У Беларусі, і ў тым ліку на Лепельшчыне, працягваецца праверка баявой гатоўнасці злучэнняў і вайсковых частак
Як паведаміў сайту мясцовай раёнкі “Лепельскі край” ваенны камісар Лепельскага і Ушацкага раёнаў Андрэй Пухальскі, праверка мае комплексны характар, і яе мерапрыемствы будуць нарошчвацца.
У Віцебску ліквідуюць Беларускае грамадскае аб'яднанне па артэрыяльнай гіпертаніі
Пасяджэнне па ліквідацыі прайшло 19 сакавіка ў Віцебскім абласным судзе пад кіраўніцтвам Наталлі Лях. Ініцыятарам выступіла Міністэрства юстыцыі РБ. Пад «зачыстку» грамадскіх аб'яднанняў, якая планамерна вядзецца ўжо некалькі гадоў, пасля суполак грамадскага, спартовага і культурніцкага накірунку ўлады ўзяліся за медыкаў. Ліквідаваць вырашылі нават грамадскую структуру, якая дапамагала адолець хваробу, што лічыцца адной з самых распаўсюджаных у свеце. Паводле дадзеных Сусветнай арганізацыі аховы здароўя, за апошнія 30 год колькасці хворых на артэрыяльную гіпертэнзію вырасла амаль удвая – з 650 мільёнаў чалавек да 1, 28 мільярда.
Улады не сталі караць аўтамеханіка за неналежны стан грузавіка, адабранага да прадастаўлення войскам
Суддзя суда Талачынскага раёна Алеся Саян 28 лютага за невыкананне ваенна-транспартнага абавязку папярэдзіла механіка мясцовага прадпрыемства, бацьку пяці непаўналетніх дзяцей Аляксандра Камісарава.
Сытуацыя з правамі чалавека ў Беларусі будзе разгладжана 20 сакавіка на 55-й сэсіі Рады ААН па правах чалавека
Рада 15 сакавіка 2024 года апублікавала даклад аб становішчы ў галіне правоў чалавека ў Беларусі напярэдадні прэзыдэнцкіх выбараў 2020 года і пасля іх. У дакладзе гаворыцца аб закрыцці НДА, зменах заканадаўства, палітвязнях і ўмовах іх зняволення, у тым ліку ў рэжыме інкамунікада, рэпрэсіях супраць СМІ, пазбаўленне ліцэнзій адвакатаў, пашырэнні "экстрэмісцкіх" спісаў, ператрусах, адвольных затрыманнях, катаваннях, смерцях падчас пратэстаў і ў зняволенні, а таксама вымушанай эміграцыі.
Улады спагналі з палітвязня страхавую выплату
Суддзя суда Першамайскага раёна Віцебска Антаніна Сірата 17 студзеня пастанавіла спагнаць з вязня магілёўскай турмы №4 Алега Яфрэменка ў рэспубліканскі бюджэт кампенсацыю страхавой выплаты ў памеры 135 рублёў. Такую суму УУС Вітаблвыканкама выплаціла работніку міліцыі, які атрымаў траўму ад палітвязня падчас масавых беспарадкаў у 2020 годзе ў абласным цэнтры. Ні прадстаўнік УУС, ні адказнік Яфіменка, у судовым паседжанні не прысутнічалі.
Віцебскія чыноўнікі ад аховы здароўя адмовіліся рэагаваць на зварот грамадзян
Каб вырашыць праблему, жыхары рэгіёну сабралі 30 подпісаў пад зваротам да кіраўніцтва Міністэрства аховы здароўя, у якім просяць правесці праверку ў сувязі з фактам ігнаравання зваротаў грамадзян чыноўнікаў Галоўнага ўпраўлення па ахове здароўя Віцебскага аблвыканкама. Грамадзяне спадзяюцца на тое, што ў міністэрстве звярнуць увагу на бяздзейнасць віцебскіх калег.
“Раней аб'язджалі ямы, а зараз гарбы”. Ямы і груды. Рамонт дарог у Браслаўскім раёне вымушае жадаць лепшага
Браслаўчане звярнулі ўвагу на якасць ямачнага рамонту дарожнага пакрыцця ў вёсцы Рубеж, што на Браслаўшчыне. «Раней аб'язджалі ямы, а зараз гарбы. Зразумела, што ўвесь асфальт пабіты, але гэта ж таксама не рамонт!” – усклікае браслаўчанка.
Пастара евангельскай царквы Аляксандра Зарэцкага асудзілі за словы «Давайце маліцца за Украіну»
Сталі вядомыя падрабязнасці абвінавачванняў, высуных супраць пастара Аляксандра Зарэцкага з Навалукомля. 5 сакавіка суддзя Чашніцкага райсуда Ала Смірнова пакарала яго арыштам на 15 сутак за «несанкцыянаванае пікетаванне». Пікетам суд палічыў пропаведзь пастара падчас аднаго з богаслужэнняў, на якой, верагодна, прысутнічалі аператыўнікі. Фразы «помолимся за тех, кто в тюрьмах по сфальсифицированным причинам», «давайце маліцца за Украіну» і іншыя былі расцэнены як выразы, якія «адлюстроўваюць грамадска-палітычныя інтарэсы».
Органы пракуратуры Віцебскай вобласці выявілі значныя парушэнні ў рэгіянальных установах аховы здароўя
Регіянальная пракуратура ўнесла старшыні Вітаблвыканкама Субоціну прадстаўленне, па выніках разгляду якога былі прыняты меры для ўстаранення парушэнняў заканадаўства пры аказанні дзяржмедустановамі дапамогі насельніцтву. Акрамя таго, выканкамамі прыняты дадатковыя меры па замацаванні маладых спецыялістаў па месцах працы. За недагляды ў працы прыцягнуты да дысцыплінарнай адказнасці 10 службовых асоб.
Маніторынг крамаў у Лепелі выявіў бруд, смецце і рэалізацыю пратэрмінаваных прадуктаў
Спецыялісты Лепельскага раённага ЦГіЭ зрабілі санітарны нагляд гандлёвых аб'ектаў горада з максімальным выкарыстаннем мер прафілактычнага і папераджальнага характару. Піша мясцовая раёнка.