ёй засталася налепка з гербом гэтай краіны. Адвакат прасіў не пазбаўляць медыка свабоды, бо яна працуе ў чырвонай зоне...
Наваполацкія ўлады ліквідавалі апошнюю моладзевую ўстанову ў Віцебскай вобласці
27 жніўня рашэннем №819 Наваполацкі гарвыканкам прыступіў да ліквідацыі культурна-асветніцкай установы «Калюмна». Гэта апошняя ўстанова ў полацкім рэгіёне, якая дапамагала маладым людзям прымяняць свае веды і набываць валанцёрскі досвед у сферы культуры і асветы.
Прафсаюзнага лідара «Нафтану» Аляксандра Балонкіна звольнілі: суткі за кратамі палічылі за прагул
Намеснік першаснай арганізацыі Беларускага незалежнага прафсаюзу (БНП) работнікаў ААТ «Нафтан» Аляксандр Балонкін быў звольнены з прадпрыемства 4 лістапада. Як паведамляе тэлеграм-канал «Беларускі Незалежны Прафсаюз Наваполацк», на заводзе ён адпрацаваў больш за 19 гадоў, да заканчэння кантракту заставалася менш за тры месяцы. Загад аб звальненні падпісаў генеральны дырэктар прадпрыемства Андрэй Сойка. У Балонкіна – трое няпоўнагадовых дзяцей.
Праваабаронца Левінаў: парушэнне працоўнага заканадаўства можа прывесці да аварыі ў інфекцыйным шпіталі
Праваабаронца Павел Левінаў падчас правядзення маніторынгу захавання правоў чалавека ўстанавіў, што ў Віцебскай абласной клінічнай інфекцыйнай больніцы груба парушаюцца працоўныя правы тэхнічнага персаналу ўстановы. Паспрабаваў дамагчыся справядлівасці, але натыкнуўся на бюракратызм і фармалізм з боку гарадской пракуратуры і абласнога ўпраўлення інспекцыі працы.
Віцебскі абласны суд не задаволіў скаргу полацкай мастачкі Нэлі Алфёравай
10 лістапада Віцебскі абласны суд разгледзеў скаргу полацкай актывісткі і мастачкі Нэлі Алфёравай на пастанову суду Полацкага раёну і гораду Полацку, які прыцягнуў яе да адміністрацыйнай адказнасці паводле ч.1 арт. 19.10 КаАП («Распаўсюд нацысцкай сімволікі») і ч.2 арт. 19.11 КаАП («Распаўсюд экстрэмісцкіх матэрыялаў») ды аштрафаваў на 1160 рублёў. Суддзя Ірына Смалякова, якая разглядала скаргу, пакінула пастанову без зменаў, а скаргу – без задавальнення.
Навапалачаніна могуць пасадзіць на 15 гадоў за прабітыя колы ўдзельнікаў праўладнага аўтапрабегу
Віцебская транспартная пракуратура накіравала ў суд Полацкага раёну крымінальную справу ў дачыненні 38-гадовага жыхара Наваполацку Руслана Слуцкага. Яму ставяць у віну прывядзенне ў непрыдатнасць чыгуначных шляхоў (ч.1 арт. 309 КК РБ) і акт тэрарызму (ч.1 ст. 289 КК РБ). Па выстаўленых абвінавачаннях суд можа прызначыць Слуцкаму максімальнае пакаранне - 15 гадоў пазбаўлення волі.
Улады Расеі не ўпусцілі на сваю тэрыторыю віцебскую актывістку Станіславу Цярэнцьеву
Актывістка Станіслава Цярэнцьева, якая апошнія некалькі месяцаў жыве ў Грузіі, не змагла трапіць у Расейскую Федэрацыю. Улады гэтай краіны не прапусцілі віцяблянку праз дзяржаўную мяжу, заявіўшы, што Станіслава ўяўляе пагрозу для бяспекі дзяржавы. Аб гэтым інцыдэнце дзяўчына паведаміла ў сваім акаўнце на facebook.
У Віцебску ад каронавірусу памерла актывістка Юлія Барсукова. Ёй было 38 гадоў
8 лістапада пайшла з жыцця 38-гадовая актывістка руху «Краіна для жыцця» Юлія Барсукова. 25 кастрычніка яна патрапіла ў лякарню з каронавіруснай інфекцый, апошнія дні знаходзілася на штучнай вентыляцыі лёгкіх. Без маці засталіся двое яе няпоўнагадовых дзяцей.
Лекар Уладзімір Мартаў пра перабоі ў падачы кіслароду: Кожны раз - гэта трагедыя
Уладзімір Мартаў - чалавек, які адным з першых заявіў аб праблемах з кіслародам не хаваючы ні твару, ні імя, ні маштабу праблемы. Ён лічыць, што асноўныя праблемы ў медыцыне не развязваюцца. У сваім блогу на livejournal.com ён піша пра сітуацыю з COVID-19 у Беларусі.
Заходнія санкцыі негатыўна паўплывалі на ўмовы працы зняволеных у беларускай пенітэнцыярнай сістэме
Гісторыя з пасёлка Віцьба, дзе зняволеныя мясцовай папраўчай калоніі №3 сутыкнуліся з нетрывіяльнымі праблемамі з-за вялікай палітыкі. І падобная сітуацыя зараз назіраецца бадай у кожнай установе беларускай пенітэнцыярнай сістэмы, піша «Магілёўская вясна».