"Калі бацькі належным чынам не выконваюць свае абавязкі, выхаваннем іх дзяцей зоймецца дзяржава"
Пракурор Браслаўскага раёна Юрый Кезік выказаў такія пагрозы на адрас бацькоў, якія, на яго думку, належным чынам не выхоўваюць сваіх дзяцей.
За "экстрэмізм" у інтэрнэце ўлады арыштавалі жыхара Наваполацка
Суддзя суда Наваполацка Зінаіда Балаболава 9 студзеня за “экстрэмізм” у сацыяльнай сетцы пакарала арыштам на 13 сутак масажыста Арцёма Баўцёнка. Ён быў адным са тых 180 жыхароў Наваполацка, якія былі асуджаныя на адміністрацыйны арышт на пачатку бягучага года. Суд над “правапарушальнікам” праходзіў па камунікатары “Скайп” і доўжыўся каля 15 хвілін.
Да дэпутата Палаты прадстаўнікоў на прыём у Дзісне прыйшлі толькі два чалавекі
Дэпутат Палаты прадстаўнікоў Нацыянальнага сходу Рэспублікі Беларусь па Докшыцкай выбарчай акрузе № 22 Анатоль Сіўко 11 чэрвеня правёў прыём грамадзян у Мёрскім раёне. Ён праходзіў у Дзісенскім гарвыканкаме. Таксама дэпутат сустрэўся з працоўным калектывам Дзісенскага лясгаса.
Улады папярэдзілі ваеннаабавязанага, які страціў ваенны білет у Расіі
Суддзя суда Ірына Яскевіч 27 траўня за парушэнне абавязкаў па воінскім уліку ў межах адміністрацыйнага працэсу папярэдзіла аб недапушчальнасці супрацьпраўных паводзінаў мясцовага жыхара Іллю Лысава.
Ксёндз з Шуміліна так і не выйшаў на волю. Выглядае, што яму прысуджаны трэці запар адміністрацыйны арышт
Ксёндз Анджэй Юхневіч, пробашч шумілінскай парафіі Маці Божай Фацімскай, быў затрыманы 8 траўня. Разам з ім затрымалі і ксяндза Паўла Лемеха. Абодвух 10 траўня асудзілі за несанкцыянаванае пікетаванне. Ксёндз Павел выйшаў на волю пасля адміністрацыйнага арышту, а ксёндз Анджэй застаецца за кратамі. Выглядае, што пасля першага арышту яму быў прысуджаны другі, а потым і трэці арышт запар. У няволі ён знаходзіцца больш за месяц.
Каб прывесці двар ў парадак, жыхары Віцебска збіраюць подпісы пад зваротам у мясцовы выканкам
Неабыякавыя гараджане стварылі на платформе "Зручны горад" петыцыю №5860, у якой паведамляюць чыноўнікам мясцовага гарвыканкама аб тым, што двор паміж дамамі №4 і №6 на вул. Гарбачэўскага знаходзіцца ў занядбаным стане, што стаў пагражаць здароўю і жыццю жыхароў гэтых дамоў.
За «экстрэмізм» у інтэрнэце ўлады аштрафавалі жыхара Шуміліна
Суддзя суда Шумілінскага раёна Іна Грабоўская 20 траўня за распаўсюджванне "экстрэмізму" ў сацыяльнай сетцы аштрафавала на 600 рублёў Мікалая Рабцава.
11 чэрвеня Вярхоўны суд будзе разбіраць апеляцыйную скаргу Вольгі Брыцікавай
Cкаргу былой кіраўніцы незалежнага прафсаюзу «Нафтана», якую трымаюць за кратамі са жніўня мінулага года, прызначаны разбіраць суддзя Вярхоўнага суду Уладзімір Чаравач. Пасяджэнне пройдзе ў закрытым рэжыме. Вырак суду першай інстанцыі, які абскарджвае Вольга Брыцікава, дагэтуль не вядомы. У адкрытых крыніцах інфармацыі ёсць звесткі толькі пра тое, што жанчыну асудзілі паводле ч.1 арт 130 КК (распальванне сацыяльнай варожасці і варажнечы).
Жыхары Докшыцкага раёна пачалі часта трапляць у фотапасткі. За гэта яны плацяць вялікія штрафы
Нарыхтоўку соку, выруб елак пад Новы год, самавольную высечку дрэў, забруджванне бытавымі адходамі лесу. Усё гэта фіксуюць фотапасткі на тэрыторыі Докшыцкага раёна, піша сайт “Родныя вытокі”.
Улады прыступілі да ліквідацыі грамадскай арганізацыі віцебскіх каратыстаў
Суддзя Віцебскага абласнога суда Наталля Хількевіч 6 чэрвеня прыняла рашэнне ліквідаваць Віцебскае маладзёжнае грамадскае аб'яднанне "Клуб баявых мастацтваў "Поспех". Гэтае рашэнне стала магчымым дзякуючы ініцыятыве кіраўніцтва Галоўнага ўпраўлення юстыцыі Віцебскаблвыканкама.