У Полацку на месца, дзе ладзіўся перадвыбарчы пікет, мясцовыя ўлады прыгналі пад’ёмны кран і пачалі раптам ламаць амаль новыя мачты вулічнага асьвятленьня. Зборшчыкі подпісаў мяркуюць, што ўсё рабілася знарок – каб сарваць пікет апазыцыйнага прэтэндэнта ў кандыдаты.

Судовая калегія па крымінальных справах Віцебскага абласнога суду разгледзела апэляцыйныя скаргі былога старшыні абласной арганізацыі ЛДП Сяргея Ярмыкіна і ягонага паплечніка Юрыя Мярзьленкі на вырак суду Віцебскага раёну ад 27 траўня. Паводле яго яны атрымалі адпаведна 5 і 7 гадоў зьняволеньня за махлярства ў асабліва буйным памеры.