Клуб ангельскай мовы Валанцёрскай службы “Вясна” запрашае ў бліжэйшы панядзелак, 18 траўня, на занятак, які будзе прысвечаны Міжнароднаму дню барацьбы з гамафобіяй і трансфобіі (The International Day Against Homophobia and Transphobia). Гэты дзень адзначаецца штогод у памяць аб выключэнні гомасэксуальнасці з Міжнароднай класіфікацыі хваробаў 17 траўня 1990 года.

Грамадскае аб'яднанне "Экадом" заклікае спыніць пераслед актывістаў, якія выступаюць супраць будаўніцтва акумулятарнага завода пад Брэстам, а таксама перагледзець практыку абмежавання права грамадскасці на правядзенне мірных сходаў. "На працягу апошняга месяца мы адзначаем аднаўленне практыкі пераследу экаактывістаў, узмацненне жорсткасці ціску і прыняцця рэпрэсіўных мер у дачыненні да іх з боку дзяржавы, якія сталі сістэмнымі і масавымі. Асаблівую занепакоенасць выклікаюць дадзеныя падзеі на фоне распаўсюджвання коронавирусной інфекцыі COVID-19.

Ілюстрацыйнае фота У Беларусі працягваюцца суды над прыхільнікамі блогера Сяргея Ціханоскага і актывістамі, якія выходзілі ў сваіх гарадах на плошчы "кармиць галубоў" у знак салідарнасці з затрыманымі актывістамі і актывістамі Брэста.

Канстанцін Сярогін. Фота: mspring.online Праваабаронца «Магілёўскай вясны» Барыс Бухель паведаміў mspring.online, што днём 13 траўня ў судзе Кастрычніцкага раёна Магілёва вынеслі рашэнне ў дачыненні да блогера, сябра каманды «Краіна для жыцця» Кастуся Сярогіна.

Алена Янушкоўская. Фота: "Віцебская Вясна". Віцебскую блогерку і актывістку БХД Алену Янушкоўскую выклікалі ў пракуратуру. Паперу Янушкоўскай уручылі два супрацоўнікі міліцыі ў цывільным, якія прыяжджалі да яе дадому.

Апошняя сітуацыя з рэпрэсіямі над удзельнікамі акцый “кармлення галубоў” і сустрэч з блогерам Ціханоўскім прадэманстравала новы “стыль” паводзінаў у дачыненні да затрыманых актывістаў: іх судзяць, прызначаюць штраф, а потым, адразу пасля судовага паседжання, затрымліваюць ізноў і адвозяць у ІЧУ, каб потым быць асуджанымі па іншаму эпізоду ў межах аднаго і тако ж артыкула КаАП. Напрыклад, 10 мая на чарговай нядзельнай акцыі “кармлення галубоў” у Брэсце былі затрыманы праваабаронцы Уладзімір Вялічкін і Раман Кісляк. Яны правялі два дня ў Ізалятары часовага ўтрымання ў чаканні судовага паседжання, якое ўрэшце адбылося 12 мая у судзе Ленінскага раёна г. Брэста. Рашэннем суда яны былі прызнаныя вінаватымі ў здзяйсненні правапарушэнняў, прадугледжаных арт. 23.34 КаАП (Парушэнне парадку арганізацыі або правядзення масавых мерапрыемстваў), і пакараныя штрафамі. Пасля вынясення рашэння суда яны былі зноў затрыманыя прама ў будынку суда. Пазней стала вядома, што ў дачыненні да іх вядзецца адміністрацыйны працэс па усё тым жа арт 23.34 КаАП. Такім жа чынам у  зале суда, пасля вынясення рашэнняў аб штрафах былі затрыманыя і іншыя брэсцкія актывісты: Валер Фамінскі, Дзяніс Малышэка, Уладзімір Мароз, Віталь Казак і Уладзімір Дземенціюк.

Праваабаронца Азімжан Аскараў на пасяджэнні суда ў Бішкеку. 10 студзеня 2017 года. Фота Радыё Свабоды Кыргызстана Вярхоўны суд Кыргызстана 13 траўня, разгледзеўшы касацыйную скаргу праваабаронцы Азімжана Аскарава, пакінуў у сіле прысуд аб пажыццёвым пазбаўленні волі, перадае Кыргызская рэдакцыя Радыё Свабоды.

У Брэсце працягваюцца суды над праціўнікамі завода АКБ, якія кожную нядзелю выходзяць на цэнтральную плошчу горада на акцыю па "кармленні галубоў". Таксама суды чакаюцца над праваабаронцамі Раманам Кісляком і Уладзімірам Вялічкіным. Цікава, што многіх днямі судзілі ўжо паводле артыкула 23.34 КаАП, але пасля суда, дзе ім прысуджалі вялікія штрафы, іх зноўку затрымлівалі і адвозілі ў ІЧУ. Сярод такіх — праваабаронца "Вясны" Уладзімір Вялічкін, праваабаронца Раман Кісляк, актывісты Дзяніс Малышэнка, Валеры Фамінскі, Уладзімір Мароз, Віталь Казак. У 11:00 адбыўся разгляд адміністрацыйнай справы паводле артыкула 23.34 КаАП актывіста Уладзіміра Мароза. Суд Ленінскага раёна аштрафаваў актывіста на 30 базавых велічыняў (810 рублёў). 

Міхаіл Жамчужны ў судзе. Па апошніх звестках палітвязень Міхаіл Жамчужны, які адбывае пакаранне ў Горацкай калоніі, адчувае сябе нармальна і перадае словы падзякі за падтрымку, якая яму аказваецца з волі.

Затрыманне прыхільнікаў блогера Сяргея Ціханоўскага ў Гомелі. Фота TUT.BY Па дадзеных, якімі Праваабарончы цэнтр “Вясна” валодае  па стане на 13 траўня, у Беларусі ў перыяд з 6 траўня былі затрыманы каля 120 чалавек, якія ўдзельнічалі ў акцыях пратэсту, прыходзілі на сустрэчу з блогерам Сяргеем Ціханоўскім ці выходзілі на акцыі ў яго падтрымку пасля затрымання блогера. Міліцыя склала прыкладна такую ж колькасць патаколаў (каля 120) за парушэнне заканадаўства аб масавых мерапрыемствах (па арт. 23.34 КаАП). Пад пераслед трапілі таксама праваабаронцы і журналісты, якія назіралі ці асвятлялі акцыі.