Кватэру наваполацкага актывіста Яўгена Вільскага ніхто не купіў. Абвешчаны наступны аукцыён
Першы раз “трохпакаёўку” вымушанага палітэмігранта спрабавалі прадаць з аўкцыёну 13 лістапада за 141 710 рублёў. Цяпер кошт знізілі: на аўкцыёне 15 снежня яе кошт складае ўжо 113 368 рублёў. Прычым кватэра прадаецца разам з усёй мэбляй і тэхнікай, што там знаходзіцца. Дырэчы, у адзіным жытле Яўгена Вільскага прапісаны 3 чалавекі.
Віцебская газета напісала пра юбілей расстралянага ў 1937-м мастака
Невялікі артыкул прысвечаны 135-годдзю з дня народзінаў беларускага мастака і выкладчыка Івана Гаўрыса, абвінавачанага ў контррэвалюцыйнай і тэрарыстычнай дзейнасці і расстралянага пад Віцебскам. Дакладнае месца, дзе гэта адбылося, дагэтуль не вядомае. На гэтым журналісты дзяржаўнага выдання акцэнтаваць увагу не сталі.
Віцебская пракуратура пахвалілася змаганнем з экстрэмізмам
Маўляў, ажно тры “информационных канала, имеющие явную экстремистскую направленность” на працягу лістапада былі прызнаны “экстрэмісцкімі”. Але чамусьці гэтыя інтэрнэт-рэсурсы засталіся не названымі. Што нават насцярожвае: ведамства, якое мусіць сачыць за выкананнем заканадаўства, хавае ад грамадзянаў інфармацыю, своечасовае веданне якой можа застрахаваць ад адміністрацыйнага пакарання.
Для стварэння станоўчага іміджу сфатаграфавалі... закінутую школу
Дзяржаўная прапаганда імкнецца пераканаць беларусаў у тым, што яны жывуць заможна і шчасліва. Вось і "Аршанская газета" размясціла фотарэпартаж з аграгарадка Заполле, імкнучыся паказаць "росквіт" мясцовага жыцця. Атрымалася з дакладнасцю наадварот.
Віцебскі праваабаронца Павел Левінаў абраны фіналістам Прэміі праваабарончай супольнасці Беларусі-2025
Ен стаў адным з прэтэндэнтаў на гэтую прэмію ў намінацыі “Праваабаронца года-2025”. Інтрыга, каму гэтая прэмія ўсё ж такі дастанецца, будзе раскрыта 10 снежня ў Дзень абароны правоў чалавека.
Самая "ідэалагічна правільная" навагодняя ялінка - сёлета ў Віцебску
На ялінцы вышынёй 34 м замацаваны светладыёдныя "стужкі" ў гаме сучаснага дзяржаўнага сцяга. Час ад часу праглядаюцца і каляровыя плямы ў стылі "арнаменту". Гэтая ялінка стаіць на пошчы Перамогі і ўжо некалькі гадоў з'яўляецца " галоўнай ёлкай" абласнога цэнтру. Пакуль яе ўключалі ў тэставым рэжыме, афіцыйнае "запаленне" адбудзецца 15 снежня.
«Память в шагах» або “Старая песня на новы лад”
У Аршанскім раёне рэалізуецца праект «Память в шагах», які вельмі нагадвае вядомыя яшчэ з савецкіх часоў “паходы па месцах баявой славы”. Таму распавядаць пра арыгінальнасць падыходу не выпадае: школьнікаў водзяць і возяць па вызначаных маршрутах, дзе яны ўскладаюць кветкі да помнікаў.
За «садзейнічанне экстрэмісцкай дзейнасці» асудзілі настаўніцу музыкі і канцэртмайстарку Таццяну Лук'янаву з Віцебска
Жанчыну асудзіў Віцебскі абласны суд. Звесткі пра яе з'явіліся ў пераліку асобаў, "датычных да эсктрэмісцкай дзейнасці" 21 лістапада. Праўда, на сайце МУС пазначана, што Таццяна - жыхарка Мінску.
За данаты асудзілі вядомую фларыстку з Наваполацка. У 2018 г. яе сына згадвалі ў складзе ЧВК Вагнера
61-гадовая Наталля Гірс – прыватная прадпрымальніца, заснавальніца вядомай майстэрні фларыстыкі "Флорай", неаднаразовая пераможца прафесійных конкурсаў і гераіня некалькіх артыкулаў у дзяржаўнай прэсе. 28 лістапада яе імя з’явілася ў пераліку асобаў, “датычных да экстрэмісцкай дзейнасці” на сайце МУС.
У пераліку асобаў, “датычных да экстрэмісцкай дзейнасці” – яшчэ адзін віцяблянін
Гэта 36-гадовы Дзмітрый Касенка, асуджаны Віцебскім абласным сдом па ч.2 арт.361-3 Крымінальнага Кодэкса РБ ( Удзел на тэрыторыі замежнай дзяржавы ва ўзброеным фармаванні або ва ўзброеным канфлікце, вайнных дзеяннях, вярбоўка або падрыхтоўка іншых асобаў да такога ўдзелу).