Асуджанага жыхара вёскі Лужасна Сяргея Мельнікава абвясцілі «экстрэмістам»
Яго імя і прозвішча з'явілася ў пераліку асобаў, якія маюць дачыненне да экстрэмісцкай дзейнасці, - гэты спіс складае МУС. Паводле яго, мужчына ўжо адбывае пакаранне, раней яго ўтрымлівалі ў віцебскім СІЗА-2. Сяргей Мельнікаў быў асуджаны судом Віцебскага раёна за абразу Аляксандра Лукашэнкі ( ч.1 арт. 368 Крымінальнага кодэкса), вырак прагучаў 28 сакавіка. Мельнікаў яго не аспрэчваў.
Навошта столькі ўвагі надаецца інфармацыі пра «нарказалежнага экстрэміста з арсеналам зброі»
Гэтую навіну са спасылкай або на тэлеграм-канал МУС, або на БЕЛТА перадрукавала абсалютная большасць дзяржаўных СМІ Віцебскай вобласці. Прычым у варыянце публікацыі яе з БЕЛТА навіна захоўвае аб'ектыўны падыход: паведамленне ў газеце «Лепельскі край» называецца «Задержали наркозависимого с большим арсеналом оружия». Іншыя мясцовыя інтэрнэт-выданні падкрэслілі, што гэта быў «экстрэміст», які «пісаў паведамленні ў дэструктыўныя Тэлеграм-каналы». Навошта гэта зроблена?
У "спіс экстрэмістаў" дадалі ўраджэнца Вушачаў Андрэя Пратасевіча
Апошнія гады беларус працаваў у Расіі, і яго абвяскілі ў міжнародны вышук за каментар у сацсетцы "Вконтакте" пра Максіма Міховіча - камандзіра АМАП Брэсцкай вобласці. 23 верасня 2022 г. яго затрымалі ў Маскве і змясцілі пад варту. Як было агучана на судзе ў Брэсце, Генпракуратура Расіі адмовіла ў выдачы Пратасевіча ў Беларусь з прычыны адсутнасці ў яго дзеяннях злачынства па расейскіх законах. Тым не менш, яго выслалі з суседняй дзяржавы па працэдуры "парушэння міграцыйнага заканадаўства" і перадалі ў Беларусь. Тут яго трымалі пад вартай з 7 лістапада 2022г. і да суду 12 студзеня 2023 года.
«Экстрэмісцкай» прызналі старонку ў Instagram Андрэя Кулакова – віцебскага вынаходніка «жывемабіля»
3 красавіка суд Вушацкага раёна Віцебскай вобласці пастанавіў лічыць «экстрэмісцкай інфармацыйнай прадукцыяй» змест старонкі «andrew_fanatik" у Instagram з ідэнтыфікатарам https://www.instagram.com/andrew_fanatik. На гэтай старонцы можна ўбачыць выявы легендарнага «жывемабіля» - мікрааўтобуса VW Transporter T3 , які Андрэй Кулакоў перафарбаваў у колеры нацыянальнага сцяга, і які ездзіў па Віцебску ў дні грамадскіх пратэстаў 2020г. Таксама там ёсць і выявы «украінамабіля» - мікрааўтобуса, набытага пасля ад'езду з Беларусі, на якім Андрэй Кулакоў займаўся валанцёрскай дзейнасцю ў пасля нападу на Украіну.
Відэазварот віцебскіх лекараў, запісаны ў 2020 годзе, прызналі «экстрэмісцкай інфармацыйнай прадукцыяй»
Рашэнне пра гэта прыняў 29 сакавіка суд Цэнтральнага раёна Мінска, 2 красавіка звесткі наконт прызнання экстрэмісцкім відэароліка "Белорусские Врачи против лжи о коронавирусе! Обращение медработников Витебска к властям о COVID-19" (https://www.youtube.com/watch?v=QlAius7Ja8c) з'явіліся ў «Рэспубліканскім спісе экстрэмісцкіх матэрыялаў», які складае Міністэрства інфармацыі РБ.
У сакавіку «экстрэмісцкі спіс» МУС папоўніўся яшчэ двума жыхарамі Віцебшчыны
Туды трапілі палітзняволены Уладзімір Лісіца, асуджаны да трох гадоў пазбаўлення волі паводле арт. 369 Крымінальнага кодэкса (Абраза прадстаўніка ўлады) і 45-гадовая жыхарка Віцебска Валерыя Іванова, асуджаная паводле таго д крымінальнага артыкула. Звестак пра справу жынчыны ў адкрытых крыніцах няма: вядома толькі, што 6 снежня мінулага года яе судзілі ў Кастрычніцкім райсудзе Віцебска, і што сёлета 1 сакавіка Віцебскі абласны суд разбіраў яе апеляцыйную скаргу. Выглядае, што там падтрымалі рашэнне суда першай інстанцыі: у «экстрэмісцкі спіс» людзей звычайна дадаюць пасля таго, як прысуд уступіў у законную сілу.
«Эстрэмісцкімі» прызналі сацсеткі блогеркі Алены Янушкоўскай і мастачкі Вольгі Якубоўскай
8 лютага 2024 года суд Пінскага раёна і горада Пінска прызнаў «экстрэмісцкай» старонку «Настоящая Беларусь» у сацсетцы Facebook, якую ў 2019 годзе стварыла віцебская відэаблогерка Алена Янушкоўская. У той самы дзень суд Лідскага раёна залічыў ў «экстрэмісцкую інфармацыйную прадукцыю» старонкі ў Facebook і Instagram наваполацкай мастачкі Вольгі Якубоўскай. «Экстрэмісцкім» прызнаны нават аўтапартрэт мастачкі, размешчаны на аватарцы.
Коцікі - «экстрэмісты». У спіс «экстрэмісцкіх» матэрыялаў уключылі старонку @BELARUSCATS у Instagram
Адпаведнае рашэнне 30 студзеня прыняў суд Лідскага раёна Гродненскай вобласці. На гэтай старонцы рэкламуюцца разнастыйныя вырабы з прынтамі паводле малюнкаў наваполацкай мастачкі Вольгі Якубоўскай, якая ў 2020г. запачаткавала цэлую серыю творчых прац «Коцікі свабоды», дзе галоўнымі «героямі» сталі белыя кацяняты – метафарычная выява шчырых і смелых беларусаў, якія не змірыліся з ціскам і гвалтам, а таксама шэрыя ваўкі з акрываўленымі пашчамі... Мастачка па зразумелых прычынах мусіла пакінуць Беларусь і цяпер жыве ў Латвіі.
“Экстрэмісцкай» прызналі старонку ў «Одноклассниках» 63-гадовай пастаўскай прыбіральшчыцы Алены Барсук
Рашэнне пра гэта прыняў 12 студзеня Пастаўскі раённы суд. Пра Алену Барсук вядома няшмат – яна не належала ні да якіх апазіцыйных партый, але заўсёды мела прынцыповую грамадскую пазіцыю і не баялася казаць праўду ў вочы начальству. Так яе характарызуюць знаёмыя. Паводле звестак ад землякоў, 9 студзеня жанчыну затрымалі, і, як яна паспела паведаміць, на яе быў складзены пратакол за «распаўсюд экстрэмізму». Прычым спадарыня Барсук сцвярджае, што старонкі ў «Одноклассниках» у яе няма.
«Экстрэмісцкімі» абвясцілі два YouTube-каналы пра Віцебск
У спіс экстрэмісцкіх матэрыялаў дадалі YouTube-каналы «Пра Віцебск / Новости Витебска» і «Маяк Беларускі \ Навіны рэгіёнаў», з якіх гледачы маглі даведацца рэгіянальныя навіны без ідэалагічнай цэнзуры. Рашэнне пра тое, што інфармацыйная прадукцыя гэтых рэсурсаў цяпер будзе лічыцца экстрэмісцкай, прыняў 15 студзеня суд Кастрычніцкага раёна Віцебска.