Жонку полацкага актывіста СПБ затрымалі і асудзілі на 15 сутак
Святлану Стукаву, жонку актывіста Свабоднага Прафсаюзу Беларускага Віктара Стукава, затрымалі заўчора проста на працы. У райаддзеле міліцыі на яе склалі два адміністрацыйныя пратаколы – за нібыта несанкцыянаванае пікетаванне паводле арт 24.23 і за распаўсюд экстрэмісцкіх матэрыялаў паводле ч.2 арт. 19.11. Праўда, вінаватасць жанчыны ў пікетаванні міліцыянты не спадзяваліся давесці, і таму ў суд трапіў толькі адзін пратакол. На думку Віктара Стукава, абвінавачанне жонкі ў распаўсюдзе экстрэмісцкіх матэрыялаў беспадстаўнае, і міліцэйскі пераслед ён лічыць помстай за актыўнасць у недзяржаўным прафсаюзе і за выразную грамадзянскую пазіцыю.
Пракурор папярэдзіў кантынгент ЛПП аб недапушчальнасці ўжывання наркотыкаў і алкаголю
Начальнік аддзела пракуратуры Віцебскай вобласці па наглядзе за выкананнем заканадаўства органамі крымінальна-выканаўчай сістэмы і прымусовага выканання Васіль Пашкоўскі прыняў удзел у прафілактычным мерапрыемстве ў лячэбна-працоўным прафілакторыі № 4 у Віцебску. На сустрэчы прысутнічалі крыху больш за сто часова былых алкаголікаў і наркаманаў.
Галоўны ідэолаг Віцебшчыны: як мага больш людзей уцягнуць у нашыя шэрагі
Пытанні развіцця партыйнага праўладнага руху і работу грамадскіх арганізацый абмеркавалі ў Віцебску на пасяджэнні так званай Каардынацыйнай рады грамадскіх аб'яднанняў і палітычных партый вобласці.
Беларусы Варшавы зладзяць акцыю ў падтрымку палітвязняў Статкевіча і Севярынца
Яна рыхтуецца у Варшаве, пад час якой удзельнікі выкажуць падтрымку палітзняволеным палітыкам Мікалаю Статкевічу і Паўлу Севярынцу.
«Віцебскае папаўненне» спісу экстрэмісцкіх матэрыялаў
На працягу лютага ў спіс экстрэмісцкіх матэрыялаў былі дададзены больш як дзясятак розных інфармацыйных рэсурсаў, якія маюць дачыненне да Віцебшчыны – яны або створаны ў Віцебскай вобласці, або мясцовыя суды вынеслі пастановы папаўненне спісу.
Кіраўнік адміністрацыі Лукашэнкі параўнаў беларусаў, што з’ехалі за мяжу, з «паліцаямі» і «здраднікамі»
Ураджэнец Шаркаўшчынскага раёну Ігар Сергяенка прыязджаў днямі на малую радзіму, дзе выступаў перад так званым раённым актывам – чыноўнікамі і прадстаўнікамі праўладных грамадскіх структур. Кіраўнік адміністрацыі Аляксандра Лукашэнкі – а гэтую пасаду спадар Сергяенка займае са снежня 2019г., прыйшоўшы туды з органаў КДБ – распавядаў землякам пра варожае атачэнне Беларусі і пра ўнутраных ворагаў, якія «могуць зрабіць чарговыя спробы дэстабілізаваць сітуацыю ў краіне падчас выбараў у 2024 годзе».
На 51 дзень спыніў галадоўку асуджаны актывіст «Рабочага руху» Аляксандр Капшуль
Жыхар Новалолацка Капшуль спыніў галадоўку 20 лютага. Стан яго здароўя здавальняючы, але мужчына дужа схуднеў. Галадоўкай, якую абвясціў 31 снежня, Аляксандр Капшуль дамагаўся ад адміністрацыі следчага ізалятара Гомеля выканання ўсіх нормаў і правілаў утрымання зняволеных.
На тэрыторыі Полацкага памежнага атрада зафіксавана 8 смяротных выпадкаў сярод мігрантаў
Целы двух замежнікаў 24 лютага беларускія памежнікі знайшлі ў канаве пад вадой у Браслаўскім раёне. Адзін з іх пры сабе меў дакументы грамадзяніна Шры-Ланкі. Па дадзеных памежнікаў, з пачатку 2023 года ў памежных раёнах па розных прычынах загінулі восем мігрантаў.
Палітвязня Алега Рубца 60 сутак утрымлівалі ў ШІЗА
Па рашэнні наваполацкай суддзі Вольгі Баліка палітзняволенага пінчука Алега Рубца ў чэрвені 2022 года перавялі на тры гады з калоніі ў следчую турму № 8 г. Жодзіна. У калоніі яго рэгулярга змяшчалі ў ШІЗА, а таксама ўтрымлівалі ў ПКТ.
Уменне абыходзіцца са зброяй як складнік патрыятызму. Чаму навучаюць у «Сокале» і «Рубяжы»?
Наваполацкі «Сокал» і полацкі «Рубеж» – гэта так званыя вайскова-патрыятычныя клубы для падлеткаў, створаныя нібыта дзеля падвышэння якасці патрыятычнага выхавання. Віталь Варанковіч, старшы афіцэр па баявой падрыхтоўцы і ідэалагічнай рабоце вайсковай часткі 5530, а па сумяшчальніцтву куратар «Сакала» і «Рубяжа», лічыць, што «працэс далучэння маладога пакалення да патрыятычных каштоўнасцяў ужо апушчаны. Падлеткі навучаюцца найпрасцейшым прыёмам самаабароны і абыходжанню са зброяй». Ён абяцае ўвесну арганізаваць паход для сваіх выхаванцаў, якія «паўдня сядзяць у школе за партамі, а потым яшчэ паўдня сядзяць у тэлефонах». Аднак прычым тут патрыятызм?