З 1 студзеня 2024 года набудуць моц абноўлены ПК. Аналіз зместу 80 абноўленых артыкулаў дазваляе зрабіць выснову аб тым, што яны аб'ектыўна пагоршаць становішча найманых работнікаў і адкрыюць новыя магчымасці для працадаўцаў, каб і далей ушчамляць працоўныя правы падпарадкаваных.

Cуддзя суда Полацкага раёна і Полацка Яніна Марцулевіч 19 ліпеня адмовілася аднавіць на працы Юрыя Шчарбакова звольненага з ААТ «Полацак-Шкловалакно» пасля адбывання 30 сутак адміністратыўнага арышту. 

Замацоўваецца права на набыццё на працягу 5 гадоў зямельных участкаў, якія знаходзяцца ў землекарыстальнікаў на 1 верасня 2022 года, у прыватную ўласнасць або арэнду тэрмінам на 99 гадоў з унясеннем платы на льготных умовах (з прымяненнем каэфіцыента 0,8 на тэрыторыі Мінска і абласных цэнтраў, 0,5 — на іншых тэрыторыях). Дакументам прадугледжваецца магчымасць выдзялення грамадзянам зямельных участкаў для будаўніцтва жылых дамоў у сельскіх населеных пунктах памерам да 1 га.

Гэта было яшчэ 31 мая, паведамляе «Рабочы рух». Рабочы «Нафтана» Аляксандр Л. атрымаў апёкі галавы і верхняй часткі цела на працоўным месцы. Калі ён спрабаваў зняць заглушку з лініі вадародаўтрымліваючага газу, адбыўся выкід вадароду, які самазагарэўся. Работніка даставілі ў рэанімацыйны аддзел Віцебскай абласной бальніцы. 

Праваабаронца Павел Левінаў падчас правядзення маніторынгу захавання правоў чалавека ўстанавіў, што ў Віцебскай абласной клінічнай інфекцыйнай больніцы груба парушаюцца працоўныя правы тэхнічнага персаналу ўстановы. Паспрабаваў дамагчыся справядлівасці, але натыкнуўся на бюракратызм і фармалізм з боку гарадской пракуратуры і абласнога ўпраўлення інспекцыі працы.