Якім чынам яна пакарала 65-гадовую жыхарку Шуміліншчыны, застаецца не вядомым. У «Пераліку грамадзян Рэспублікі Беларусь, замежных грамадзян і асоб без грамадзянства, датычных да экстрэмісцкай дзейнасці» пазначана, што яна ўжо адбывае пакаранне. Санкцыі арт. 369 прадугледжваюць пакаранне штрафам, арыштам абмежаваннем волі на тэрмін да трох гадоў са штрафам або пазбаўленне волі таксама са штрафам і на такі самы тэрмін. Санкцыі арт. 369 прадугледжваюць арышт, папраўчыя работы і абмежаванне ці пазбаўленне волі на тэрмін да чатырох гадоў.

Міністэртсва ўнутраных спраў Беларусі 8 снежня абнавіла «Пералік грамадзян Рэспублікі Беларусь, замежных грамадзян і асоб без грамадзянства, датычных да экстрэмісцкай дзейнасці». У яго дададзены прозвішчы Вячаслава Лазарава, абвінавачанага за супрацу з тэлеканалам, прызнаным у Беларусі «экстрэмісцкім фарміраваннем», і Таццяны Пыцько, якая нібыта дапамагала ў працы свайму мужу.

У відэароліку, паказанаму на канале, распавядаецца пра мужчыну, твар якога зрабілі непазнавальным, каторы нібыта прыйшоў у пастарунак, бо «адчуваў за сабой грашок». Сустрэўшыся з міліцыянтамі, ён быццам бы пераканаўся, што «быў на кручку», але ўсё абышлося: з ім правялі прафілактычную гутарку і адпусцілі. «Калі вы былі актыўныя ў інтэрнэце, наведвалі мітынгі, то прыходзьце ў ГУБАЗ», -- раяць аўтары відэароліка. Гісторыя з «пакаяннем» найхутчэй пастановачная, а вось наступствы «пакаянняў» могуць быць непрадказальныя.

Чат-бот стваральнікі называюць «новым другом», якому можна «анонимно сообщить о совершении действий экстремистской направленности, либо о лицах, причастных к экстремизму». Відавочна, што вядзецца пра палітычныя праявы «экстрэмізму», калі людзей караюць штрафамі і суткамі за падпіскі на інтэрнэт-рэсурсы, прызнаныя ў Беларусі экстрэмісцкімі матэрыяламі.

Як стала вядома, суддзя Пастаўскага суда Наталля Жукава пакарала жыхарку Пастаўшчыны В. паводле часткі 2 артыкула 19.11 КаАП (Распаўсюд, выраб, захоўванне перавозка інфармацыйнай прадукцыі, якая змяшчае заклікі да экстрэмісцкай дзейнасці або прапаганду  такой дзейнасці) дваццаццю пяццю базавымі велічынямі штрафу. Гэта складае 925 беларускіх рублёў. Да таго ж яна пастанавіла канфіскаваць сродак здзяйснення адміністрацыйнага правапарушэння - мабільны тэлефон Redmi NOTE-9.

На старонках дзяржвыдання «Сцяг перамогі» з“явіўся артыкул пра адміністрацыйную справу жыхаркі райцэнтра Ж., якую Лёзненскі райсуд аштрафаваў на 1 100 рублёў (30 базавых велічынь) за наяўнасць падпіскі ў Instagram на адзін з рэсурсаў, прызнаных у Беларусі «экстрэмісцкай інфармацыяй». Ад арышту жанчыну ўратавала толькі наяўнасць двух малалетніх дзяцей. Бо найчасцей за парушэнне ч.2 арт.19.11 КаАП суды «даюць» арышты, і вельмі часта – адразу на істотны тэрмін 15 сутак.

Паводле заявы пракурора Оршы і Аршанскага раёна суд разгледзеў грамадзянскую справу пра прызнанне экстрэмісцкімі матэрыяламі інфармацыйную прадукцыю групы «Орша Льнуха». Копію рашэння суд Оршы і Аршанскага раёна накіраваў у Міністэрства інфаомацыі, каь гэтую групу ўключылі ў Рэспубліканскі спіс экстрэмісцкіх матэрыялаў.

Гэтая група «ВКонтакте» існуе ўжо шмат гадоў і мае каля 1,5 тысяч падпісчыкаў. Асноўны змест – гэта мясцовыя аб“явы, зрэдку – абмеркаванне падзеяў рэгіянальнага або рэспубліканскага маштабу. Увагу тых, хто клапоціцца пра інфармацыйную бяспеку беларусаў і бароніць іх ад «апазіцыйнага дэструктыўнага ўплыву», маглі прыцягнуць хіба што фотаздымкі. У прыватнасці, фотаздымкі лавачак у двары, пафарбаваныя белым і чырвоным яшчэ ў 2019 годзе.

30 чэрвеня адбылося чарговае папаўненне спіса экстрэмісцкіх матэрыялаў. На гэты раз у яго трапілі сацыяльныя сеткі сайта “Вольнае Глыбокае”. Старонка ва «Укантакце» «Volnaye Hlybokaye» і Instagram-старонка «Вольное Глубокое». Як вядома, папулярную ў рэгіёне газету “Вольнае Глыбокае”  яе заснавальнік Уладзімір Скрабатун закрыў з-за эканамічных праблемаў два гады таму, і з 1 студзеня 2021 года ў Віцебскай вобласці спыніўся яе выпуск.

Адпаведнае рашэнне, што даволі нечакана, прыняў суд Ленінскага раёну Берасця. У судовай пастанове ад 19 чэрвеня гаворыцца, што «экстрэмісцкімі матэрыяламі» прызнаны «кантэнт у акаўнце «Вiцебская Вясна» сацыяльнай сеткі Twitter. Гэты рэсурс, заснаваны ў верасні 2018г., мае каля 250-ці сталых чытачоў. Праваабаронцы просяць усіх быць асцярожнымі: калі вы знаходзіцеся ў Беларусі, то пазбягайце каментароў і рэпостаў з інтэрнэт- рэсурсаў «Віцебскай Вясны». Падпіска на іх таксама можа быць расцэнена як распаўсюд «экстрэмісцкіх матэрыялаў».